feature

За прв пат во Македонија, Early Payout само во Евротип обложувалници!

Нема пофрустрирачко обложувачко искуство од тоа кога тимот на кој се обложивте после сигурното водство сепак на крајот од натпреварот не забележи победа.

Сега можете да се обложите и опуштено да го пратите натпреварот до крај бидејќи со опцијата Early Payout, вие сте добитни и кога натпреварот не е завршен.

Early Payout ви дава можност за предвремена исплата во случај вашиот тим на кој се имате обложено да поведе со два голови предност, односно со 2:0.
Натпреварот ќе се води како добитен кога екипата на која се обложивте поведе со 2:0 без разлика како ќе заврши остатокот од дуелот.

Early Payout понудата ќе важи единствено за Prematch обложување.
Early Payout понудата важи исклучиво за конечен тип 1 и конечен тип 2.
Early Payout ќе биде во понудата на Евротип од 14.06.2024, само за Европското фудбалско првенство и Копа Америка.

Натпреварите од европското првенство и Копа Америка кои се во Екстра тип и Екстра тип+ немаат право на Early Payout.

Конечен тип 1 е добитен само во случај кога резултатот во било кое време од регуларниот дел од натпреварот е 2:0 и во тој случај не се чека да заврши натпреварот.

Конечен тип 2 е добитен само во случај кога резултатот во било кое време од регуларниот од натпреварот е 0:2 и во тој случај не се чека да заврши натпреварот.

Искористете ја можноста за предвремена исплата на Вашиот тикет, EarlyPayout во вашата омилена Евротип спортска обложувалница.


Пропадна продажбата на Евертон

Фирмата „777 Партнерс“, со седиште во Мајами, не успеа да го затвори договорот за купување на англискиот Евертон. Иако во септември минатата година, компанијата постигна договор со мнозинскиот акционер Фарад Мошири, од клубот соопштија дека понудата е раскината бидејќи не била комплетирана пред истекот на рокот.

„Договорот меѓу 777 Partners и Blue Heaven Holdings Limited за продажба на мнозинскиот удел во клубот истече. Клубот ќе продолжи да работи нормално додека работи со Blue Heaven за да ги разгледа сите опции за идната сопственост на клубот“, објавија „карамелите“.


Челзи му забрани на Енцо Фернандез да игра на Олимписките игри

Луѓето од фудбалскиот состав Челзи му забранија на Енцо Фернандез, да настапи за селекцијата на Аргентина на претстојната Олимпијада во Париз.

23-годишниот играч од средниот ред иако имаше желба да игра во Франција, не се најде на списокот на повикани бидејќи доби забрана од неговиот клуб.
Фернандез во последната сезона имаше 40 средби за „сините“ на кои постигна седум голови и направи три асистенции.


Спогодбено се разделија Јуве и Макс Алегри

Јувентус нема да му плати обештетување на Масимилијано Алегри кој заработи отказ на 17 мај. Двете страни направиле договор и спогодбено ја прекинале соработката.

„Сакаме да му се заблагодариме на Алегри за сите успеси постигнати во текот на годините. Му пожелуваме се најдобро во неговите наредни активности“, стои во објавата на  „старата дама“ на социјалните мрежи.

Алегри во 2021 година по втор пат се активираше во екипата од Торино.


Варан е идеалното засилување за Милан

Еден од приоритетите на Милан во летниот преоден рок ќе биде заслување на одбраната, а најново име на списокот на „росонерите“ е Рафаел Варан.

Варан ќе замине од Манчестер Јунајтед на крајот на сезоната како слободен агент. Интерес за Французиннот покажуваат неколку европски гиганти, како и клубовите од Саудиска Арабија.

Сега во трката за неговиот потпис се приклучи и Милан, кој веќе имал средба со неговиот агент.

„Росонерите“ му нудат двегодишен договор на искуниот Французин, кој е отворен за преселба во Серија А.


Бруно Фернандеш прва желба на Компани во Баерн

Капитенот на Манчестер јунајтед, Бруно Фернандеш би можел да направи трансфер ова лето.

Најконкретен интерес за Фернандеш покажува Баерн Минхен, кој веќе почнал да работи на трансферот.

Баерн Минхен имал разговори со агентот на Бруно Фернандеш, Мигуел Пињо и ја разгледува можноса да го доведе на „Алијанц Арена“.

Португацот истакна дека сака да остане во Јунајтед, но сака да освојува трофеи и важен му е следниот проект. Баварците се оптимисти дека ќе испратат понуда што фудбалерот нема да може да ја одбие.


Kрос: Чест ми е што осумката ќе му ја оставам на Валверде

Играчот од средниот ред на Реал Мадрид, Тони Крос проговори за фактот дека бројот осум, со кој настапуваше за Реал Мадрид, следната сезона ќе му припадне на Федерико Валверде.

„Следната сезона мојот број осум ќе биде слободен. Ќе ми биде голема чест да му го дадам мојот број на ова момче, Федерико Валверде“, изјави Крос за „Марка“.

Тони Крос ја заврши кариерата на клупски план во дресот на Реал Мадрид со настапот во финалето од ЛШ во Лондон, а останува да ги одигра последните натпревари во дресот на репрезентацијата на Германија на ЕП каде неговата земја е организатор, по што дефинитивно ќе заврши си професионалниот фудбал.


Прославена шампионската титула на РК Еурофарм Пелистер

Во луксузниот амбиент на Голд Фелициа во Битола на 3ти јуни со свечена прослава РК Еурофарм Пелистер ја прослави шампионската титула и го означи крајот на тековната сезона. На прославата покрај играчите и стручниот штаб беа присутни спонзорите и поддржувачите на клубот.

На настанот свое обраќање имаа челните луѓе на клубот кои им се заблагодарија на сите играчи за нивниот максимален влог во текот на сезоната кој триумфираше со освојувањето на шампионската титула. Прославата беше искористена и за проштален поздрав со седумте ракометари кои го напуштаат клубот.

Со шампањ и заеднички фотографии за спомен на добрата сезона се заокружи свечената прослава на РК Еурофарм Пелистер клубот кој го етикетира градот Битола како ракометен град.


Џонатан Та од Леверкузен се сели во Минхен

Баерн Минхен постигна начелен договор со дефанзивецот на Баер Леверкузен, Јонатан Та за евентуален трансфер на лето, пишува Флоријан Плетенберг.

Сепак, тоа не значи дека трансферот нужно ќе се случи. Интерес за 28-годишниот германски интернационалец има и од други клубови.

Во исто време, Баер Леверкузен е исто така многу заинтересиран да го задржи еден од нивните клучни играчи, чиј договор истекува за една година.


Ројс го одбра новиот клуб, ќе игра за Лос Анџелес Галакси

Легендата на Борусија Дортмунд, Марко Ројс речиси сигурно ќе ја продолжи кариерата во американската МЛС лига. Поранешниот германски репрезентативец е пред потпишување договор со Лос Анџелес Галакси.

Според Фабрицио Романо, американскиот клуб веќе упатил конкретна понуда до Ројс (35) офанзивниот играч за врска кој има опција за договор со еден од водечките тимови во Саудиска Арабија, но претпочита да замине во САД.

.

Ројс пред неколку недели објави дека ќе ја напушти Борусија како слободен играч. Неговиот последен натпревар со „жолто-црните“ беше загубеното финале во Лигата на шампиони (ЛШ) против Реал Мадрид (0-2). Минатата сезона Ројс настапи на 39 натпревари во сите конкуренции и постигна осум гола.