Пет „кралевите“ во тимот на сезоната за 2024 година

Петмина играчи на Реал Мадрид најдоа место во идеалниот тим на ФИФА – Карвахал, Рудигер, Крос, Белингем и Винисиус.

Манчестер Сити го претставуваат Рубен Диас и Ерлинг Халанд, додека Барселона, Арсенал и Астон Вила имаат по еден играч во симболичните 11 – Јамал, Салиба и Мартинез.

Голман е Емилијано Мартинез, кој исто така ја доби наградата за број 1 на својата позиција. Во одбраната пред него се Дани Карвахал, Антонио Рудигер, Рубен Диас и Вилијам Салиба. Триото во средниот ред го сочинуваат Џуд Белингем, Родри и Тони Крос, а во нападот Ламин Јамал, Ерлинг Халанд и Винисиус.

Винициус Жуниор е најдобар фудбалер на годината според ФИФА

Бразилецот од Реал Мадрид, Винисиус Жуниор е прогласен за најдобар светски играч за 2024 година страна на ФИФА.

Номинирани за „The Best FIFA Football Awards“ беа претежно играчи на Реал Мадрид, заедно со Манчестер сити, Барселона и Баер Леверкузен, а единствен кандидат кој не игра во Европа беше минатогодишниот победник, славниот Аргентинец Лионел Меси, сега член на Интер Мајами.

Винисиус Жуниор годинава блесна во дресот на Реал Мадрид, освојувајќи ја Лигата на шампионите и шпанското првенство.

Бразилецот овојпат го победи шпанскиот репрезентативец и фудбалер на Манчестер сити, Родри, кој на крајот на октомври ја освои престижната Златна топка, која Франс Фудбал заедно со УЕФА ја доделува на најдобриот играч од претходната сезона.

Родри тогаш беше подобар од Винисиус, чиј клуб во знак на протест ја бојкотираше наградата.

Одбиена казната на Бентакур, Уругваецот ќе мора да почека на враќање на терените

Останува на сила казната од седум натпревари на играчот од средниот ред на Тотенхем, Родриго Бентанкур поради расистичка шега на сметка на соиграчот Сон Хеунг-Мин, објави новинарот Бен Џејкобс.

На 18 ноември стана познато дека Фудбалската асоцијација на Англија (ФА) го суспендираше Бентанкур на седум натпревари и го казни со 100.000 фунти за расизам против неговиот соиграч Сон Хеунг-мин. Клубот поднесе жалба.

Во текот на летото, на интернет се прошири видео со Бентанкур од уругвајската телевизија. Водителот го замоли играчот од средниот ред на Тотенхем да му даде дрес од Сон Хеунг-Мин доколку има, на што Бентанкур се пошегува дека тоа би можело да биде дрес на братучедот на фудбалерот, бидејќи сите Корејците изгледаат исто. Играчот од средниот ред подоцна му се извини на својот соиграч.

Шекил: Стеф Кари ја „уништи“ кошарката

Шекил О’Нил, легендарниот американски кошаркар, смета дека падот на гледаноста во НБА се должи на зголемениот број на шутеви за три поени.

„Имам теорија. Гледаноста е намалена затоа што секоја вечер го гледаме истото. Денеска сите екипи шутираат тројки. Сите ги изведуваат истите потези во проклетата област зад линијата за три поени, со дриблинг и чекор назад. А рејтингот ќе продолжи да паѓа доколку не се вратиме на она што го правевме претходно“, вели популарниот Шек.

Шек оваа изјава ја даде по натпреварот помеѓу Голден стејт и Далас на кој беа реализирани 48 тројки, најмногу во историјата на НБА. Вориорс реализираа 27 тројки, од кои 18 во првото полувреме. Меѓу виновниците секако е и Стеф Кари, најдобриот шутер во историјата.

Тој упати седум тројки и беше мета на критики и од Шек, кој рече:

„Кари ја уништи кошарката“, заклучи Шек.

Вучевиќ ја менува екипата, одлучи да го напушти Чикаго Булс

Црногорскиот кошаркарски репрезентативец Никола Вучевиќ заминува од Чикаго Булс. И покрај тоа што центарот е еден од најдобрите кошаркари на славната франшиза неговата голема плата предизвикува проблем за тимот па раководството е отворено за негов трејд.

