Фудбалерите на Лестер успеаја да постават негативен рекорд во Премиер лигата.

Поразот од Брентфорд (0-4) на стадионот „Кинг Пауер“ беше шести последователен за Лестер без постигнат гол во Премиер лигата. Лестер на овие шест натпревари прими дури 15 гола.

Серијата порази ја започнаа против Вулверхемптон (0:3), па загубија четири меча во низа со резултат 0:2 од Сити, Кристал Палас, Фулам и Арсенал и на крајот од Брентфорд.

Како што стојат работите, Лестер ќе се врати во Чемпионшип, а не е невозможно Руд ван Нистелрој да добие отказ и пред завршувањето на сезоната.

Лестер е претпоследен со 17 бода, иако „Волците“ кои се над линијата имаат само два повеќе.

Евертон и Манчестер јунајтед одиграа нерешено 2-2 во 26. коло од Премиер лигата.

Гостите и на овој натпревар беа на работ од бездната, скршени, безидејни, без енергија и без шут кон голот 70. минути.

Еветон белскаше во првиот дел со два гола, преку Бето во 19. и Докуре во 33. минута.

На Евертон му требаше уште еден гол за да ја турне во бездната екипата на Рубен Аморим, но овојпат Манчестер успеа да се извлече.

Дваесет минути убав фудбал, дваесет минути енергија, желба и труд им беа доволни на гостите да го израмнат резултатот. Изедначи Фернандеш во 72. минута од слободен удар, а од пораз Јунајтед го спаси Угарте во 80. минута.

Среќата на „црвените ѓаволи“ им беше наклонета во 93. минута, кога судијата Енди Медли ја смени својата одлука и и го поништи пеналот што го дисуди за Евертон.

Вардар победи во Струга во првиот натпревар од 20. коло во Првата македонска фудбалска лига. „Црвено-црните“ славеа над актуелниот шампион Струга Трим Љум со 0-2.

Вардар, со победата во Струга, избега од опасната зона, по некомплетното 20.коло, најтрофејниот македонски клуб се наоѓа на деветтото место со 16 поени. Струга и по оваа рунда ќе остане на петтата позиција.

Црвено-црните натпреварот во Струга го решија со два гола во втората половина од вториот дел. Закариќ во 68. минута го постигна првиот, а Мато во 82.минута го постави конечниот резултат.

Првиот напаѓач на Баерн Минхен, Хари Кејн, може да го пропушти утрешниот меч против Ајнтрахт Франфурт во тековното коло во фудбалската Бундеслига.

Најдобриот стрелец на Баварците не е целосно опоравен од повредата на мускулот на потколеницата добиена на мечот со Селтик во Лигата на шампионите. Тоа го потврди тренерот, Винсент Компани.

„Ќе се обидеме да го најдеме најдоброто решение за утре. Добро е што не зборуваме за три или четири недели туку за краткорочен проблем“, вели Компани.

Тренерот на фудбалерите на ПСЖ, Луис Енрике, проговори за претсојната пресметка со Ливерпул во рамките на осминафиналето во Лигата на шампионите.

„Мислам дека ќе се соочиме со еден од најдобрите тимови на Ливерпул во последниве сезони. Ќе биде натпревар на многу високо ниво и еден од најинтересните.

Двете екипи се на многу високо ниво и двомечот ќе биде исклучително интересен и возбудлив. Ова натпреварување ни носи интересни спектакли“, беа дел од зборовите на Енрике.

Интер ќе биде приморан да се снаоѓа без првиот голман Јан Зомер во претстојните важни натпревари на три различни натпреварувања: Серија А, Купот на Италија и Лига на шампионите.

Тој сигурно ќе го пропушти првиот меч од осминафиналето на Лига на шампионите против Феенорд.

До неговото враќање, се очекува местото на Зомер да го заземе шпанскиот голман Хосеп, кој дојде од Џенова во летниот период.

Милан има нов играч на листата на повредени фудбалери на кои Консеисао не може да смета е Кајл Вокер.

Англичанецот пристигна како големо засилување за одбраната и беше незаменлив на последните средби, тој ги одигра сите 90 минути на реваншот со Феенорд, но веднаш по мечот се пожалил на болка во мускулот на ногата.

Деталните прегледи покажале дека проблемот не е премногу сериозен, но Вокер не тренираше последните два дена и сигурно нема да настапи на следниот меч, на гостински терен против Торино, како и на наредниот дуел во Болоња закажан за 27 февруари.

Резервниот десен бек Емерсон Ројал исто така е повреден, Калабрија пред крајот на преодниот рок беше испратен во Болоња, па Консеисао најверојатно ќе мора да тргне на десната страна со Алекс Хименез, кому природна позиција му е лев бек.