Македонскиот фудбалски репрезентативец Бојан Миовски доби нов тренер во Абердин. Се работи за легендарно фудбалско име на Островот, Нил Ворнок.
Тој има 75 години, неговата менаџерска кариера трае речиси 45 години, а ги има предводено и Лидс, Кристал Палас, Шефилд јунајтед и Мидлсборо.
Нил Ворнок доаѓа на местото на Бери Робсон, кој замина од клупата на Абердин минатата седмица, по ремито со Данди на домашен терен во Премиер – лигата.
Првиот човек на Ред Бул, Кристијан Хорнер, барем според пишувањата на светските медиуми е под истрага поради неприкладно однесување кон една девојка во тимот.
Да потсетиме дека Хорнер е оженет со позната пејачка Гери Халовеј, некогашна членка на мега – популарната група “Спајс грлс“.
Портпаролот на Ф1 ги потврдил овие наводи и дека е покрената истрага за однесувањето на Хорнер. Инаку тој демантира се она што е поврзано со овој случај.
Исто така и членовите на тимот со кои новинарите контатирале се шокирани од се ова во врска со Хорнер.
Мауро Икарди ја оживеа кариерата во Галатасарај и на лето сака да се врати во Серија А.
Аргентинецот е врвен напаѓач со искуство во големи клубови, па иако сите го отпишаа додека беше во ПСЖ сепак тој покажа дека уште игра на врвно ниво. Икарди оваа сезона има постигато 18 гола, а силен интерес за него покажуваат Рома и Наполи.
Икарди сака да се врати во Италија и веќе стапил во контакт со овие два клуба.
Фудбалерот на Манчестер Јунајтед, Лисандро Мартинез, нема да оди на операција но, ќе биде надвор од терените околу шест до осум недели, објавија медиумите во неговата татковина – Аргентина.
Дефанзивецот на „црвените ѓаволи“ заработи потешка повреда на последниот меч со Вест Хем а олеснителна околност е што нема потреба да оди во болница.
Доколку тоа се потврди и со дополнителните лекарски прегледи, тоа значи дека бекот ќе може да се врати на стадионите кон крајот на месец март.
Фудбалерот, Осман Дембеле, ја санираше повредата и се врати во тренинг процес во составот на ПСЖ, велат последните информации од Франција.
Крилниот напаѓач мораше да го „скокне“ мечот со Стразбур одигран во петокот поради мала повреда на бутот на ногата но, денеска тренираше во клупската база. Се претпоставува дека Дембеле ќе може да игра на мечот со Брест закажан за в среда во рамките на Купот на Франција.
Тренерот, Луси Енрике, веројатно за тој меч ќе може да го користи и португалскиот бек, Нуно Мендеш.
За женското Светско првенство во ракомет, кое ќе се одржи во 2027 година, Германците ги одбраа градовите Трир, Дортмунд и Штутгарт, додека за машкото СП за три години ќе има осум града што ќе бидат домаќини, со оглед на тоа што ќе играат 32 селекции.
Пет од нив веќе беа домаќини на ЕП 2024, а ќе има плус три дополнително.Покрај Берлин со „Мерцедес Бенц Арена“, Манхајм, Хамбург, Келн и Минхен, Германците ги планираат и Хановер, Бремен и Штутгарт за домаќини на најдобрите светски репрезентации во јануари 2027 година.
Лондонски Арсенал го победи Ливерпул вчера во мечот од 23. коло на Премиерлигата со 3-1, а крилото на „топчиите“, Букајо Сака кој го постигна првиот гол, на крајот на мечот пријавил повреда. Во 77. минута од натпреварот, 22-годишниот Англичанец со рака му посочи на стручниот штаб дека му е потребна лекарска помош, покажувајќи на пределот на глуждот.
Засега нема информација за сериозноста на повредата и дали тој ќе биде во тимот за следниот меч на Арсенал. Артета по мечот само напомена дека се надева дека Сака ќе биде добро.
Следниот натпревар тимот на Артета е на 11 февруари против Вест Хем Јунајтед.
Тренерот на ПСЖ, Луис Енрике, по синоќешната победа над Стразбур (1-2) во натпреварот од 20. коло од францускиот фудбалски шампионат, зборуваше за амбициите задачите на Парижаните оваа сезона.
„Дали најдов начин како тимот да напредува? Полошо ќе биде во март, подобро во април, не толку добро во мај, најдобро во јуни. Целта е да се освојат сите трофеи до 1 јуни. Ете колку сме храбри“, изјави Енрике за „L’Equipe“.
Пари Сен Жермен е прв на табелата во Лига 1 со освоени 47 бода на 20 натпревари.
Следни предизвици за тимот на Енрике се средбите со Брест во Купот на Франција на 7 февруари, а на 14 февруари е првиот дуел со Реал Сосиедад во плејофот на Лигата на шампионите.
ПСЖ е актуелен шампион на Франција.
Квича Кварацхелија беше вистинско откритие на Серија А минатата сезона и го привлече вниманието на многу европски гиганти.
Грузиецот беше еден од најзасилужните за освоеното Скудето на Наполи, а сега сериозен интерес за него покажуваат клубовите од Премиер лигата и ПСЖ.
Кварацхелија оваа сезона не игра на нивото на минатата сезона, едноставно се вклопи во сивилото на Наполи, но европските гиганти продолжуваат да покажуваат сериозен интерес.
Челзи, Ливерпул, Манчестер Јунајтед, ПСЖ и Арсенал внимателно го следат Кварацхелија и се спремни да испратат богата понуда за него на крајот на сезоната.
Наполи нема лесно да се откаже од својата ѕвезда, но Челзи и Ливерпул се спремни да понудат 100 милиони евра за неговиот потпис.
Италијанскиот репрезентативец, Николо Заниоло после одлични шест месеци во дресот на Галатасарај, во летниот преоден рок се пресели во Премиер лигата. Астон Вила плати 3 милиони евра за едногодишна позајмица со право на откуп на крајот на сезоната.
Иако Италијанецот пружи солидни партии во Премиер лигата, сепак Астон Вила донела одлука да НЕ го откуп неговиот договор на крајот на сезоната.
Ситуацијата будно ја следат клубовите од Серија А, пред се Милан, Јувентус и Наполи, кои сакаат на лето да го доведат во своите редови.
Самиот Заниоло сака да се врати во Италија, па само прашање е кој дрес ќе го облече.
