Иако игра одлично во дресот на Рома оваа сезона, римскиот клуб нема намера да плати висока отштета за Ромелу Лукаку и тој на крајот од сезоната ќе си бара нов предизвик во кариерата.

Долго време се шпекулира дека ќе продолжи во Јувентус, но италијанскиот новинар Фабио Сантини тврди дека тој, всушност, ќе ја напушти Европа.

„Веќе ги известив навивачите на Рома дека заминувањето на Лукаку е сигурно. Што се однесува до Јувентус, тешко дека ќе функционира тоа бидејќи Лукаку веќе прифати понуда од Саудиска Арабија“, тврди Сантини.

Реал Мадрид славеше со 0-1 против Реал Сосиедад со голот на големиот турски талент Арда Ѓулер.

Арда минатото лето беше доведен во Реал како голем талент, но поради големата конкуренција не добива голема минутажа во „кралскиот“ клуб.

Поради тоа медиумите шпекулираат дека на лето ќе биде испратен на позајмица бидејќи неколку клубови се зантересирани за него.

„Арда ќе остане во Реал и следната сезона. Тој е важен играч за иднината на нашиот тим. Нема никакви дилеми дека ќе остане. Момчето има квалитет, талент и работи напорно за да успее“, изјави Анчелоти.

Францускиот тим Oлимпик Марсеј официјално ќе се раздели со тренерот Жан Луј Гасе, кој сигурно заминува по истекот на актуелната сезона.

Информацијата ја пренесе угледниот „Л’Екип“, кој пишува дека управата не е задоволна од резултатите на тимот и решила да донесе ново тренерско име во текот на летниот преоден рок.

Гасе пристигна во Марсеј на местото на Џенаро Гатузо и успеа да забележи учинок од шест победи, двa реми исхода и пет порази, недоволно за да си осигура статус на долгорочно решение за клупата.

Раководството на Милан напредува во разговорите со Хулен Лопетеги. 57-годишниот стручњак од летото е главен фаворит за нов тренер на „росонерите“.

Миланскиот гигант ќе се раздели со актуелниот тренер Стефано Пиоли и желба на газдите е Лопетеги да го замени.

За шпанскиот стручњак е заинтересиран и Вест Хем, но тој приоритет му дава на Милан, пишува новинарот Матео Морето. Тренерот имал позитивни разговори со одговорните фактори на „Сан Сиро“ околу проектот на италијанскиот клуб, а се очекува тие да продолжат и во наредните денови.

Лопетеги последен пат беше на чело на Вулверхемптон. Ги водеше претходно и Порто, Реал Мадрид, Севиља и шпанската репрезентација.

Реал Мадрид не е заинтересиран да го ангажира дефанзивецот на Баерн Минхен, Алфонсо Дејвис во претстојниот летен преоден рок, објавија шпанските медиуми.

Според истите, Реал Мадрид ги променил приоритетите во засилувањето на одбранбената линија пред почетокот на следната сезона. И покрај тоа што постигнале вербален договор со левиот бек Алфонсо Дејвис, раководството на Реал Мадрид се префрли на купување на централниот дефанзивец на францускиот Лил, Лени Јоро. Воедно, можен е и трансфер на Алфонсо Дејвис по завршувањето на следната сезона, кога треба да му истече договорот со Баерн.

Да потсетиме, оваа сезона Дејвис учествуваше на 31 натпревар во сите натпреварувања, на кои постигна еден гол и три асистенции. Актуелниот договор на играчот со клубот трае до летото 2025 година. Според информациите објавени на порталот Трансфермаркт, вредноста на фудбалерот е 60 милиони евра.

Болоња не губи надеж дека и следната сезона може да го задржи актуелниот тренер Тиаго Мота на кормилото на тимот. Сопственикот на клубот Џои Сапуто и директорите се уверени дека ќе го убедат Мота да остане барем уште една сезона, особено ако екипата се квалификува за Лигата на шампионите.

„Газета дело Спорт“ објави дека Болоња е подготвена да му понуди на Мота нов двегодишен договор. Директорот на Болоња, Клаудио Фенучи, зборуваше за иднината на Мота во клубот, велејќи дека е изнервиран од растечките гласини.

„Тиаго работи како да има долгорочен договор со нас“, изјави тој за радиото во Серија А.

„Не е проблем што тој се уште не го потврдил останувањето кај нас во наредните години. Она што малку ме загрижува се постојаните гласини и врева околу нашите играчи. Ние сме силен клуб, еден од најдобрите во Серија А и не сакаме да ја менуваме оваа група играчи“, додаде тој.

Досегашниот потпретседател на Шпанската фудбалска федерација (РФЕФ) Педро Роча е избран денеска за нов челник на организацијата.

Роча изминатиот период беше вршител на должноста претседател, откако поранешниот прв човек на РФЕФ, Луис Рубиалес, беше принуден да се повлече поради скандалот кога ја бакна в уста репрезентативката Џени Ермосо за време на церемонијата на доделувањето на златните медали по финалето на Светското првенство минатата година.

Роча, кој наскоро ќе го прослави својот 70 роденден, беше единствен кандидат за претседателската должност.

Во четвртокот, шпанската Влада го стави РФЕФ под надзор поради можна корупција, поврзана со „многубројни грешки во управувањето“.

Почесниот претседател на Баерн Минхен, Ули Хонес призна дека се водат преговори со Ралф Рангник за негово евентуално назначување за тренер на тимот. Во моментов тој е селектор на австриската репрезентација и се подготвува за настап на ЕП 2024 година.

„Мислам дека во рок од една недела ќе донесеме одлука“, изјави Хенес во интервју за „Франкфуртер алгемајне“.

Тој е дел од Управниот одбор на Баварците, прецизирајќи дека збор имаат и останатите директори таму.

„Разговараме за прашањето и ако на пример некој од другите кои треба да одлучат не може да го толерира дадениот кандидат за тренер, тогаш нема да го земеме. Не одлучувам само јас, тоа е и право на претседателот Херберт Хајнер и другите луѓе“, додаде Хенес