Италијанските медиуми објавуваат дека Интер нашол замена за Јан Зомер, и тоа ни помалку, ни повеќе, туку на Островот во редовите на еден од најсилните клубови во светот.
Директорот на „Неразурите“ ќе го потпише Штефан Ортега и ќе го донесе во градот на модата целосно бесплатно.
Германскиот голман од редовите на Манчестер Сити има договор со „граѓаните“ до следното лето и решил да се испроба во Серија А.
Пред Манчестер сити, бранеше за Арминија од Билефелд.
Италија пресилна за Аргентина во мундијалското осминафинале
Италијанската репрезентација денес во Пасај ја победи Аргентина во осминафиналето на Светското првенство во одбојка со 3-0 (25-23, 25-20 и 25-22).
Во четвртфиналето, италијанската репрезентација ќе игра против победникот од натпреварот Белгија-Финска.
Првата формирана двојка за четвртфиналната фаза на одбојкарскиот Мундијал во Филипини ја сочинуваат Полска и Турција.
Рашфорд сака перманентен договор со Барса
Маркус Рашфорд беше човекот на одлука во првиот натпревар на Барселона оваа сезона во Лигата на шампионите.
Англискиот напаѓач се врати во својата татковина со каталонскиот клуб, каде што Барса играше против Њукасл и го реши натпреварот. Постигна два гола, ја освои наградата за играч на неделата и покажа дека може да игра на најголемата сцена.
Рашфорд се раздели со Манчестер јунајтед, но само привремено. Англискиот репрезентативец е на позајмица во Барселона, но би сакал да остане таму.
Познато е дека Рашфорд не се раздели со Аморим и раководството на најдобар начин. Прво беше испратен на позајмица во Астон Вила, сега во Барселона, бидејќи повеќе не сметаат на него на „Олд Трафорд“. Сепак, има еден проблем.
Барселона сè уште има големи финансиски проблеми и големото прашање е дали ќе можат да си дозволат да го откупат договорот на Рашфорд, се разбира, ако одлучат да го откупат.
Бускетс најави заминување во пензија на крајот од сезоната
Серхио Бускетс планира да ја заврши својата богата кариера на крајот од сезоната 2025 во американската МЛС лига, кога ќе завршат неговите обврски во Интер Мајами.
37-годишниот играч од средниот ред, кој освои 32 трофеи со Барселона и имаше 143 настапи за Шпанија, одлучи да се пензионира две години откако му се придружи на Лионел Меси во Интер Мајами.
Според извештаите што доаѓаат од САД, Бускетс изјавил дека ќе се пензионира кога ќе му истече договорот со Интер Мајами на крајот од 2025 година.
Поранешниот светски шампион отворено наговести дека крајот е близу, признавајќи минатото лето дека е „многу поблиску до завршување на кариерата отколку до нејзино продолжување“. Иако засега нема официјална потврда, се верува дека наскоро ќе следи соопштение.
Пензионирањето на Бускетс ќе го означи заминувањето на еден од најтрофејните и најинтелигентните играчи од средниот ред во историјата на фудбалот. За Интер Мајами, тоа значи губење на клучен играч кој, заедно со Меси и Жорди Алба, го формираше ‘рбетот на нивниот проект инспириран од Барселона.
Мартинели го спаси Арсенал од домашен пораз против Сити
Арсенал вечерва ремизираше 1-1 дома со Манчестер сити во петтото коло од Премиер лигата.
Ерлинг Халанд од Арсенал го отвори резултатот во 9. минута. Габриел Мартинели од домашниот тим постигна гол во третата минута од судиското надополнување и го спаси својот тим од пораз.
Арсенал е втор на табелата во Премиер лигата со 10 бода. Во следниот коло ќе игра против Њукасл на гости.
Манчестер сити се искачи на деветтото место со седум бода. Во следниот коло од Премиер лигата ќе биде домаќин на Барнли.
Градското дерби за Вардар, тимот на Седлоски е нов лидер во Првата лига
Фудбалерите на Вардар вечерва славеа триумф над Работнички со 3-1 во 7. коло на Првата лига.
До триумфот на „Тодор Проески“ во Скопје „Црвено-црните“ дојдоа со пресврт.
