Приоритет на Милан во зимскиот преоден рок ќе биде доведување на дефанзивец.

Прв на листата желби е полскиот дефанзивец, Јакуб Кивиор кој не добива голема минутажа во Арсенал. Кивиор својата афирмација ја стекна во Серија А во дресот на Специја, од каде за 25 милиони евра се пресели во Арсенал.

Меѓутоа, на „Емирати“ не добива голема минутажа, па е спремен да ја промени средината, а Милан сака да ја искористи ситуацијата.

Пиоли добро го познава, а „росонерите“ сакаат да го доведат во јануари на позајмица со право на откуп.

Извршниот директор на фудбалскиот состав Интер, Џузепе Марота, вели дека новиот договор на Лаутаро Мартинез ќе биде реалност откако напаѓачот изјави дека сака да остане во Италија.

„Тој е достоен капитен. Можам да потврдам дека ќе биде лесно да се направи нов договор“, потенцираше среќниот Марота.

Аргентинскиот напаѓач настапува за „нероаѕурите“ од 2018 година. Досега има 188 натпревари и 93 голови.

По разделбата со финскиот фудбалски клуб ХЈК, македонскиот репрезентативен голман Дејан Илиев одлучи својата кариера да ја продолжи во Босна и Херцеговина.

Официјално, Илиев е нов голман на фудбалскиот клуб Сараево чии бои ќе ги брани до крајот на тековната сезона, со можност договорот да биде продолжен на уште две години.

„Кошево е мој нов дом. Голема чест и одговорност е да се биде дел бордо семејството. Сараево, нема да те изневерам и ќе го оставам срцето на теренот“, објави Илиев на социјалните мрежи.

Од 2012 до 2022 година беше дел од англискиот гигант Арсенал, но не запиша ниту еден официјален настап за првиот тим, па играше на позајмица во Серед, Јагелонија, Шрусбери и Серед, а по разделбата со лондонскиот клуб се пресели во Тренчин.

Нашиот 28-годишен чувар на мрежата минатата сезона со ХЈК ја освои титулата шампион на Финска.

Моментно по 17 одиграни кола во босанскиот шампионат Сараево е на третото место со 33 бодови, девет помалку од водечкиот Борац, а второпласиран е Зрињски (35).

Реал Мадрид заработи 42 милиони евра од настапите во Лигата на шампионите за оваа сезона. Шпанскиот клуб ја доби оваа сума за шест победи во шест натпревари од групната фаза, пласман во следната рунда и за самиот факт на учество на турнирот.

За шест победи во шест меча од групната фаза, Реал заработи 16,8 милиони евра, 9,6 милиони добија за пласман во осминафиналето и уште 15,6 евра за самиот факт што клубот учествуваше  во групната фаза од оваа натпреварување. Синоќа, избраниците на Карло Анчелоти го победија Унион Берлин (3-2) на гостувањето во 6. и последно коло од групната фаза.

Реал Мадрид на 17 декември ќе игра против Виљареал во натпреварот од 17. коло на Ла Лига. По 16 средби се наоѓаат на второто место на табелата во Ла Лига со два бода помалку од водечката Џирона.

Јулен Лопетеги би можел да стане следниот тренер на Манчестер Јунајтед. Во миоментов тренер на англискиот клуб е Ерик тен Хаг.

Манчестер Јунајтед заврши на последното место во групата во Лигата на шампионите и ја заврши својата европска сезона. Противници на тимот на Тен Хаг беа Баерн Минхен, Копенхаген и Галатасарај. Во Премиер лигата тимот е шести на табелата со 27 бодови од 16 натпревари.

Јулен Лопетеги остана без клуб кога го напушти Вулверхемптон во август 2023 година поради несогласувања со раководството на оваа екипа.

