Европската фудбалска асоцијација (УЕФА) делумно ја потврди жалбата на Барселона против дисквалификацијата на главниот тренер Ханс-Дитер Флик и неговиот помошник Маркус Сорг.
Тренерите беа дисквалификувани на 8 август за еден европски натпревар поради кршење на општите принципи на однесување и основните правила на пристојно однесување по полуфиналниот реванш-натпревар од Лигата на шампионите против Интер (3:4), што се одржа на 6 мај. Тие беа казнети и со 20.000 евра.
Апелацискиот комитет на УЕФА одлучи да ја замени дисквалификацијата на Флик и Сорг со условна, но паричната казна останува на сила.
Барселона ќе игра против Њукасл во главната фаза од Лигата на шампионите на 18 септември.
Лина Ѓорческа се пласира во уште едно тениско финале
Нашата најдобра тенисерка Лина Ѓорческа ќе игра уште едно финале. Денеска во Букурешт во полуфиналето на ИТФ турнирот, нашата тенисерска славеше во два сета над првата носителка на турнирот, Деспина Папамихаил од Грција.
Во меч кој траеше само час и 21 минута, Ѓорческа го доби првиот сет со 6-2, а во речиси идентичен втор сет, повторно оствари триумф од 6-2.
Во финалето Лина Ѓорческа ќе се сретне со подобрата од дуелот меѓу Тагер (Авс) и Нахимана (Бур).
Македонија пријави двајца атлетичари на Светското првенство во Токио
Двајцата македонски атлетичари се учесници на денеска започнатото Светското првенство во атлетика. Дарио Ивановски и Адријана Поп Арсова веќе го знаат и официјалниот термин на своите трки во маратонска конкуренција.
Прва на програмата ќе настапи Адријана Поп Арсова и тоа утре ( недела ) 14-ти септемвери во нејзината дисциплина маратон со почеток во 7:30ч. , односно 00:30ч. (македонско време).
Дарио Ивановски својот настап ќе го има на 15-ти септемвери ( понеделник ) во неговата дисциплина маратон, со почеток во 7:30ч., односно 00:30ч. (македонско време).
Умтити најави заминување во пензија
Самуел Умтити е сè поблиску до одлука да стави крај на фудбалската кариера, откако сериозните повреди со години му создаваат проблеми. Според информации на „Л’Екип“ и „РМЦ Спорт“, францускиот дефанзивец на 31 година е подготвен да се повлече од терените.
Минатата година двапати мораше да оди на операција на коленото, па не е изненадување што Лил не му го продолжи договорот. Иако Умтити сè уште има понуди на маса, тој е многу блиску до конечна одлука да не се мачи повеќе со болките и да ја заврши играчката кариера.
Французинот започна во Лион, од каде по шест години замина во Барселона, а во 2018 година ја доживеа најголемата радост кога со националниот тим го освои Светското првенство. Тогаш не сакаше да оди на операција на коленото и настапи на целиот Мундијал, но токму од тој момент започна неговиот голем проблем, бидејќи повредата никогаш не ја санираше целосно.
Мото ГП ќе отвори своја „Куќа на славните“
Мото ГП шампионатот и досега имаше посебно место за своите легенди, а од четврток има и официјална Куќа на славните, која беше откриена во пресрет на Големата награда на Сан Марино во Римини оваа недела.
На посебен настан во Римини, се собраа најголемите ѕвезди на мотоциклизмот кои повеќе не се активни, а кои меѓусебно имаат 23 титули и повеќе од 300 победи. Легендите кои повеќе не се со нас: Умберто Масети, Џеф Дјук, Џон Сартис, Мајк Хејлвуд, Фил Рид и Бери Шин, први беа примени во Куќата на славните.
Присутните ги предводеше најтрофејниот возач во историјата – Џакомо Агостини, кој во текот на својата кариера освои неверојатни 15 титули и забележа рекордни 122 победи.
По него следеа Кени Робертс, Фреди Спенсер, Еди Лосон, Вејн Рејни, Мик Дуан, Кејси Стонер, Дани Педроса и човекот кој е најзаслужен за најголемата популарност на Мото ГП шампионатот, Валентино Роси.
Сите тие добија медали во чест на влегувањето во Куќата на славните, но и плакети што одат во Кулата на шампионите, која му се доделува на шампионот од кралската класа.
Кулата на шампионите, патем, претрпе измени во однос на оригиналната верзија, во согласност со новиот идентитет на најспектакуларниот спорт во светот, како што го промовираат оние што го водат.
Секако, првиот сопственик на новиот трофеј ќе биде Марк Маркез, кој не може да ја обезбеди титулата овој викенд, но ќе ја има својата прва шанса за две недели, во Јапонија.
