Трите најголеми клубови во италијанскиот фудбал – Милан, Јувентус и Интер – имале заеднички состанок на кој се разговарало за поведување иницијатива за намалување на бројот на тимови во Серија А од почетокот на сезоната 2025-2026.

„Тутоспорт“ пренесува дека во понеделникот раководствата на Интер, Јуве и Милан се сретнале во седиштето на „нероаѕурите“ во Милано. На овој состанок се донесени заклучоци за потребата да се намали бројот на прволигаши од 20 на 18 од почетокот на сезоната 2025-2026.

По состанокот идејата им била претставена на останатите клубови и добила различни ставови. За предлогот да биде прифатен потребни се 14 гласа. Во рок од една недела Италијанската фудбалска федерација ќе го претстави проектот за реформа на италијанскиот фудбал, по што ќе се гласа за да се донесе одлука и по ова прашање.

Саботниот натпревар на Ливерпул против Барнли на “Енфилд“, влегува во историјата на славните “Црвени“.

Екипата предводена од Клоп, на домашен терен се очекува да биде бодрена од 60 илјади навивачи, откако заврши реновирањето на трибината “Anfield Road End“.

Во историјата на клубот е запишано дека досега најмногу гледачи во Премиер лигата на Енфилд имало во 1949 година, кога дуелот против Челзи го следеле 58.757 гледачи.

Манчестер Јунајтед одлучи да не ја активира опцијата за продолжување на договорот со Рафаел Варан за дополнителни 12 месеци.

Тоа значи дека дефанзивецот на лето може да го напушти „Олд Трафорд“, бидејќи неговиот договор со „црвените ѓаволи“ истекува на крајот на сезоната.

Во Јунајтед процениле дека платата од 340 илјади фунти неделно е преголем товар со оглед на бројните повреди, лошата форма и несогласувањата со менаџерот Ерик Тен Хаг.

Таквата ситуација сака да ја искористи Ал Наср, па саудискиот клуб му нуди плата од 50 милиони евра годишно за да го доведе во своите редови.

Клучна улога во трансферот може да има Кристиано Роналдо, кој е добар пријател со Французинот и го убедува да му се придружи во Ал Наср.

На една година пред истекот на договорот напаѓачот Ајван Тони ќе го напушти Брентфорд. Тони ќе го напушти клубот во летото кое следи, потврди менаџерот на Брентфорд, Томас Франк.

„Очигледно е дека ќе се разделиме. Него му истекува договорот летото 2025 година и најверојатно ќе биде продаден на лето. Оваа зима имавме многу понуди за него и ќе бидам изненаден ако во јули нема и повеќе. Мислам дека во овој момент не постојат многу напаѓачи кои се подобри од него“, изјави Франк.

Тони има 27 години и за Брентфорд игра од 2020 година, досега настапи на вкупно 113 натпревари во кои постигна 65 голови. Зад себе има и еден настап во репрезентацијата на Англија.

Но, во прашање е и контроверзна личност, неодамна се врати на терените по суспензијата од осум месеци поради обложување на натпревари во кои и самиот играл. Минатото лето се шпекулираше дека Арсенал е заинтересиран за неговите услуги, а останува да видиме во наредниот период кои клубови ќе се борат за неговиот потпис.

Македонскиот интернационалец Лука Станковски заминува на нова позајмица од редовите на Газиантеп.

Офанзивниот играч за врска до крајот на сезоната ќе настапува за турскиот второлигаш Тузласпор. Станковски во потрага по минутажа пак замина од елитата во Турција, а во претходната сезона запиша само три настапи во првенството и купот за Газиантеп.

Ова е втора позајмица за 21-годишникот од Газиантеп, откако ланската втора полусезона играше за словенечка Горица.

Новиот сопственик на Манчестер Јунајтед, Сер Џим Ретклиф веќе подготвува планови за освежување на тимот во текот на летото. Тој сигурно ќе вложи сериозни инвестиции за засилување на составот за следната сезона, бидејќи според информациите милијардерот веќе ја добил и првата приоритетна цел.

Станува збор за дефанзивецот на Јувентус, Глисон Бремер. 26-годишниот Бразилец има уште една силна сезона во тимот на „бјанконерите“ и тоа го привлече вниманието на Ретклиф, кој во него гледа решение за проблемите на „црвените ѓаволи“ во центарот на одбраната. Сепак, газдата ќе мора да ги олабави ќесето бидејќи играчот неодамна потпиша нов договор и неговата цена е над 70 милиони евра.

Покрај тоа што е заинтересиран за Бремер, Манчестер Јунајтед веќе подолго време е поврзуван и со дефанзивецот на Ница, Жан-Клер Тодибо.