Еден од најзначајните играчи за иднината на Барселона, Педри денеска стави потпис на нов долгогодишен договор со каталонскиот клуб.

Веќе нема дилеми, најавите и официјално се остварени, Педри стави потпис на нов договор.

„ФК Барселона и Педро Гонзалез – Педри се согласија за обновување на договорот и тој ќе остане во клубот до 30 јуни 2030 година“, стои во соопштението на Барса.

Наредни кои се очекува да потпишат нови договори се Иниго Мартинез и Ламине Јамал.

Шпанскиот напаѓач Алваро Мората ќе го напушти Милан на крајот од зимскиот преоден рок, пренесува Фабрицио Романо.

Малку изненадувачки ако се земе предвид дека Алваро Мората беше првиот напаѓач на Милан оваа сезона, но новиот тренер Серж Консеисао има поинаква визија за тоа како треба да изгледаат „росонерите“.

Поранешниот напаѓач на Јувентус, Челзи, Реал Мадрид и Атлетико Мадрид е во преговори со Галатасарај и се очекува да го реализира трансферот во наредните денови. Таму ќе ја формира напаѓачката двојка со Виктор Осимхен.

Милан не би го пуштил да си оди доколку не го гледаат оптимизмот во разговорите со Феенорд и Сантијаго Хименез кои сигурно ќе облече дресот на клубот од „Сан Сиро“.

Холандскиот клуб дава отпор во последно време, но информациите од Италија говорат дека Златан Ибрахимовиќ ќе тргне во целосна офанзива за да го донесе Мексиканецот.

Менаџерката на фудбалерот, Рафаела Пимента, го известила Феенорд дека тој сака да ја продолжи кариерата во Италија и се надева дека сите страни ќе сакаат што поскоро да се реши ситуацијата. Сепак, Феенорд игра во Лигата на шампионите и им треба и замена.

Кога станува збор за Мората, тој заминува по само половина година. На 26 натпревари досега постигна шест гола и забележа две асистенции.

Прославениот шпански фудбалер Серхио Рамос кариерата ќе ја продолжи во Мексико.

Шпанскиот дефанзивец е слободен играч од ова лето, кога му истече договорот со Севилја.

Иако сите мислеа дека неговата кариера е завршена, тој на 38 години реши да замине за Мексико, каде што доби покана од Монтереј.

Како што пренесува „Мундо Депортиво“, преговорите меѓу двете страни се во тек и доколку ги мине лекарските прегледи ќе биде претставен како нов играч на мексиканскиот клуб.

Тренер на Монтереј е Мартин Демикелис, кој бараше засилување поради повредата на Карлос Салседо.

Овој клуб моментално го зазема 13-тото место во мексиканската Клаусура со три бода по три одиграни натпревари.

Рамос во новото опкружување ќе го пречекаат поранешните соиграчи Лукас Окампос и Оливер Торес со кои играше во Севилја, а во клубот е и поранешниот играч на Бетис, и Серхио Каналес.

Германскиот фудбалски клуб Мајнц го продолжи договорот со тренерот Бо Хенриксен до летото 2027 година.

Данецот го презеде тимот во февруари 2024 година и избегна испаѓање, а во новата сезона го предводи Мајнц до шестото место во Бундеслигата.

„Со својот начин на работа, Бо го влечеше целиот тим со себе. Совршено се вклопува во Мајнц и задоволни сме што ќе продолжи да го води клубот и во наредните години“, изјави членот на управата, Кристијан Хајдел.

Хенриксен рече: „Поминавме многу заедно и направивме голем напредок и како тим и како клуб. Поддршката од навивачите беше неверојатна уште од мојот прв ден овде и тоа многу влијаеше на мојата одлука“.

Првотимецот на Барселона, Педри, го продолжи договорот до 30 јуни 2030 година, соопшти каталонскиот клуб.

Во соопштението се вели дека Педри го продолжил договорот со Барселона во присуство на претседателот на клубот Џоан Лапорта, потпретседателот Рафа Јуста и спортскиот директор Деко.

Финансиските детали од договорот не беа откриени. Педри (22) пристигна во Барселона во 2019 година од Лас Палмас. За Барселона одигра 174 натпревари и постигна 24 гола.

За шпанската репрезентација одигра 30 натпревари и двапати постигна гол. Со Шпанија го освои Европското првенство во 2024 година во Германија.

Челниците на Астон Вила ја одбиле понудата на Арсенал за нивниот напаѓач Оли Воткинс, објавија британските медиуми.

Се очекува Арсенал да достави нова подобрена понуда за 29-годишниот фудбалер, објави „Скај Спорт“. Бројни медиуми објавија дека понудата е вредна 70 милиони евра.

