Еторе Месина повеќе не е тренер на Олимпија Милано откако искусниот италијански стратег поднесе оставка по разочарувачкиот старт на сезоната, јавуваат италијанските медиуми
Милано влезе во серија од три порази во изминатата недела во Евролигата и во домашниот шампионат. Токму лошата форма го наведe 66-годишниот Месина да се повлече од клупата.
Сепак, тоа не значи негово целосно заминување од клубот бидејќи ќе остане во структурата на Олимпија како личен советник на претседателот.
Тимот привремено ќе го води Џузепе Пепе Поета, кој летово потпиша тригодишен договор со Милано по пристигнувањето од Бреша.
Пет години од смртта на големиот Диего Марадона
На 25 ноември 2020 година, на 60 годишна возраст во Тигре, предградие на Буенос Аирес, почина легендарниот аргентински фудбалер Диего Армандо Марадона.
Тој е најдобриот фудбалер на 20 век со гласање на официјалната веб-страница на ФИФА. Марадона е првиот носител на почесна „Златна топка“ на „Франс Фудбал“. За време на неговата 21-годишна кариера како фудбалер, тој играше во шест екипи, вклучувајќи ги Бока јуниорс (двапати), Барселона и Наполи. За клубовите одигра на 491 натпревар и постигна 210 гола. Учествуваше на четири светски шампионати од 1982 до 1994 година, стана шампион во 1986 година и вицешампион во 1990 година. Одигра 91 натпревар за Аргентина, постигнувајќи 34 гола. Од 1986 година е капитен на националниот тим.
Во 1986 година ја освои Златната топка за најдобар фудбалер на Светското првенство. На четвртфиналниот натпревар против Англија постигна два гола, кои влегуваат во историјата на фудбалот.
Првиот, постигнат со рака стана познат како „рака на Бога“. Вториот, по спектакуларниот дриблинг што започна од централната линија на теренот, помина крај четворица англиски играчи, се нарекува „Цел на векот“. Во 1991 година тој беше суспендиран на 15 натпревари откако беше осуден за допинг.
Во 1994 година, за време на Светското првенство во САД, тој повторно беше позитивен на допинг тест – овој пат ефедрин, што беше крај на неговата кариера за националниот тим. Диего Армандо Марадона е роден на 30 октомври 1960 година во Ланус, близу Буенос Аирес, како петто од осумте деца во семејството на Диего Марадона и Далма Салвадоре Франко.
Слободен влез во СРЦ „Кале“ за дуелот на кошаркарите против Азербејџан
Македонската кошаркарска репрезентација в четврток ќе го одигра својот прв натпревар од квалификациите за Евробаскетот во 2029 година. На 27 ноември, влезот во СРЦ „Кале“ каде ќе гостува репрезентацијата на Азербејџан, ќе биде слободен.
– Македонската федерација ги повикува сите искрени љубители на кошарката, и фанови на нашата најдобра машка репрезентација да дојдат во „Кале“, и да им дадат поддршка на момците во овој натпревар, за кој влезот ќе биде слободен, објави КФМ.
Ова ќе биде прв натпревар за македонските кошаркари во групата „А“ од претквалификациите за пласман на Европското првенство 2029.
Чешка Дукла е противникот на Охрид во осминафиналето на ЕХФ Купот
ГРК Охрид ја доби чешка Дукла за ривал во осминафиналето на ЕХФ Европскиот куп.
Вака одлучи жрепката одржана денес во седиштето на Европската ракометна федерација во Виена.
На првиот натпревар охриѓани ќе бидат домаќини на 15/16 февруари 2026 година, реваншот ќе се игра во Прага на 22/23 февруари.
Ерик Гарсија добива нов договор во Барселона
Шпанскиот фудбалски шампион Барселона дефинитовно не се откажува од својот универзалец, репрезентативецот Ерик Гарсија кој минатата сезона беше на прагот на излезната врата на Ноу Камп.
Скромниот Ерик Гарсија мораше напорно да работи за да ја добие својата шанса во Барселона, а сега дефинитивно ужива во нејзините плодови.
Минатата сезона, тој беше дури и на работ да го напушти клубот, бидејќи Ханси Флик им даде шанса на Кубарси и Ињиго Мартинез, а тука беа и Араухо и Кристенсен. Сепак, германскиот стратег не сакаше да се откаже од Гарсија, и набрзо му даде шанса, која ја искористи и сега е редовен стартер во тимот на Каталонците.
