Лацио има намера да го засили напаѓачкиот потенцијал на тимот во тековниот зимски преоден рок, пренесува „Calciomercato“.
Според изворот, тренерот на Римјаните Маурицио Сари е заинтересиран за потписот на 29-годишниот крилен напаѓач на Торонто, Федерико Бернардески. Италијанскиот фудбалер веќе работеше под водство на тренерот на Лацио во сезоната 2019/2020 во Јувентус.
Забележано е дека Лацио не брза да го придобие Бернардески на трајна основа и моментално размислува за само шестмесечна позајмица за играчот.
Да потсетиме, Бернардески играше за Јувентус пет години (од 2017 до 2022 година). Минатата сезона Италијанецот одигра 33 натпревари за Торонто во сите натпреварувања, на кои постигна пет гола и четири асистенции. Договорот на играчот со канадскиот клуб е со важност до крајот на 2026 година.
Проценетата цена на фудбалерот, според интернет порталот Трансфермаркт, е 5 милиони евра. Претходно беше објавено дека самиот Бернардески ги понудил своите услуги на Јувентус. Напаѓачкиот играч сонува да се врати во клубот од Торино.
Кеси го напушта Ал Ахли и се враќа во Италија
Франк Кеси минатото лето ја напушти Барселона и кариерата ќе ја продолжи во Саудиска Арабија во дресот на Ал Ахли, потврдија денес двата клуба.
Кеси не се снајде најдобро во Барселона и кратко му траеше авантурата на „Камп Ноу“, иако пристигна како големо засилување.
Сега Кеси не е задоволен во Саудиска Арабија и сака повторно да се врати во Европа, односно во Серија А каде ја доживеа својата афирмација.
Силен интерес за него покажува Јувентус, кој е во потрага по играч за врска, а Алегри многу ги цени квалитетите на Кеси.
Јувентус ќе се обиде да го доведе Кеси на позајмица со право на откуп на крајот на сезоната.
Капело: На Реал му треба Халанд, а не Мбапе!
Фабио Капело смета дека на Реал Мадрид во моментов повеќе му е потребен Ерлинг Халанд, отколку Килијан Мбапе од ПСЖ.
„Кралевите“ постојано се поврзуваат со трансфер на Мбапе и веќе неколку години работат на негово доаѓање на „Сантиаго Бернабеу“.
Сепак, Капело смета дека на Реал му е потребен класичен голгетер како Халанд бидејќи веќе го има Винисиус, кој има слични карактеристики како Мбапе.
„Мбапе не е централен напаѓач, тој сака да игра на крилните позиции. Реал веќе го има Винисиус. На Реал му треба центарфор, па поради тоа сметам дека Халанд е подобар избор“, истакна Капело.
Арсенал нуди 50 милиони евра за бисерот на Болоња
Арсенал покажува сериозен интерес за ѕвездата на Болоња, Џошуа Зиркзе, пренесиваат медиумите на Апенините.
22-годишиот Зиркзе поникна во академијата на Баерн Минхен, но бидејќи не можеше да се избори за место во тимот беше испраќан на позајмици. Зиркзе блеска оваа сезона во Болоња и беше избран за откритие на сезоната во Серија А, па го привлече вниманието на многу европски гиганти.
Арсенал сака да ја победи конкуренцијата бидејќи Зиркзе е голема желба на Артета и спреми понуда од 50 милиони евра.
Бензема: Сите пишувања за мене се лага!
Со денови се шпекулира каде ќе ја продолжи кариерата легендарниот Карим Бензема. Медиумите го преселија во Челзи, Арсенал, Лион, вчера се појави информација дека и Манчестер Јунајтед го сака…
За сето ова време Французинот кој има астрономски договор со Ал Итихад не се огласи, а синоќа реши да стави крај на сите овие гласини и јасно стави до знаење дека нема намера да ја напушти Саудиска Арабија, иако тренерот Марсело Гаљардо не го однесе на мини – подготовките за Дубаи.
„Чиста лага! Француските медиуми веќе не знаат што да измислат. Колку е поголема лагата, толку подобро“, одговори синоќа Бензема на прашањето дали ќе го напушти Ал Итихад.
Францускиот напаѓач минатата година по 14 сезони го напушти Реал Мадрид и се пресели во Ал Итихад, каде не пружа игри на кои се навикнати љубителите на фудбалот.
Јокиќ: Престанете со споредби, јас и Ембид сме добри пријатели
Никола Јокиќ, разговараше со медиумите и даде неколку интересни изјави, а особено внимание привлече коментарот за неговото ривалство со Џоел Ембид.
Двајцата центри постојано се основ за разни споредби и поделби во медиумите, но Јокиќ смета дека сето тоа е „непотребна драма која само носи штета за кошарката и НБА лигата“.
„Сите најубави работи во животот доаѓаат скоро неочекувано. Јас во период од неколку години успеав од Србија да стигнам во Денвер и да станам двократен МВП на НБА лигата. Тука има многу поединци што го изоделе истиот тежок пат кон успехот, а меѓу нив е и Џоел.
