Бразилската фудбалска конфедерација (ЦБФ) одлучи да го отпушти селекторот Доривал Жуниор по дебаклот во квалификациите против Аргентина и поразот 4-1.

Бразил бележи слаби резултати во последно време, има само една победа во последните четири квалификациски натпревари. Понижувачкиот пораз од Аргентина, во комбинација со генерално лошите перформанси, ја принудија Федерацијата да ја прекине соработката со Доривал.

Бразилските медиуми пишуваат дека челниците на ЦБФ изразиле незадоволство од неможноста на селекторот да ја подобри играта на Бразил на теренот.

Овој отказ доаѓа по разочарувачките резултати во јужноамериканските квалификации, но и по неуспехот на Копа Америка 2024 година, каде Бразил беше елиминиран во четвртфиналето.

Доривал на клупата на петкратниот светски првак пристигна во јануари 2024 година, а под негово водство Бразил. По 14 одиграни натпревари во квалификациите за СП, Бразил е на четвртото место во поредокот со 21 бод, дури 10 помалку од водечката Аргентина, која веќе обезбеди пласман во САД, Мексико и Канада.

Проблемите за Доривал Жуниор почнаа да се појавуваат за време на Копа Америка, а поразот од Аргентина беше само кулминација. Исто така, ЦБФ не беше задоволен од фактот што главен асистент на 62-годишниот тренер е неговиот син Лукас Силвестре.

Фантастични вести за навивачите на лондонски Арсенал.

Еден од најдобрите играчи на „топчиите“, репреентативецот Букајо Сака по три месеци се врати на тренинзите со првиот тим.

Арсенал на своите профили на социјалните мрежи објави фотографија од Сака на тренинг. Истото го направи англискиот фудбалер со пораката: „Повторно здраво“.

Англиските медиуми пренесуваат дека 23-годишниот фудбалер ќе биде подготвен за натпреварите против Реал Мадрид во четвртфиналето на Лигата на шампионите.

Букајо Сака на крајот на декември имаше операција на тетивата, откако се здоби со повреда на мечот против градскиот ривал Кристал Палас. Сака оваа сезона одигра 24 натпревари за Арсенал и постигна девет гола со 13 асистенции.

Дани Алвеш, поранешен бразилски фудбалер, е ослободен од обвиненијата за силување пред Апелациониот суд во Барселона.

Поранешниот фудбалер на Барселона, Јувентус и Пари Сен Жермен претходно беше прогласен за виновен за силување жена во тоалетот на ноќен клуб во Барселона кон крајот на 2022 година, по неговото враќање од Светското првенство во Катар.

Тој во март минатата година со првостепена пресуда беше осуден на четири и пол години затвор, а по една година и два месеци затвор, откако плати гаранција од милион евра, беше пуштен на слобода.

Бразилецот остана на слобода, но без бразилскиот и шпанскиот пасош. Тој мораше да се јавува на суд секој петок и не му беше дозволено да ја напушти Шпанија додека не заврши судењето. Освен тоа, му било забрането да и се приближува на оштетената и морал да плати 150.000 евра отштета.

Но, до промената дошло бидејќи судот не го сметал исказот на жртвата доволен за да ја потврди пресудата, пренесува „Диарио“.

Алвеш во кариерата има освоено 42 титули, вклучувајќи три Лига на шампиони со Барселона и две Копа Америка со Бразил.

Најголемиот успех го постигна играјќи за Барселона, со која освои 23 трофеи од 2008 до 2016 година.

Карло Анчелоти, тренерот на Реал Мадрид, се соочува со сериозни обвинувања во Шпанија.

Италијанскиот стручњак следната недела ќе се појави пред суд за затајување данок, а јавниот обвинител тврди дека станува збор за сума поголема од еден милион евра. Анчелоти го негираше обвинението и ќе се брани на суд.

Се очекува Анчелоти да оди на судење на 2 април, каде што ќе треба да ја објасни сумата од 1.062.079 евра, која наводно настанала поради неправилности во даночните пријави за 2014 година (386.361 евра) и 2015 година (675.718 евра). Веќе е запленет неговиот имот во износ од 1.217.958,24 евра, со што долгот е подмирен.

Тренерот на Реал призна дека платил недоволен износ на даноци во 2014 година поради грешка на неговите сметководители, додека во 2015 година негираше какво било кривично дело бидејќи не поминал минимум 183 дена во земјата.

„Тоа е стара приказна. Тие веруваат дека сум бил жител во 2015 година, а не сум бил. Казната е платена и сè е сега во рацете на моите адвокати. Верувам во мојата невиност, ќе видиме што ќе одлучат судиите”, изјави претходно Анчелоти.

Шпанското обвинителство бара затворска казна од четири години и девет месеци доколку биде прогласен за виновен.

Само еден ден по судењето, Анчелоти има реванш полуфинален натпревар од Копа дел Реј против Реал Сосиедад.

Италијанскиот елитен фудбалски состав Јувентус ќе се обиде да ја засили дефанзивата со ангжман на играчот на Реал Мадрид, Дани Себаљос, наведуваат дел од медиумите на „Чизмата“.

Според нив, 29-годишниот играч има отворена врата да си замине од стадионот – „Сантијаго Бернабе“ и да се пресели во Италија.

Шпанците за неговиот потпис бараат 15 милиони евра што не би требало да биде проблем за „старата дама“ од Торино.