Затоа, Барселона подготвува нов договор за него до 2030 година, објавува Мундо Депортиво, а се очекува самиот дефанзивец наскоро да го парафира. По позајмицата во Жирона пред две сезони, Гарсија покажа дека е подготвен за сериозен фудбал, а патем, тој е играч кого Гвардиола го однесе во Манчестер Сити во младинскиот тим кога замина за Англија, сепак, Каталонците подоцна успеаја да го вратат во своите редови и сега тој е еден од најважните шрафови во тимот.
Комо е хит во Серија А, Торино декласиран со пет гола
Комо продолжува со одлични и атрактивни партии. Во натпреварот од 12-то коло од Серија А, среде Торино со 1-5 ги декласираа „биковите“.
Хит тимот во Серија А, еден од хит тимовите во цела Европа. Така е опишан тимот предводен од Сеск Фабрегас, кој го покажа целиот потенцијал на гостувањето против Торино.
Шоуто го започна 20-годишниот Холанѓанец Џејден Адаи. Тој го постигна водечкиот гол во 36-та минута. Торино успеа да израмни во втората минута од судиското продолжение во првото полувреме. Стрелец беше Никола Влашиќ.
Комо повторно поведе во 52-та минута, а повторно Адаи беше стрелец. Асистент за двата гола беше неговиот врсник од Шпанија Хесус Родригез.
Уште еден 20-годишник, Јакобо Рамон од Шпанија го зголеми резултатот на 1-3 во 70-та минута. Првата ѕвезда на тимот, 21-годишниот Нико Паз, исто така постигна гол. Асистент за третиот и четвртиот гол беше 22-годишниот Максимо Пероне од Аргентина.
Конечните 1-5 ги постигна во 86-та минута уште еден исклучително млад играч, 22-годишниот Хрват Мартин Батурина.
Суперлигата испрати тужба до УЕФА
Компанијата А22 Спортс Менаџмент“, која стои зад проектот фудбалска Суперлига, поведе правни дејствија според шпанскиот закон, пред да почне правна постапка против УЕФА во тужба вредна повеќе милијарди евра.
Овој потег веќе го најави претседателот на Реал Мадрид, Флорентино Перез, за време на вчерашното Генерално собрание на „Кралскиот клуб“, а „А22“ денеска, исто така, излезе со соопштение.
-А22 Спортс Менаџмент“ поведе задолжителна постапка според шпанскиот закон на 21 ноември, пред почетокот на правната постапка против УЕФА во која бара надомест на штетата што ја претрпе поради злоупотребата на доминантната позиција од страна на УЕФА како монополски оператор на европските клупски фудбалски натпреварувања, се вели во соопштението на компанијата.
-И покрај јасните одлуки од три европски судови, вклучувајќи го Судот на правдата на ЕУ и шпанскиот Апелациски суд, УЕФА продолжува да одржува регулативи и практики што се директно спротивни на судските одлуки. Во спротивност со овие судски одлуки, УЕФА сега се соочува со значителни потенцијални барања за отштета од клубовите и од А22, се додева во соопштението.
Шпанските медиуми шпекулираат дека тужбата би можела да биде вредна помеѓу четири и пет милијарди евра.
Стојан Ѓуроски пред дуелот со Азербејџан: Ние одиме на победа, без разлика кој е на другата страна
Ги „прескокна“ претквалификациите за Светскиот Куп, но од денеска му се стави на располагање на селекторот Марјан Илиевски на првиот тренинг пред она што е наредно на ред за нашиот сениорски национален тим.
Почетокот на претквалификациите за Евробаскетот во 2029 година. во кој нашиот сениорски тим ќе биде за одредена доза на искуство „побогат“ со присуството на Стојан Ѓуроски.
А искусниот кошаркар изрази задоволство што повторно е дел од тимот:
„Чувството е одлично. Задоволство е и гордост да се претставува Македонија. Не настапив на последните мечеви заради повреда, и убаво е што пак сме заедно. Мислам дека ни следи одлична атмосфера, да ги анализираме противниците и да се спремиме за следните два меча. Уште ги немаме гледано ривалите, но ние одиме на победа без разлика кој е на другата страна. Имаме три дена подготовки, но за сите е исто. Имаме неколку повратници во екипата, сме играле и со Вајли заедно, така што нема да имаме проблеми да се воиграме“ – смета Ѓуроски.
