Тиаго Алкантара наскоро би можел да се врати во Барселона, клуб
каде ја започна кариерата и ја доживеа својата афирмација.
Алкатара минатата сезона пропушти голем дел поради повреда, па го
загуби местото во првиот тим, а сега предност пред него имаат
Мекалистер и Собоцлај. Поради тоа Шпанецот е спремен да ја
промени средината во јануари, а најсилен интерес за него покажува
Барселона.
Каталонците се во потрага по квалитетен играч за врска, кој ќе го
замени повредениот Гави, а Чави смета дека Алкантара би бил
идеално решение.
Договорот на Алкантара со Ливерпул истекува на крајот од сезоната и
во моментов нема изгледи за негово обновување.

Томас Милер, може да ја продолжи кариерата во Манчестер Јунајтед,
пишуваат медиумите во Германија.
Според изворот, Манчестер Јунајтед би можел да го обнови интересот
за играчот доколку тој не успее да се договори за нов договор со
Баерн Минхен.
Познато е дека Манчестер Јунајтед покажал интерес за фудбалерот во
јануари, но Германецот не бил заинтересиран да се пресели во
англискиот шампионат. Во исто време, за Милер е заинтересиран
лично главниот тренер на Манчестер Јунајтед, Ерик тен Хаг, кој
верува дека неговото искуство ќе му помогне на клубот да се врати на
вистинскиот пат.
Самиот 34-годишен играч сака да продолжи да игра најмалку до 2025
година, по можност на ниво на Лигата на шампионите, па дури и
одбие големи понуди од МЛС лигата и Саудиска Арабија бидејќи негов приоритет останува да остане во Баерн. Договорот на Милер со
клубот е до 2024 година.

Капитенот на Пари Сен Жермен, Маркињос има повреда на тетивата,
потврди тој по натпреварот помеѓу Бразил и Аргентина.
Ова е причината поради која дефанзивецот беше заменет на паузата.
По средбата самиот фудбалер призна дека е под сериозен знак
прашалник за претстојниот натпревар против Монако во петок
навечер.
„Ќе биде тешко да играм против Монако. Се надевам дека ќе се
вратам што е можно побрзо“, изјави самиот тој по средбата за
„Л‘Екип“.
Надежите на тренерскиот тим на ПСЖ е дека повредата на играчот
нема да биде сериозна и тој ќе биде во ред за дуелот со Њукасл во
вторник навечер. Се очекува Данило Переира ќе го заземе местото на
Маркињос додека тој е отсутен од екипата.

ПСЖ ќе треба да уплати во касата на УЕФА 98.000 евра поради инцидентите на мечот со Милан во Лигата на шампионите одигран на 25 октомври на „Паркот на принцовите“.

Од нив, 75.000 евра за чадни бомби, 18.000 евра за блокирање патеки на трибините и 5.000 евра поради влегувањето на навивачи на теренот. Згора на тоа стадионот на парискиот клуб ќе биде делумно затворен за европските натпреварувања.

Казна од 23.000 евра е одредена и за тимот од Италија откако неговите фанови користеа чадни бомби а беа инволвирани и во инцидентите пред мечот.

Англиските фудбалски состави Арсенал и Њукасл, имаат намера да го вратат Рубен Невеш во Премиер Лигата.

Поранешниот играч од средниот ред на Вулверхемптон во текот на летото се пресели во Саудиска Арабија во Ал Хилал заедно со Нејмар, Калиду Кулибали и Александар Митровиќ. Неговиот тим е на врвот на табелата по 13 натпревари со четири бодови повеќе од Ал Наср за кого играат Садио Мане и Кристијано Роналдо.

Португалскиот играч од средниот ред има 253 мечеви за Вулверхемптон со ефект од 30 погодоци и 13 асистенции.

Фудбалерот на Манчестер Јунајтед,  Лук Шо, по три месеци пауза поради повреда, конечно се врати во тренинг процес.

Левиот бек гледано од месец август, мораше да пропушти 16 мечеви на „црвените ѓаволи“ во сите натпреварувања како и шест средби за селекцијата на Англија. Иако се очекуваше Шо да биде надвор од терените краток период, сепак, неговата повреда се покажа како многу посериозна.

Во негово отсуство, бековската позиција ја покриваа: Серхио Регијон, Диого Далот и Софијан Амрабат.

По натпреварот кој го одбележаа инциденти и победата на Аргентина над Бразил, Лионел Скалони ги изненади Аргентинците најавувајќи заминување од клупата.

Скалони одлично ја води Аргентина, им го донесе мундијалскиот трофеј во Катар, а селекцијата игра одлично и во квалфиикациите за наредното Светско првенство (2026). Сепак, како што вели Скалони притисокот врз него да продолжи да го одржи тимот на вакво високо ниво е преголем. За својата иднина тој веќе разговарал со фудбалерите и претседателот.

„Во оваа прилика би сакал да кажам една важна работа. Морам многу да размислам во овој момент, треба да одлучам што ќе правам и каков ќе биде мојот следен потег. Не е мое заминување, меѓутоа морам да размислам на иднината.

Границата е поставена многу високои и тешко е да продолжите да победувате. Нашите играчи заслужуваат селектор кој секогаш ќе носи со себе максимална енергија. Ова им го кажав на фудбалерите и претседателот“, изјави Скалони.

Интересно е што по ваквото обраќање Скалони не дозволи новинарите да му поставуваат прашања, туку стана и си з

Поранешниот турски репрезентативец Арда Туран откри во медиумите дека останал без пари откако бил измамен од банкарка.

Поранешната ѕвезда на Атлетико Мадрид и Барселона раскажа за измамничка шема која ја водела извесна Сеџил Ерзан.

„Ме измами. Таа ме намами со зборовите дека кој и да инвестира во фондот што таа го управува ќе заработи добри пари. И дадов повеќе од 13.000.000 евра“. Сфатил дека е измамен кога веќе било доцна.

„Таа ги зеде сите пари што ги заработив и ме измами. Сe што заработив во текот на мојата кариера исчезна“, додаде Туран.

Истрагата на турската полиција открила дека Туран не е единствениот фудбалер кој останал без милиони. \Жртви биле и Фернандо Муслера, Емре Белозоглу, Емре Чолак како и тренерот Фатих Терим.

Џејдон Санчо е во потрага по нов клуб откако влезе во конфликт со тренерот Тен Хаг и сака да го напушти Манчестер Јунајтед.

Англичанецот влезе во расправија со тренерот Тен Хаг па дури и не тренира со првиит тим и јасно е дека во јануари ќе ја промени средината. Јунајтед сака по секоја цена да се ослободи од Санчо и е спремен да го пушти на позајмица плајќајќи дел од неговата плата.

Најсилен интерес за него покажува Јувентус, кој веќе стапил во контакт со Манчестер Јунајтед и започнал преговори со англискиот клуб.

„Бјанконерите“ го сакаат Санчо во јануари на позајмица со право на откуп на крајот на сезоната.