Тренерот на фудбалерите на Милан, Стефано Пиоли, може да добие отказ доколку клубот испадне од Лигата на шампионите.

„Росонерите“ по пет кола од групната фаза се наоѓаат  на последното место на табелата со само пет бодови. Пред нив се а ПСЖ, Борусија Дортмунд и Њукасл.

Миланезите во последното коло ќе гостуваат кај Њукасл. Доколку екипата од Милано не влезе во елиминациите, ќе загуби најмалку 160 милиони евра.

Интер е во преговори за ангажирање на играчот од средниот ред на Каљари, Наитан Нандез. Фудбалерот има право во јануари да потпише прелиминарен договор со миланскиот клуб.

Уругваецот е заинтересиран за преселба во еден од гигантите на италијанскиот фудбал. Нандез игра за Каљари од 2019 година.

Тој во сезонава има 10 меча на сите турнири на кои постигна еден гол и една асистенција. Цената на фудбалерот е 5 милиони евра.

Франческо Камарда има само 15 години, но веќе важи за најголемиот талент во италијанскиот фудбал.

Камарда е едвај доволно возрасен за кадет, но Милан го повика во јуниорскиот тим. Пред да се приклучи на натпреварувањето до 19 години, тој постигна повеќе од 500 гола во помладите возрасти и има страшен просек од 5,5 гола по натпревар. Пред три дека Камарда испиша историја и стана најмладиот дебитант во историјата на Сарија А со 15 години и осум месеци.

Светските медиуми пишуваат за него веќе неколку години откако италијанскиот скаут Скиаболата Морбида го привлече вниманието кон него, а многу европски фудбалски гиганти веќе работат на негово доведување.

Камарда се уште нема професионален договор со Милан, бидејќи нема уште 16 години, па неколку европски гиганти сакаат да го „украдат“ и да го доведат во своите редови.

Џошуа Кимих од Баерн Минхен ќе биде примарна трансфер цел на Барселона, пренесуваат каталонските медиуми.

Оваа тема беше актуелна и летово, но преговорите не се ни одржаа поради лошата финансиска состојба во каталонскиот клуб. Сепак, како што откриваат денес каталонски извори, Кимих на лето би можел да биде на попуст, бидејќи влегува во последната година од договорот со Баерн Минхен.

Не е тајна Чави е фан на играта на Кимих, па го посочил Германецот како примарна трансфер цел.

Барселона потврди дека младиот Гави утрово бил опериран по тешката повреда на коленото која ја заработи во натпреварот помеѓу Шпанија и Грузија.

На Гави како што беше најавено му беше направена операција на вкрстените лигаменти и менискусот.

Каталонците ја потврдија операција и периодот кој се очекува младиот фудбалер да паузира. Во клубот очекуваат Гави да се врати за осум до девет месеци и тоа значи дека ќе го пропушти и Европското првенство во текот на летото.

Лусијано Акоста е добитник на наградата Лендон Донован за 2023 година која МЛС лигата ја доделува за најкорисниот играч во првенството.

Аргентинскиот играч за врска зад себе имаше одлична сезона во која постигна 17 голови и подели 14 асистенција, додека неговиот тим ја освои наградата „Suppoters’Shield“ (награда која се доделува на тимот кој освоил најмногу бодови).

Синсинати во минатата сезона освои 69. Така Меси кој ја освои наградата за најдобар светски фудбалер „Златната топка“ не беше прогласен за најдобар во САД.

За Интер Мајами Меси одигра 14 натпревари во кои имаше учинок од 11 голови и пет асистенции.

Фудбалерот од средниот ред на Реал Мадрид, Џад Белингем, го постигна својот голгетерски рекорд за целата минатата сезона.

20-годишниот англиски фудбалер го постигна својот 14-ти гол во тековната сезона, погодувајќи на мечот со Кадиз – за да ја постигне оваа бројка, играчот требаше да одигра само 15 натпревари за Реал Мадрид. Исто така е познато дека во текот на целата претходна сезона, Белингем ги постигна истите 14 гола, играјќи на 42 натпревари. Тогаш играчот од средниот ред играше за Борусија Дортмунд.

Џад Белингем летово се пресели во таборот на Реал Мадрид од Борусија Дортмунд, според интернет порталот Трансфермаркт, за 103 милиони евра.

Во моментов, по 14 одиграни натпревари во шпанската Примера, мадридскиот клуб е лидер во првенството со 35 бодови, колку што има и Џирона на втората позиција.

Тимо Вернер не добива голема минутажа во Лајпциг, па се очекува во јануари да се врати во Премиер лигата, тврдат медиумите на Островот.

Вернер помина две сезони во Челзи, каде пристигна за 55 милиони евра, но „сините“ не беа задоволни од неговиот придонес и го продадоа во неговиот поранешен клуб.

Германскиот репрезентативец не е задоволен со статусот во германскиот тим и сака трансфер по секоја цена.

Таквата ситуација сака да ја искористи Манчестер Јунајтед, кој бара засилување во нападот и е силно заинтересиран за Вернер.