„Црвените ѓаволи“ од своја страна ја ценат работата што ја направи Хулен во Вулверхемптон, неговото владеење на јазикот, познавањето на Премиер лигата, како и неговото искуство во Европа (со Севиља ја освои Лигата на Европа). Ова го става пред другите опции кои ги вклучуваат Зидан, Греам Потер или Де Зерби.

Еден од клубовите кои се интересираат за Дони ван де Бек од Манчестер Јунајтед е шпанска Џирона.

Џирона е најголемото изненадување во најсилните европски лиги и по 16 кола се лидери во Ла Лига со 41 бода, а во минатото коло ја победија Барселона на гостински терен. Џирона разговарала со луѓето во Манчестер Јунајтед за можен ангажман на Ван Де Бек.

Планот на Жирона е да го доведе холандскиот играч за врска на позајмица, меѓутоа конкуренцијата е голема. Претходно како главен фаворит за неговиот потпис се споменуваше германски Ајнтрахт.

Приоритет на Јувентус во зимскиот преоден рок ќе биде доведување на квалитетен играч за врска.

После долгата суспензија која ја доби Погба, клубот е во потрага по негова замена, а изборот паднал на фудбалерот на Шахтјор Донецк, Хеорхи Судаков.

Судаков има 21 година и оваа сезона блеска во дресот на Шахтјор, па го привлече вниманието на многу еврпски гиганти.

Украинскиот клуб за неговата слобода бара 30 милиони евра, а Јувентус е спремен да ја плати таа сума.

Тренерот на Манчестер Јунајтед, Ерик Тен Хaг, зборуваше за повредата на дефанзивецот на „ѓаволите“, Хари Мегваер, која што ја доби натпреварот од 6. коло од групната фаза на Лигата на шампионите со Баерн (0-1).

„Не можам да кажам ништо во моментов. Ќе треба да почекаме 24 часа, а потоа ќе имаме проценка за сериозноста на неговата повреда односно точна дијагноза, дијагноза. Мора да почекаме за тоа“, изјави Ерик Ден Хaг за  официјалниот сајт на Манчестер Јунајтед.

Во 38. минута од натпреварот, Мегваер почувствува непријатност во пределот на препоните. Дефанзивецот се обиде да се врати во игра, но на крајот беше заменет.

Оваа сезона Магваер одигра 17 натпревари, постигна еден гол и даде една асистенција.

Најголемите италијански клубови покажуваат сериозен интерес за ѕвездата на Болоња, Џошуа Зиркзе, пренесиваат медиумите на Апенините.

22-годишиот Зиркезе поникна во академијата на Баерн Минхен, но бидејќи не можеше да се избори за место во тимот беше испраќан на позајмици. На 19 години пристигна во Италија во дресот на Парма, а потоа се пресели во Болоња за 8 милиони евра.

Зиркзе блеска оваа сезона во Серија А и на 15 меча постигна 7 гола и 2 асистенции, па го привлече вниманието на Милан, Интер и Јувентус.

Гигантите веќе ја започнаа битката за неговиот потпис, а Зиркзе може да игра на сите позиции во нападот и дефинитивно е новата ѕвезда на Серија А.

Само неколку недели откако поднесе оставка, Хавиер Тебас е реизбран за претседател на шпанската фудбалска лига.

Тебас беше единствениот кандидат и доби нов четиригодишен мандат, четврти по ред.

Поранешниот претседател на Хуеска е познат по реформите во системот за телевизиски права, при што секој клуб одделно преговара со радиодифузерите.

Тој, исто така, иницираше финансиски фер-плеј построг од оној наметнат од Европската фудбалска унија (УЕФА), ограничувајќи ги трошењата на клубовите во однос на она што го заработуваат. Тој систем неодамна беше напуштен поради критиките од бројни клубови, меѓу кои и Барселона.

Тебас е во отворена војна со неколку големи европски клубови како Пари Сен Жермен и Манчестер Сити, кои според него го менуваат пазарот „со пари што не ги генерира фудбалот туку странски државни агенции“.