Хари Кејн без „влакна“ на јазикот проговори за својата иднина. Многу се шпекулира околу неговата иднина, откако медиумите објавија дека во неговиот договор постои клаузула, кој му овозможува по завршувањето на оваа сезона да го напушти Баерн за 65 милиони евра.

Хари Кејн, легенда на Тотенхем, повторно е во Лондон, утре во дресот на Баерн ќе игра против Арсенал.

Напаѓачот, во пресрет на дербито, ги негираше шпекулациите дека тој ќе се пресели во Барселона, по завршувањето на сезоната.

„Не сум бил во контакт со никого, не сум добил никаков повик. Се чувствувам многу задоволен таму каде што сум, иако се уште не сум преговарал со Баерн. Не брзам, бидејќи знам дека сум среќен во Минхен. Тоа можете да го видите во начинот на кој играм. Воопшто не размислувам за понуди пред следната сезона. Светското првенство е на прво место и речиси сигурно ништо нема да се промени дури ни по Светското првенство“, рече Кејн.

Потоа следеше прашање од печатот за тоа дали навивачите на Баерн треба да се грижат, на што Кејн категорично одговори:

„Не, не мислам дека има причина за тоа“, заклучи Кејн.

Англичанецот влегува во последната година од договорот на лето и сосема е јасно дека очекува понуда за продолжување на соработката.

Меѓународната фудбалска федерација (ФИФА) ги објави шеширите во ждрепката за Светското првенство во 2026 година, кое ќе се одржи во Соединетите Американски Држави, Канада и Мексико.

Победниците од шесте плејоф натпревари се во четвртиот шешир. Ждрепката ќе се одржи на 5 декември во 18:00 часот во Вашингтон. На Светското првенство во 2026 година за прв пат ќе учествуваат 48 репрезентации поделени во 12 групи.

Во првиот шешир се домаќините Канада, Соединетите Американски Држави и Мексико, како и деветте најдобро рангирани репрезентации на ранг-листата на ФИФА: Шпанија, Аргентина, Франција, Англија, Бразил, Португалија, Холандија, Белгија и Германија.

Во вториот шешир се Хрватска, Мароко, Колумбија, Уругвај, Швајцарија, Јапонија, Сенегал, Иран, Јужна Кореја, Еквадор, Австрија и Австралија.

Во третиот шешир е најдобрата репрезентација на европските квалификации, Норвешка, како и Египет, Алжир, Шкотска, Парагвај, Тунис, Брегот на Слоновата Коска, Узбекистан, Катар, Саудиска Арабија и Јужна Африка.

Во четвртиот шешир се Јордан, Зелено’ртските Острови, Гана, Курасао, Хаити, Нов Зеланд, како и победниците од четирите европски плејоф натпревари и две репрезентации од интерконтиненталниот плејоф.

Во групата А од европскиот бараж се Италија, Велс, Босна и Херцеговина и Северна Ирска, во групата Б се Украина, Шведска, Полска и Албанија, во групата Ц се Словачка, Турција, Романија и Косово, во групата Д се Чешка, Ирска, Данска и Македонија.

ДР Конго, Јамајка и Нова Каледонија се во првата колона од интерконтиненталниот бараж, додека Ирак, Боливија и Суринам се во втората колона.

За прв пат, ФИФА одлучи четирите најдобро рангирани репрезентации на ранг-листата да бидат сместени во различни делови од ждрепката, за да не се сретнат потенцијално пред полуфиналето.

„За да се обезбеди конкурентска рамнотежа, при изготвувањето на распоредот на натпреварите се утврдени два одделни пата до полуфиналето. Заради избалансирана распределба, четирите најдобро рангирани репрезентации на ранг-листата на ФИФА, Шпанија, Аргентина, Франција и Англија, ќе бидат случајно извлечени во спротивни патеки. Ова ќе осигури доколку ги освојат своите групи, дека нема да можат да се сретнат пред финалето“, објави ФИФА.

Во групите нема да има повеќе од еден претставник од истата конфедерација, освен од Европа, која може да има максимум две селекции во иста група.

Светското првенство ќе се одржи од 11 јуни до 19 јули 2026 година во 16 градови во САД, Канада и Мексико.

Дисциплинската комисија на Меѓународната фудбалска федерација (ФИФА) му изрече денеска суспензија од еден натпревар на португалскиот репрезентативец Кристијано Роналдо поради црвениот картон што го доби на натпреварот против Ирска во квалификациите за Светското првенство 2026.

Роналдо беше исклучен откако го удри со лакт домашниот дефанзивец Дара О’Ши во 61. минута од натпреварот.

Португалската ѕвезда се соочуваше со суспензија од три натпревари, што ќе значше дека ќе ги пропушти првите два натпревари од групната фаза на Светското првенство, но, ФИФА го суспендираше Роналдо само на еден натпревар, а два условно.

Роналдо веќе ја отслужи суспензијата откако го пропушти завршниот натпревар во мундијалските квалификации против Ерменија, кој тимот на Роберто Мартинез го доби со 9-1.

За Роналдо, СП во САД, Мексико и Канада ќе биде шестиот мундијалски настап во неговата кариера, во која досега одигра 226 натпревари за Португалија и постигна 143 голови.

