Иако игра одлично во дресот на Рома оваа сезона, римскиот клуб нема намера да плати висока отштета за Ромелу Лукаку и тој на крајот од сезоната ќе си бара нов предизвик во кариерата.

Долго време се шпекулира дека ќе продолжи во Јувентус, но италијанскиот новинар Фабио Сантини тврди дека тој, всушност, ќе ја напушти Европа.

„Веќе ги известив навивачите на Рома дека заминувањето на Лукаку е сигурно. Што се однесува до Јувентус, тешко дека ќе функционира тоа бидејќи Лукаку веќе прифати понуда од Саудиска Арабија“, тврди Сантини.

Милан влезе во серија од разочарувачки резултати, иако очекувањата на „росонерите“ оваа сезона беа многу големи.

Вчерашната победа против Њукасл му донесе на Милан пласман во Лига Европа, но секако дека целта беше елиминациона фаза во Лигата на шампиони.

Клубот се уште не размислува за отказ на Пиоли, но тренерот повеќе не ужива голема доверба кај раководството. Италијанските медиуми пренесуваат дека раководството на Милан во јуни сигурно ќе доведе нов тренер, а најголема желба е Антонио Конте.

Конте е слободен и сака да се врати во Италија, а доколку му бидат ветени вложувања сигурно дека ќе седне на клупата на Милан.

Барселона започна преговори за ангажирање на 17-годишниот играч од средниот ред на аргентинска Ривер Плата, Клаудио Ечевери.

Според информациите, каталонскиот клуб е подготвен да плати поголема сума од наведената во клаузулата за раскинување на договорот, околу 25 милиони евра, но на рати.

Ечевери е дете на Ривер Плата и напредуваше од академијата до првиот тим. Договорот на играчот со клубот е до декември 2024 година.

Мојсез Каиседо во последните моменти летниот преоден рок одлучи да ја прифати понудата од Челзи, а призна дека имал сериозни контакти ии со Ливерпул

.
Челзи за услугите на Еквадорецот плати астрономски 114 милиони евра и досега не ги оправда со играњето на теренот.
„Ливерпул ме контактираше, но беше предоцна. Едноставно се беше договорено. Сакав да играм за Челзи и луѓето кои се тука. Беше тешко да се одбие клуб како Челзи. Навистина се работи за големо име, тоа е сепак Челзи“, изјави Каиседо.

Влијание на неговата игра имал Н’Голо Канте кој бил еден од неговите идоли.
„Тоа што Канте играше тука беше дополнителна причина да го изберам Челзи, тој е еден од моите идоли. Сонував да заиграм за Челзи уште како дете“, истакна Еквадорецот.

Енис Барди се поврзува со заминување од Трабзонспор иако тој неодамна истакна дека е среќен во Трабзон. Како следна дестинација за македонскиот фудбалер најмногу се најавуваат германските клубови.

Пред неколку дена во јавноста беше објавено дека Унион Берлин кој е предводен од хрватскиот тренер Немања Бјелица може да биде нов клуб на Барди. Но, сега во игра влегува и уште еден германски клуб. Наводно, Бохум кој во овој момент е 14-ти на табелата во најсилната германска конкуренција покажал интерес да влезе во преговори. Меѓутоа од Турција порачале дека се уште официјална понуда за Барди не добиле.

„Среќен сум во Трабзон, сакам да играм на секој натпревар што е и нормално за еден фудбалер. Имам сезона која добро ја започнав, меѓутоа потоа малку паднав, но продолжувам да се развивам и да бидам подобар“, изјави Барди.
Дресот на Трабзон, Барди го носи од 2022 година и за турскиот клуб на 38 натпревари постигна четири гола. Во кариерата претходно Барди беше дел од Леванте и Ујпешт.