Астон Вила не сака да го продаде Воткинс, поради што не изгледа веројатно дека трансферот ќе се случи во зимскиот преоден рок.

Воткинс постигна 10 гола за Вила на 23 натпревари оваа сезона. Вила мора да го задржи англискиот репрезентативец, бидејќи пред заминување од клубот е Колумбиецот Џон Дуран. Џокерот на менаџерот Унаи Емери, како што тврди „Скај Спорт“ ќе се пресели во Саудиска Арабија.

Динамо Загреб и Црвена звезда со полни каси го завршија учеството во Лигата на шампионите.

Динамо е најголемиот губитник оваа сезона. „Модрите“ го победија Милан во последното коло (2:1), освоија 11 поени, но завршија на 25.место. Гол разликата го елиминира Динамо од Лигата на шампионите. По 11 поени освоија и Манчестер сити, Спортинг Лисабон и Клуб Бриж.

Црвена звезда немаше никакви шанси за пласман во плејофот, но дополнително заработи со победата во Берн над Јанг Бојс (0:1).

Од учеството во Лигата на шампионите Динамо заработи речиси 40 милиони евра, а Црвена звезда приходуваше 32 милиони евра.

Најмногу пари во прелиминарната фаза собра Ливерпул. Поразот во Ајндховен го спречи да ја пробие магичната граница од 100 милиони евра. Освен „црвените“, само уште еден клуб ја надмина границата од 90 милиони евра, а тоа е Интер, додека блиску се Арсенал, Барселона, па дури и Атлетико Мадрид.

Вреди да се потсетиме дека УЕФА одлучи да ги награди осумте првопласирани. Клубовите кои изборија место во осминафиналето добија по 11 милиони евра. Истата сума ќе ја добијат и победниците од плеј-офот за место во топ 16.

Подоцна, кој ќе стигне до четвртфиналето ќе добие 12.500.000 евра, полуфиналистите уште 15.000.000, финалистите дополнителни 18.500.000, а победникот во Лигата на шампионите, во мај оваа година на Алијанц Арената во Минхен, ќе добие уште 10.000.000. од кои 6.500.000 за освојување на купот, а останатите 4.000.000, бидејќи автоматски ќе учествуваат во борбата за трофејот во Суперкупот на УЕФА.

Македонскиот репрезентативец Елиф Елмас официјално стана член на Торино. Елмас во Торино пристигна од Лајпциг. Германскиот тим го испрати на позајмица до крајот на сезоната. Торино ќе има можност за 17 милиони евра да го откупи неговиот договор.

Елмас незадоволен од статусот што го имаше кај Марко Росе реши да го нашушти Лајпциг. Во германија тој пристигна пред една година за 24 милиони евра, откако претходно имаше успешни четири сезони во Наполи.

Еламс сезонава за Лајпциг одигра 44 минути во Бундеслигата и 15 во Лигата на шампионите.

Во Торино Елмас на грбот ќе го носи бројот 11.

Фудбалската федерација на Македонија (ФФМ) го спроведе годишниот семинар за доктори и физиотерапевти на тема „Ургентни состојби и траума во фудбалот“. Настанот го проследија тимските доктори и физиотерапевти од националните репрезентации, како и клупските доктори и физиотерапевти од Првата и Втората лига и од Првата женска фудбалска лига.

Организирана од Секторот за медицина и антидопинг и поддржана од УЕФА, медицинската работилница се одржа на 25 и 26 јануари 2025 година во хотел „Хилтон“ и истата имаше за цел да им ги презентира на тимските и клупските лекари и физиотерапевти најновите знаења и техники поврзани со ургентните медицински состојби во фудбалот.

Утринските сесии беа посветени на суштински теми и понудија теоретско знаење кое му е неопходно на секое медицинско лице за да биде добро подготвено да се справи со низа критични ситуации, вклучително и формулирање на акциони планови за итни случаи, спроведување на првични проценки на повредени играчи, решавање на инциденти со ненадеен срцев удар на теренот и практични демонстрации на процедури за итни случаи на теренот.

Предавањата од областа на трауматологијата ги држеа д-р Михајло Ивановски, д-р Александар Милески и д-р Небојша Настов, додека обуката за основно и напредно животно одржување и раната реанимација и брзата дефибрилација ја држеа д-р Азби Агуши и д-р Игор Неделковски. Брифинг за итни случаи на теренот даде и д-р Невзат Јонузи.

Во попладневните часови, учесниците имаа можност да се стекнат со практично искуство изведувајќи вежби на фантоми од медицинскиот симулациски центар.