Леброн ја запиша илјадитата победа во кариерата

Екипата на Лос Анџелес лејкерс ноќеска во градското дерби ги совладаа Клиперси со 108-102. Првата ѕвезда на лејкерс, Леброн Џејмс постигна 17 поени, пет скока и девет асистенции.

Четирикратниот МВП во НБА-лигата ја забележа својата 1000-та победа во регуларниот дел од сезоната.

Ова достигнување го рангира 40-годишнито Џејмс на на четвртото место во историјата, зад Карим Абдул-Џабар (1.074), Роберт Периш (1.014) и Тим Данкан (1.001).

Во тековната сезона во најсилната кошаркарска лига на светот, Џејмс има просек од 24,9 поени, 8,1 скока и 8,6 асистенции.

Поврзани теми

На 1ви март Евротип беше присутен со свој штанд на Струмичкиот Карневал.

Овој настан беше прилика нашата компанија маркетиншки да се претстави пред струмичката јавност, како и пред гостите од регионот и пошироко.

Нашата маскота и хостесите се прошетаа низ морето на маски со што оставија белег за присуство на карневалот како и промоција на својот бренд.

Георгиевски и Рељиќ освоија бронзи на „Бугарија опен“ од Г1 серија

epa09370917 Silver medallist Dejan Georgievski of North Macedonia poses on the podium after the Men’s +80kg Gold and Bronze Medal Contests during the Taekwondo events of the Tokyo 2020 Olympic Games at the Makuhari Messe convention centre in Chiba, Japan, 27 July 2021. EPA-EFE/RITCHIE B. TONGO

Најдобрите македонски таеквондисти, Дејан Георгиевски и Мила Рељиќ освоија бронзени медали на Меѓународниот таеквондо турнир „Бугарија опен“ во Софија кој е дел од Г1 серијата.

Георгиевски во полуфиналето загуби од Русинот Владислав Ларин со кого се бореше во финалето на Олимпските игри во Токио и повторно беше поразен.

Нашата Мила Рељиќ во полуфиналето загуби од Анастасија Банова и не успеа да се најде во борбата за злато.

И Мила и Дејан ги користат настапите на овие Г1 турнири за да се соберат што повеќе бодови за пласман на следните ЛОИ во Лос Анџелес 2028 година.

Џејлен Хорд пак се повреди, нови грижи за Макаби

Кошаркарите на Макаби Тел Авив имаат лоша сезона во Евролигата, а нова главоболка доаѓа во играчкиот кадар.

Одново тимот ќе биде без најдобриот кошаркар Џејлен Хорд, кој тукушто се опорави од повреда на ногата, одново ќе мора на пауза.

Дополнителните прегледи покажаа дека Американецот со француски пасош има скинат мускул поради кој ќе биде надвор од терените.

Оваа сезона Хорд имаше просек од 15 поени, 5,1 скок, 1,4 асистенции и 1,3 украдени топки во Евролигата.

Томаш Махач го освои турнирот во Акапулко

Чешкиот тенисер Томаш Махач е победник на АТП 500 турнирот во Акапулко што се играше за награден фонд е 2,64 милиони евра.

24-годишниот Чех го победи една година повозрасниот Шпанец Алехандро Давидович Фокин со 7-6/6, 6-2 за 98 минути игра.

Ова е првиот трофеј на АТП турнирите за олимпискиот победник во мешани двојки од Париз. Претходно, Махач имаше едно АТП финале во кариерата, кога лани во мај во Женева загуби од Норвежанецот Каспер Руд.

Со освојувањето на турнирот во Мексико, Махач ќе се пласира во првите 20 на АТП-листата за прв пат во својата кариера.

Од друга страна, Шпанецот Давидович засега останува без титула на највисоко ниво, откако го загуби своето трето финале. Пред две недели во финалниот меч во Делреј Бич беше поразен од Србинот Миомир Кецмановиќ, а загуби и во финалето на Мастерсот во Монте Карло 2022 година од Гркот Стефанос Циципас.