Јан Облак, голман на Атлетико Мадрид, доби награда за извонреден подвиг.

На гала вечерта на весникот „Марка“, репрезентативецот на Словенија по шести пат ја доби наградата Замора, наменета за голманот, кој прима најмалку голови во просек во шпанското првенство.

Никој досега не успеал да го постигне ова престижно признание толку многу пати пред него. На церемонијата на доделување на наградите го придружуваше избраничката на неговото срце, српската тенисерка Олга Даниловиќ. На Гран Гала, како што се нарекува овој настан, присуствуваа големи имиња во шпанскиот спорт како што се Рафаел Надал, освојувач на 22 Гренд Слем титули, легендарниот возач на Мото ГП Марк Маркез, но и Икер Касиљас, Санти Казорла и многу други познати спортисти.

Дуелот меѓу Башакшехир и Трабзон, одигран во синоќа, освен донесе гол шоу и победа на гостите 4-3, беше обележан и со сериозна повреда на Един Вишќа.

Поминаа само пет или шест минути од почетокот на натпреварот кога Фести Ебоселе сљкаше да спречи контра напад. Ирецот „влета“ во Вишќа, кој падна на левата нога, а стапалото му се сврте неприродно.

Вишќа веднаш гестикулираше, бараше помош, судијата му покажа жолт картон на Ебоселе, а играчот на Башакшехир дури и не разбра зошто. Дури откако доби повик од ВАР собата, главниот судија го исклучи фудбалерот на Башакшехир.

Капитенот на Трабзон беше однесен во болница, а клубот не коментираше за деталите од повредата. И Трабзон и Башакшехир му посакаа брзо закрепнување, а турските медиуми шпекулираа дека станува збор за повреда што би можела да му ја заврши кариерата на 35-годишниот фудбалер.

Вишќа има договор со Трабзон до крајот на сезоната, одигра повеќе од 500 натпревари во Турција и двапати беше шампион.

Медениот месец на Чаби Алонсо во Реал заврши, сега мора да се справува со големите ега во соблекувалната. Реал нема победа на последните три од последните четири натпревари, загуби од Ливерпул во Лигата на шампионите и одигра нерешено во Примера против Рајо Ваљекано и Елче.

Нерешениот резултат во Елче е резултат на нарушената атмосфера во тимот, тврдат шпанските медиуми. Откриваат дека две групи владеат во соблекувалната.

Според медиумите, дека атмосферата не е добра, јасно видливо и на теренот. Играчите не го притискаат противникот како порано и не изгледаат поврзани со тренерот, пишува „Копе“.

„Незадоволни играчи? Винисиус, Валверде, Родриго, Брахим, Ендрик, Менди… Задоволни? Хаусен, Карерас, Куртоа, Гулер и Мбапе“, објави „Копе“ и нагласува дека во тимот има повеќе незадоволни отколку задоволни фудбалери, но не сакаа да ги откријат сите имиња бидејќи некои, како што тврдат, се „некаде измеѓу“.

Чаби и неговите асистенти мора некако да ја обединат соблекувалната пред претстојните натпревари, во спротивно ќе се размислува дури и за смена на тренерот.

Чаби Алонсо и неговите помошбници сè уште веруваат дека можат да ја свртат сезоната во своја корист. Точно е дека некои клучни играчи се надвор од форма, но на 25 ноември е, Реал е прв во Ла Лига и меѓу осумте најдобри во Лигата на шампионите.

На 25 ноември 2020 година, на 60 годишна возраст во Тигре, предградие на Буенос Аирес, почина легендарниот аргентински фудбалер Диего Армандо Марадона.

Тој е најдобриот фудбалер на 20 век со гласање на официјалната веб-страница на ФИФА. Марадона е првиот носител на почесна „Златна топка“ на „Франс Фудбал“. За време на неговата 21-годишна кариера како фудбалер, тој играше во шест екипи, вклучувајќи ги Бока јуниорс (двапати), Барселона и Наполи. За клубовите одигра на 491 натпревар и постигна 210 гола. Учествуваше на четири светски шампионати од 1982 до 1994 година, стана шампион во 1986 година и вицешампион во 1990 година. Одигра 91 натпревар за Аргентина, постигнувајќи 34 гола. Од 1986 година е капитен на националниот тим.

Во 1986 година ја освои Златната топка за најдобар фудбалер на Светското првенство. На четвртфиналниот натпревар против Англија постигна два гола, кои влегуваат во историјата на фудбалот.

Првиот, постигнат со рака стана познат како „рака на Бога“. Вториот, по спектакуларниот дриблинг што започна од централната линија на теренот, помина крај четворица англиски играчи, се нарекува „Цел на векот“. Во 1991 година тој беше суспендиран на 15 натпревари откако беше осуден за допинг.

Во 1994 година, за време на Светското првенство во САД, тој повторно беше позитивен на допинг тест – овој пат ефедрин, што беше крај на неговата кариера за националниот тим. Диего Армандо Марадона е роден на 30 октомври 1960 година во Ланус, близу Буенос Аирес, како петто од осумте деца во семејството на Диего Марадона и Далма Салвадоре Франко.