Работнички поведе преку Имери во 7. минута, изедначи Бабунски од пенал во 41. минута. Кастањеда во 59. минута донесе водство за домашниот тим, а конечниот резултат го постави Мато на 20 минути пред крајот.
По оваа победа Вардар е лидер со 19 бодови, три повеќе од Струга Трим Лум која има натпревар помалку. Трет е Силикс со 15 бода и натпревар помалку.
Спахиу човек на одлука, Шкендија со минималец го надигра Тиквеш
Шкендија ја оствари четвртата победа во Прва МФЛ оваа сезона, откако на домашен терен во Тетово го совлада Тиквеш со 1-0. Гостите пружија силен отпор, играа отворен фудбал и создадоа неколку шанси, но не успеаја да реализираат, за разлика од актуелниот првак.
Стојанов и Тодоров најавија дека Тиквеш нема лесно да се предаде, но голманот Гаје спречи да се затресе неговата мрежа во воведниот дел од натпреварот.
На спротивната страна, Љатифи пропушти одлична можност, но во 36. минута му подготви гол-шанса на Себастијан Спахиу, кој натрча на вториот дирек и реализираше, постигнувајќи го својот прв гол во дресот на Шкендија.
Тиквеш не се помири со резултатот и во второто полувреме. Притискаше и создаде неколку шанси преку Стојкоски, Садик и Стојанов, но реализацијата повторно беше проблем, а одличниот Гаје остана непремостлива пречка.
Бесарт Ибраими имаше можност да го зголеми водството на Шкендија десетина минути пред крајот, но неговиот удар не беше доволно прецизен.
На крајот, Шкендија славеше со 1-0, освои нови три бода, додека Тиквеш ќе мора да ја подобри реализацијата за да бележи подобри резултати.
Слот најави ротација во Лига Куп дуелот со Саутемптон
Менаџерот на Ливерпул, Арне Слот, објави дека пет клучни играчи ќе бидат надвор од составот за натпреварот од Лига купот во вторник против Саутемптон.
По победата од 2-1 над Евертон на „Енфилд“, Холанѓанецот потврди дека Вирџил ван Дајк, Ибрахима Конате, Мохамед Салах, Рајан Гравенберг и Доминик Собослај ќе бидат одморени. Сите тие ги одиграа полните 90 минути во последните пет натпревари од Премиер лигата и натпреварот од Лигата на шампионите со Атлетико Мадрид.
„Можам да ви кажам сега дека нема да ги видите во вторник. Ако тоа им помага на Саутемптон, тие веќе знаат“, изјави Слот за медиумите по победата над нивниот градски ривал.
Витални бодови за Еуофарм Пелистер 2, полн плен за тимот на Зарков во Куманово
Еурофарм Пелистер 2 славеше со 28-30 на гостувањето во Куманово во рамките на третото коло од Суперлигата, во меч каде што тимот од Битола го контролираше резултатот во најголемиот дел од средбата.
Најефикасни кај победниците беа Белистојаноски со седум гола, го следеше Марковски исто така со седум, додека Баптист додаде шест. Тоше Ончев беше најрасположен кај домаќините со девет гола, од кои четири врзани во периодот од 53. до 59. минута, а Александар Стојков запиша седум гола.
Во следното четврто коло Еурофарм Пелистер 2 на домашен терен ќе го пречека Охрид.
Хосни донесе бод од тешкото гостување во Автокоманда
Екипите на Алкалоид и Еурофарм Пелистер го одиграа второто дерби во третото суперлигашко коло, а мечот во „Автокоманда“ по голема битка и неизвесност, заврши со нерешен исход, со резултат 33-33 (15-14). Алкалоид со два гола предност влезе во финишот, но тогаш првакот се разбуди. Прво преку Тајник реализираше за 33-32 за да потоа пред звукот на сирената реализира и Хосни за реми на ова соочување.
Екипата на Рубен Гарабаја настапи без повредените Абутовиќ, Ристевски и Кузманоски, а само неколку минути доби повратникот Хаидарирад.
Тордарсон беше прво име кај „сино-белите“ со седум реализации, а Кузмановски постигна десет гола за битолчани.
Во следното четврто коло Еурофарм Пелистер на домашен терен го пречекува тимот на Струга.