Вниманието сега е насочено кон самата патека, бидејќи акцијата за Големата награда на Сан Марино и Римини започна во Мизано и продолжува до недела.
Ветеранот Очоа потпиша за АЕЛ Лимасол
Гиљермо Очоа има сериозни планови да настапи на Светското првенство во 2026 година.
Искусниот мексикански голман потпиша за АЕЛ од Лимасол и ќе биде во натпреварувачка форма пред Светското првенство следната година.
Очоа дебитираше за Мексико пред точно 20 години. Препознатлив е по своите наверојатни партии на најголемото фудбалско натпреварување, а сега доаѓа на Кипар, за прв пат во кариерата.
Очоа претходно го носеше дресот на Клуб Америка, Ажаксио, Малага, Гранада, Салернитана.
Забележа над 150 настапи за мексиканската репрезентација, а учествуваше и на Светските првенства во 2006, 2010, 2014, 2018 и 2022 година.
Шериф Ендиај ја замени Црвене Звезда со Самсунспор
Најдобриот стрелец на Црвена звезда во минатата сезона, Шериф Ендиај, кариерата ќе ја продолжи во Турција. Преодниот рок во оваа земја трае до полноќ.
Црвена звезда го продаде напаѓачот од Сенегал в Самсунспор. Според српските медиуми, спрскиот шампион од овој трансфер заработи шет милиони евра.
Во текот на денот, Ендиај ќе замине за Турција каде што, по медицинските прегледи, ќе потпише четиригодишен договор со новиот клуб. Тој се враќа во Турција, бидејќи во Црвенз звезда дојде од Адана, каде што играше две сезони.
Во дресот на Црвена Звезда, тој постигна 40 гола и запиша 12 асистенции на 89 натпревари. Освои две двојни круни и беше најдобар стрелец на првенството минатата сезона.
Леверкузен издржа и со деветмина и го совлада Ајнтрахт
Фудбалерите на Баер Леверкузен го победија Ајнтахт Франкфурт со 3-1 (2-0) во првиот натпревар од 3. коло на германската Бундеслига.
Ова беше прв натпревар на Каспер Хјулманд на клупата на „фармацевтите“ и права победа, која требаше да биде лесна, но беше доведена во прашање во второто полувреме.
Баер стекна капитална предност во првиот дел од натпреварот, со головите на Алехандро Грималдо во 10. минута, односно Патрик Шик од пенал во финишот на првиот дел.
Тие 2-0 ги преполови Узун во 52. минута, а потоа во 58. Роберт Андрих доби црвен картон, а Леверкузен се бранеше френетично до крајот.
Во 92.минута во екот на нападите на гостите од Фракфурт, Баер остана со уште еден играч помалку на теренот. Црвен картон доби и Езекиел Фернандез.
До крајот Баер постигна уште еден гол преку играчот на натпреварот
Грималдо, кој во осмата минута од судиското надополнување постигна преубав гол.
Баер ја забележа првата победа во сезоната и сега има четири бода, додека Ајнтарт го претрпе првиот пораз во сезоната и остана на шест.
Јуве спремен да тргне по Лукман
Јувентус е заинтересиран да го купи напаѓачот на Аталанта, Адемола Лукман , објави „Тутоспорт“.
Според изворот, играчот се разгледува од страна на клубот од Торино како замена за Душан Влаховиќ , кој веројатно ќе го напушти тимот. Трансферот на нигерискиот репрезентативец е можен дури и во зима.
Да потсетиме дека во август, милански Интер беше заинтересиран за Лукман, нудејќи ѝ на Аталанта 45 милиони евра за трансферот, но беше одбиен.
Минатата сезона, нигерискиот напаѓач одигра 40 натпревари, постигна 20 гола и имаше седум асистенции. Неговиот договор со Аталанта е до летото 2027 година, а неговата пазарна вредност се проценува на 60 милиони евра.
Ивановски и Поп-Арсова Рашиќ македонски претставници на СП во атлетика
Светското првенство во атлетика што се одржува во Токио стартува утре и ќе трае до 21.септември. Двајца македонски претставници ќе бидат дел од светскиот атлетски самит.
И двајцата ќе трчаат на маратонските трки. Прва ќе настапи Адријана Поп-Арсова Рашиќ на женската маратонска трка која ќе се одржи на 14.септември – недела наутро. На стартната листа на машката маратонска трка ќе се појави и нашиот олимпиец и македонски рекордер во маратон Дарио Ивановски.
Стартот на машкиот маратон е во понеделник наутро.
Двете маратонски трки имаат старт во 7:30 часот по локално време или 30 минути по полноќ по македонско време.