Чикаго одново размислува за подмладување на составот па за Вучевиќ ќе цели на повеке драфт пикови, преферентно од високо од првата рунда.

Вучевиќ зад кој е 13-годишна НБА кариера оваа сезона бележи 21 поен, 9.8 скокови и 3.2 асистенции во просек.

Дејвис се повреди, Лејкерси одреден период без својот центар

Центарот на „езерџиите“ Ентони Дејви одигра 33 минути и беше лидер на тимот, а тогаш се повреди.

По еден дуел Дејвис се фати за рамо и легна на паркетот, па потоа мораше да биде заменет.

Интересна беше одлуката на тренерот Џеј Џеј Редик да го остави во игра со четири лични грешки.

Тоа наиде на критики кај навивачите, кои сметаат дека повредата можела да се избегне. Засега нема информации за каква повреда се работи и колку ѕвездата ќе паузира.

Мелгард ја заврши играчката и почнува тренерска кариера

Данскиот ракометар Хенрик Мелгард ја игра последната сезона во неговата играчка кариера.

39-годишниот ракометар на Алборг одлучи дека е време да се пензионира, но и понатаму ќе остане во ракометните води.

Како што е познато, Мелгард ќе се врати во таборот на ,,светците” и ќе биде асистент на неговиот сонародник Стефан Мадсен.

Мелгард и Мадсен со францускиот клуб се договорија на соработка, која ќе биде со важност од две сезони.

Вулверхемптон го одбра Витор Переира за нов менаџер

RIYADH, SAUDI ARABIA – MARCH 30:Vitor Pereira Coach of Al Shabab reacts during the Saudi Pro League match between Al-Shabab and Al-Hilal at Al-Shabab Club Stadium on March 30, 2024 in Riyadh, Saudi Arabia.(Photo by Yasser Bakhsh/Getty Images)

Нов менаџер на Вулверхемптон е Витор Переира. Португалецот доаѓа во Вулверхемптон по десет месеци минати во Саудиска Арабија, вп фудбалскиот клуб Ал Шабаб.

Переира на клупата ќе го замени Гери О’Нил, кој доби отказ по поразот на Волвс од Ипсвич (1:2).

Клубот се договори за обештетување со Ал Шабаб и ќе му плати на саудискиот клуб 800.000 фунти за Переира.

„Скај Спорт“ објави дека Преира го договорил личните услови и дека во следните 24 часа ќе потпише 18-месечен договор.

„Волците“ го пречекуваат својот нов менаџер на 19. место на табелата.

Бензема најави пензионирање во 2025 година

Францускиот напаѓач на Ал Итихад, Карим Бензема размислува да се повлече од професионално играње фудбал.

Според „Relevo“, 36-годишниот фудбалер се уште нема донесено конечна одлука, но не ја исклучува оваа опција, бидејќи почнал да се заморува од условите во кои се одржуваат редовни тренинзи во Саудиска Арабија.

Бензема сака да живее во Мадрид и да се врати во Реал како амбасадор. Забележано е дека напаѓачот веќе има договори со „Лос Бланкос“ за тој да ја преземе оваа позиција во мадридскиот клуб на крајот од неговата играчка кариера.

Французинот се пресели во Ал-Итихад во јуни 2023 година. Претходно 14 години играше за Реал Мадрид, со кој стана четирикратен шампион на Шпанија, петкратен освојувач на Лигата на шампионите и сопственик на многу други трофеи.

Договорот на фудбалерот со саудискиот клуб истекува во летото 2026 година.

Се разделија Серхио Перез и Ред Бул

Ред Бул и Серхио Перез решија да се разделат, пренесува француски „Канал+“.

Според изворот, австрискиот тим одлучил Лијам Лосон да биде дел од главниот ростер заедно со Макс Верстапен. Јуки Цунода ќе остане во РБ, а од сезоната 2025 ќе вози за тимот „Рејсинг Булс“.

Претходно беше објавено дека Изак Аџар од Формула 2 ќе се пресели во РБ и ќе му биде тимски колега на Цунода.

Перез вози за Ред Бул од 2021 година. Минатата сезона стана вице-светски шампион. Триесет и четиригодишниот Мексиканец оваа година четири пати заврши на подиумот, но во втората полусезона никогаш не заврши повисоко од шестото место и двапати заврши на 17. место.

feature