Фудбалерите на Лацио и Рома ремизираа (1-1) на „Олимпико“ во дербито на италијанската престолнина. Стрелци на натпреварот од 32. коло беа Алесио Ромањоли во 47. минута за небесносините, и Матиас Суле за „волчицата“ во 61. минута.

Двата тима со различни планови влегоа во натпреварот, Лацио сакаше да игра со топката, а Рома сакаше да го спшти темпото на играта и од дефанзивниот блок да бара можност за контранапад.

Гол на Лацио во првиот дел и тоа во раната фаза на мечот спречи Миле Свилар. Голманот на Рома брилијантно интервенираше по обидите на Алесио Ромањоли и Густав Исаксен. .

Свилар беше немоќен на стартот од вториот дел, во 47. минута, кога Ромањоли со глава погоди во центаршутот на Лука Пелегрини.

Maкедонскиот репрезентативец, Аријан Адеми се запиша во листата на стрелци во денешната победа на Динамо над Осиек од 2-0 на домашен терен.

Адеми не беше помеѓу стартерите и во игра влезе во 54. минута за 15-тина минути подоцна да ги постави конечните 2-0. Динамо претходно во првото полувреме поведе со погодкот на Сучиќ.

Комплетните 90 минути за Динако ги одигра вториот македонски фудбалер во овој тим, Стефан Ристовски.

Тотенхем е заинтересиран за левиот бек на Милан Тео Хернандез, а Французинот наводно е достапен за околу 30 милиони фунти.

Според “TBR Football”, Тотенхем активно ја следи ситуацијата на Ернандез во Милан. Францускиот интернационалец е достапен за околу 30 милиони фунти, а, што е најважно, се верува дека неговите барања за плата се во рамки на можностите на Спарс.

Истиот извор тврди дека интересот на Тотенхем за Ернандез се зголемил поради зголемените врски меѓу Дестини Удоги и Манчестер Сити, кој наводно е многу блиску до трансфер на Етихад.

Тео Хернандез беше клучен играч на Милан неколку сезони. Со клубот освои Скудето, а претходно беше член на Реал Мадрид со кој во 2018 година ја освои Лигата на шампиони.

Челзи и Ливерпул покажуваат голем интерес за дефанзивецот на РБ Лајпциг, Кастело Лукеба.

Тоа е 21-годишник кој преку своите извонредни настапи успеа да се дојде до француската репрезентација, а оваа сезона демонстрира импресивен потенцијал.

Започна во младинската школа на Лион и минатата година се пресели во Лајпциг за сума од 34 милиони евра.

Реал Мадрид исто така има интерес, но тимовите на Челзи и Ливерпул веќе се вклучени во трансфер процесот, надевајќи се дека ќе ја надминат конкуренцијата.

Пред крајот на сезоната лондонски Арсенал би можел да добие засилување. Станува збор за Каи Хаверц кој на почетокот на февруари заработи повреда на задниот бутен мускул. Се предвидуваше дека Германецот ја заврши сезоната, ама докторите даваат подобри најави. Според последните информации Хаверц би можел да се врати порано.

Доколку германскиот напаѓач ја надмине повредата порано од планот, тоа би било одлично засилување за Арсенал. Останува да се види кога и во каква состојба би бил Хаверц ако се врати, но нема сомнеж дека би бил добредојден особено во борбата во Лигата на шампионите.

Фудбалерите на Монако славеа убедлива победа во дербито над Олимпик Марсеј со 3-0 во рамките до 29. коло во француската Лига 1 со што го преземаа второто место на табелата.

Монако од почетокот беше подобар противник и тоа го искористи со голот на Минамино во 34. минута.

Во второто полувреме продолжи подобрата игра на клубот од Кнежеството и Емболи зголемина 2-0. Победата беше потврдена со голот на Закарија од пенал во завршницата.

Фудбалерите на Интер ја оправдаа фаворитската улога и славеа победа од 3-1 во денешниот натпревар од Серија А против Каљари.

„Нероаѕурите“ од самиот почеток беа подобар противник и резултатот го отворија по 13 минути игра кога во листата на стрелци се запиша Арнаутовиќ. Веќе во 26. минута Лаутаро Мартинез се погрижи за 2-0, сега Арнаутовиќ беше во улога на асистент.

Каљари на стартот од вториот дел се врати во игра со погодкот на Пиколи во 48. минута, сепак Бисек во 55. минута ги постави конечните 3-1.

На табелата сега Интер има 71 бод, шест повеќе од Наполи кој во понеделник го игра својот натпревар против Емполи.

Екипата на Барселона вечерва потешко од очекувањата, но сепак успеа слави победа на гостувањето кај Леганес со 0-1.

Леганес и Барселона одиграа еден натпревар без многу шанси, а беше одлучен со автоголот кој си го постигнаа гостите на стартот од вториот дел во 48. минута. Сопствената мрежа си ја погоди Саенц.

Барселона со овие три бода дојде до „плус седум“ во однос на Реал Мадрид кој утре го игра својот натпревар од ова коло против Алавес.