Лазар Самарџиќ ова лето беше на чекор од трансфер во Интер, а сега
е голема желба на Јувентус.
Интер постигна договор со Удинезе за трансфер тежок 20 милиони
евра плус еден младински фудбалер, веќе закажа лекарски прегледи,
но трансферот пропадна бидејќи агентот побара повисока плата.
Сега силен интерес за него покажува Јувентус. „Бјанконерите“ веќе
почнале преговори со агентот на Самарџиќ и сакаат да го доведат во
зимскиот преоден рок како замена за суспендираниот Фаџоли.
Јувентус игра добро оваа сезона и се бори за титулата, па верува дека
Самарџиќ може да одигра клучна улга во освојување на скудетото.

Тренерот на Барселона, Чави Ернандез ја прокоментира победата на
неговиот тим со 1-0 против Атлетико Мадрид, во средбата од 15. коло
на Примера.
Тренерот на Каталонците го пофали целокупниот учинок на тимот,
како и го коментираше доброто издание на најдобриот стрелец Жоао
Феликс на натпреварот.
„Игравме многу добро денеска и Атлетико притисна во второто
полувреме. Можеби го одигравме нашиот најдобар натпревар во
сезоната. Видов како работи Феликс, ја зема топката, добро ја избира
позицијата, комуницира со Кансело. Гледам дека е среќен, активен,
задоволен кога игра. Пред натпреварот му реков да остане смирен
бидејќи дополнителната мотивација го турка уште повеќе и има
можност да ја премине линијата. Играше многу паметно. Жоао исто
така се претстави многу добро, мило ми е што е дел од тимот“, изјави
Чави.

Роберт Левандовски би можел да го напушти клубот пред да му
истече договорот.
Според шпански „Спорт“, договорот на фудбалерот содржи клаузула
според која каталонскиот клуб може предвреме да го раскине
неговиот договор по сезоната 2024/2025 доколку одигра помалку од
55% од натпреварите во таа сезона. Договорот на Полјакот со
Барселона е до јуни 2026 година.
По 15 кола, Барселона е на третото место на табелата во шпанскиот
шампионат со 34 бодови. Тимот заостанува четири бода зад водечкиот Реал Мадрид.
Сезонава Роберт Левандовски учествуваше на 17 натпревари во сите
натпреварувања, на кои забележа осум гола и четири асистенции.

Атлетико Параненсе објави дека фудбалерот, Витор Роке, во јануари ќе му се приклучи на шпанскиот гигант Барселона.

Каталонците за неговиот потпис ќе платат 40 милиони евра плус 21 милион како бонуси. 18-годишниот фудбалер ќе добие договор за седум сезони.

Роке му се приклучи на Атлетико во почетокот на 2022 година и постигна 28 голови на 80 натпревари.

Преговорите меѓу Виктор Осимен и Наполи влегоа во завршна фаза и Нигериецот е многу блиску до продолжување на договорот.

Неговиот актуелен договор истекува во летото 2025 година, а во последните месеци преговорите беа во застој поради напнатоста помеѓу раководството и напаѓачот. Претседателот на Наполи потврди дека преговорите се во завршна фаза и дека наскоро ќе биде потпишан договорот.

„Осимен и јас сме пред потпишување на договорот што се очекуваше ова лето“, изјави Де Лаурентис.

Федерика Брињоне испиша историја во зимскиот центар Тремблант во Канада откако победи во велеслаломот во Светскиот куп.

33-годишната Италијанка стана највозрасната победничка во историјата откако го собори рекордот на Австријката, Анита Вахтер, која во 1999 година победи на патеката во Линц со 32 години и 319 дена .

Брињоне има 22 победи на Светското првенство со што се израмни со сонародничката Софија Гоџа.

Фудбалската репрезентација на Хрватска ги дозна своите противници во групата на Европското првенство кое од 14 јуни до 14 јули следната година ќе се одржи во Германија.

Свој коментар за жрепката имаше хрватскиот селектор Златко Далиќ кој вели дека клучниот дуел за пласман во следната фаза ќе биде оној против актуелниот европски шампион, Италија:

„Ова е најтешката група, играме против актуелниот шампион на Европа, Италија, и против актуелниот освојувач на Лигата на нации, Шпанија. Трети сме во светот и затоа ова е најтешката група. Албанија исто така одигра добро во квалификациите. Италијанците имаат свој квалитет и многу добар тим, мораме уште малку да ги проучуваме Албанците. Мислам дека третиот натпревар против Италија ќе биде клучен. Нашата цел сега е да ја поминеме групната фаза. Играме во три градови на север и ќе имаме голема поддршка од нашите навивачи“, изјави Далиќ.

Во групата „Б“ на Евро 2024 Хрватска својот прв меч ќе го игра на 15 јуни во Берлин против Шпанија, четири дена подоцна во Хамбург против Албанија и на 24 јуни во Лајпциг против Италија.

За Хрватите ова ќе биде седмо учество на европските првенства, најдобриот пласман го имаа на ЕП 2008 кога стигнаа до четвртфиналето.

Сантос е олимписки вицешампион на 400 метри од Лондон во 2012 година и член на мешаната штафета на Доминиканската Република која пред две години на Олимписките игри во Токио го освои среброто на 4х400 метри.

Сантос, кој е роден на 12 ноември 1992 година, како јуниор ја фалсификувал годината на раѓање и настапувал како спортист роден 1993 година и како таков ја освоил светската јуниорска титула во Барселона во 2012 година, а сега таа титула му е одземена.

„Со оглед на правилата според кои само на спортистите кои имале 19 години на 31 декември 2012 година или помлади им беше дозволено да се натпреваруваат на тој шампионат, Сантос немаше право да се натпреварува“, објави АИУ.