Хет-трик на Суарез во победата на Интер Мајами во Хјустон

Интер Мајами без Лионел Меси, но со Луис Суарез забележа убедлива победа во Хјустон 4-1.

Уругвајскиот ветеран директно учествуваше во головите на Интер. Најпрвин забележа хет-трик со асистенции, за головите на Сеговија (два) и Аљенде.

Во 79.минута Суарез го постигна првиот гол оваа сезона, со што ја комплетираше брилијантната партија.

Маскерано му даде неколку слободни денови на Меси

Тренерот на фудбалерите на Интер Мајами, Хавиер Маскерано, по победата на гостувањето кај Хјустон во текот на ноќта, откри зошто на теренот ја немаше првата ѕвезда на клубот, Лионел Меси.

„Што се однесува до Лео, не познавам ниту еден играч во светот кој го познава неговото тело толку добро како Лео“ – рече Маскерано.

„По три натпревари во шест денови, мислевме дека така е подобро. Требаше да се лета до другиот брег околу 2,5 до 3 часа“ – рече тренерот на Интер Мајами.

Консеисао: Моите фудбалери чувствуваат голем притисок

Фудбалерите на Милан ја продолжија лошата серија без победа што дополнително ги налути фановите на „росонерите“ кои на вчерашниот меч со Лацио повторно го манифестираа незадоволството од работата на управата, на играчите и тренерот.

На целата ситуација која е крајно непријатна, реагираше тренерот, Серхио Консеисао. Тој вели дека фудбалерите гледаат што се случува и дека тоа им прави дополнителен притисок.

„Моментот не е лесен. Мораме да даваме се од себе секој ден за да ги оставиме проблемите во минатото“ – рече тренерот на италијанскиот состав.

Кан не успеа да го купи Бордо

Fußballer Oliver Kahn bei seinem Auftritt auf der Bits & Pretzels Konferenz in München. Es ist der erste öffentliche Auftritt des Ex-Bayern-Chef seit seinem Rauswurf beim FC Bayern. München, 24.09.2023 Bayern Deutschland *** Footballer Oliver Kahn during his appearance at the Bits Pretzels conference in Munich It is the first public appearance of the ex Bayern boss since his sacking from FC Bayern Munich, 24 09 2023 Bayern Germany Copyright: xDwixAnoraganingrumx

Поранешната германска фудбалска ѕвезда и поранешен член на управата на баварскиот гигант Баерн Минхен, Оливер Кан, не успеа во обидот да го купи францускиот клуб Бордо, јавија денеска локалните медиуми.

Според истите извори, како што пренесува Дпа, сопственикот на Бордо, Жерар Лопез, наводно ја одбил понудата на Кан бидејќи поранешниот голман не понудил доволно солидни финансиски гаранции. Клубот од југот на Франција долго време има сериозни финансиски проблеми.

Претходно оваа недела, Бордо јавно откри дека имаат проблеми да најдат нов инвеститор. Бордо, чиј дрес во минатото го носеа еминентни фудбалери како Зинедин Зидан, Ален Жирес и Биксенте Лизаразу, од минатата година е во банкрот, со долг од над 100 милиони евра. Поради финансиските тешкотии клубот мораше да се пресели во четвртиот ранг на францускиот фудбал. ег

Работнички едвај го „скрши“ подновениот Тиквеш

Работнички покажа знаци на живот и желба за надминување на кризата откако „центарци“ вечерва по голема борба успеаја да слават над Тиквеш со резултат 82-77.

Ѓуроски и Ефремовски со по 16 поени беа најефикасни во победничкиот тим, каде дебитантот Маниголт во првиот меч за „центарци“ реализираше 13 поени.

Најдобри поединци во таборот на Тиквеш беа Хил со 19 и Глигоријевиќ со 16 поени.

feature