Натпреварот против селекцијата на Азербејџан, Македонија ќе го игра на 27. ноември (од 19.часот,) во салата на СРЦ „Кале“ во Скопје.
Марјан Илиевски: Сега сме поискусни, но нема да менуваме многу работи“
Машката сениорска репрезентациија на Македонија е одново заедно. Во хотелот „Александар Палас“ во Скопје, каде ќе биде „базата“ на нашиот национален тим во наредните денови, селекторот Марјан Илиевски и неговите асистенти Борче Даскаловски и Мирко Петрески, ги дочекаа кошаркарите на кои ќе смета за она што следува во оваа работна седмица.
Натпреварите од групната фаза од претквалификациите за Евробаскетот 2029 година.
„Она што било, тоа ќе го оставиме во минатото. Вратите се отворени за сите кои се на располагање. Оние кои играа летоска го дадоа својот максимум, можеби и над максимумот.
Надополнети сме со играчи кои се поискусни, што не значи дека многу работи се менуваат, но значи дека играчите кои имаат „носено“ поинакви мечеви се присутни тука и сигурно ќе бидат од значење, не потценувајќи никого што беше тука за време на летото, бидејќи нивното време доаѓа“ , потсети селекторот на првата прозивка околу ноемврискиот ростер.
Говори и за противниците во првиот кваалификациски циклус за пласман на Евробаскетот во 2029 година, прво Азербејџан, на 27.ноември, во Скопје, потоа на 30.ноември, со Ирска во Даблин…
„Азербејџан и Ирска… Не постојат држави кои не играат кошарка. Да не ги кажуваме предвреме нашите очекувања, секој пат ќе биде тоа, да дадеме 100% од себе и да се победат мечевите.
Но, не сакам никој да не сфати здраво за готово, и дека за три дена ќе видиме нешто ново, иако тоа се играчи што играле долго време во репрезентацијата. Овие три дена кои ги имаме на располагање ќе ја воиграме нашата замисла и играчите да одговорат максимално што можат
Азербејџан, од она што го имаме како информација, е тоа дека го мениуваат странскиот играч. Претходно имаа центар, сега имаат плејмејкер. Се работи за играч кој низ клубовите бил меѓу носителите, па сигурно е дека ќе се промени нивната тактика на терен затоа што имаат носител-играч на друга позиција.
И останатите играчи им настапуваат, но не оставаат некаква конкретна и јасна слика, секој меч им е различен од другиот. Некој меч се длабоко во негатива, некои мечеви се близу до победа, така што ќе говориме по мечот“.
Во овој ноемвриски ФИБА „прозорец“ селекторот Марјан Илиевски ќе има на располагање уште еден натурализиран играч. Освен Џејкоб Вајли, за место во тимот ќе конкурира и играчот н шпанската Валенсија, Омари Мур.
„Вајли е со тимот, Мур доаѓа во среда, а Сестина е повреден и ќе отсуствува два месеци. Имаме на располагање двајца натурализирани играчи и ќе одлучиме кој ќе игра. Двајцата ќе бидат тука и по она кое ќе го увидиме, ќе ги распоредиме.
Андреј Јакимовски е исто така присутен тука, сигурно ни значи многу како македонски играч и играч кој веќе има одлична минутажа во својот клуб. Игра во квалитетна лига, се работи за европски систем во последните месеци и ќе биде од огромно значење“, смета Илиевски пред првиот тренинг закажан вечерва од 18.30 часот, во салата на СРЦ „Кале“ во Скопје.
Коке го одигра 700-от натпевар за Атлетико
Коке продолжува да пишува историја за Атлетико Мадрид. 33-годишниот играч од средниот ред го одигра својот 700-ти натпревар за мадриѓаните во победата од 1-0 над Хетафе на гости.
Покрај тоа што е играчот со најмногу официјални настапи во историјата на Атлетико Мадрид, Коке е втор играч со најмногу сезони како капитен на Атлетико (7). Првото место на ова рангирање го држи Енрике Колар, кој ја носеше лентата десет сезони (1959-1969).
Коке е дел од академијата на Атлетико од 8-годишна возраст, а дебитираше за првиот тим на 19 септември 2009 година против Барселона. Во овие 17 години, тој има две титули во Ла Лига, еден Куп на кралот, две титули во Лигата на Европа, два европски Суперкупа и еден шпански Суперкуп.
„Честитки за ова извонредно достигнување и продолжете да пишувате историја, капитене!“, напишаа од клубот.