Медиумите создаваат непотребна драма која нема допирна точка со реалноста. Ние сме ривали само на паркетот. Го сметам за добар пријател и мислам дека тој го дели моето мислење. Мене овие драми не ми се важни, во моментов важен ми е само следниот натпревар“, изјави Јокиќ.
Ливерпул и Челзи петти пат во финалето на Лига Купот во последните дваесет години
Ливерпул и Челзи петти пат во финалето на Лига Купот во последните дваесет години
Ливерпул и Челзи по петти пат во последните 20 години ќе се сретнат во финалето на домашeн куп. „Сините и црвените“ ќе играат во одлучувачкиот натпревар за Купот на ЕФЛ (Карабао куп) на стадионот „Вембли“ на 25 февруари.
Да потсетиме, синоќа Ливерпул одигра нерешено на реваншот од 1/2 финалето на Лига купот против Фулам и обезбеди пласман во финалето. Челзи претходно го победи Мидлсброу со 6-1 во реваншот полуфинале и исто така го резервира своето патување на Вембли.
Ливерпул и Челзи претходно играа меѓусебно во финалињата на домашните купови во сезоните 2004/2005 (ФА Куп), 2011/2012 (ФА Куп), 2021/2022 (Англиски Лига Куп) и 2021/2022 (ФА Куп). Ливерпул досега го освоија Лига купот девет пати, што е рекорд на турнирите.
Кирјиос изненадувачки најави завршување на кариерата
Aвстралискиот тенисер, Ник Кирјос ги изненади љубителите на тенисот признавајќи дека е пред одлука да ја заврши кариерата.
Во својата последна колумна за „Еуроспорт“ каде што работи како коментатор на случувањата на Австралија Опен, Кирјос најави дека разгледувал можност да стави крај.
Тој се мачи со повреди и поради тоа го пропушти овогодинешниот Австралија Опен и сега е поблиску до одлука да се повлече од играњето тенис.
„На една крстосница сум во кариерата, дојдов до точка каде што почнав да размислувам за живот по тенисот.
Разговарав со менаџерот и тој ми кажа дека би можел да патувам низ светот и да заработувам од коментирање спорт, да правам интервјуа за ток-шоуа…Реалноста е дека дел од мене знае дека времето на теренот за мене можеби е и истечено и тоа е нормално“, изјави Кирјос.
Лазаревски потпиша договор до 2026 година со Вардар 1961
Милан Лазаревски ќе остане во Вардар најмалку до 2026 година откако и официјално го продолжи договорот со „црвено-црните“. Повеќекратниот македонски првак и репрезентативецот на Македонија соработуваат две години, а клубот беше задоволен од настапите и двете страни брзо се договорија за продолжување на верноста.
Лазаревски кој за две седмици ќе го прослави својот 24 роденден, сезонава е еден од предводниците во тимот, и со своите игри се наметна и во репрезентацијата на Македонија. Настапи на ЕП што сега се одржува во Германија, а каде Македонија играше во групната фаза.
Одличните игри, и во одбрана и во напад го ставија на пиедесталот како еден од најдобрите пивотмени во Македонија.
„Верувам во овој проект, во клубот во кој сум сега, и драго ми е што ќе останам и понатаму дел од Вардар. Ова е место што овозможува голема индивидуална и колективна надградба на сите играчи. Благодарен сум за довербата и вниманието што го добивам од стручниот штаб и управата на клубот. Овој тим што сега го има Вардар допрва ќе го покаже своето вистинско лице. Мое е задоволството што ќе бидат дел од таа приказна, вели Милан Лазаревски.
Клубот продолжува со задржување на играчите на кои смета и во иднина, со што костурот на тимот и во иднина ќе биде ист. Лазаревски е еден од неколкуте сегашни играчи што го продолжија договорот со Вардар.
“Големо е задоволството што успеавме да го задржиме Милан Лазаревски во нашиот тим, и покрај сите понуди што ги имаше од екипи од Европа. Тој покажа од самиот почеток на сезоната еден континуиран напредок и веќе е играч на кој може сериозно да сметаме, и ние и македонската репрезентација. Драго ми е што тој го препозна она што ние го работиме во клубот, и сигурен сум дека заеднички ќе ги оствариме сите наши зацртани цели за оваа сезона. Можам да потврдам дека 90 осто од играчите имаат догодишни договори, што укажува дека сакаме да бидеме стабилен тим и да го смениме сегашниот начинот на фукционирање на клубовите во Македонија, и Вардар да биде позитивен пример за градење на долгододишни проекти, вели Борко Ристовски, Извршниот директор на Вардар.
Во пролетниот дел од сезоната, во разигрувањето за титулата Вардар ќе стартува со три бода, и пред себе ќе има уште 14 кола, во обид за враќање на титулата, и за здржување на Куп титулата.
Димитриевски добива нов договор во Рајо Ваљекано
Македонскиот репрезентативен голман Столе Димитриевски е пред потпишување на нов договор со Рајо Валјекано.
Актуелниот договор на чуварот на мрежата истекува на крајот на оваа сезона, а Столе Димитриевски секако напомена дека прво ќе разговара со сегашниот клуб за продолжување на соработката.
„Ел Чирингито“ тврди дека Столе Димитриевски многу брзо ќе стави потпис на нов договор, а ќе добие зголемување на годишната плата.
