Арсенал и Астон Вила ремизираа 2-2 во Лондон во возбудливото дерби од 22. коло на англиската Премиер лига.

Менаџерот на Астон Вила, Унаи Емери, повторно беше кобен за својот поранешен клуб, откако минатата сезона буквално ги остави без титула, тогаш со неговиот тим победи во Лондон. Од тој натпревар Манчестер сити го презеде првото место и ја задржа предноста.

Сега тој повторно ги оддалечи „топчиите“ од трофејот што го чекаат од 2004 година, бидејќи Арсенал е на второто место со шест бода помалку и натпревар повеќе од Ливерпул.

Ниту водството од 2:0 во 55. минута, кое го обезбедија Мартинели во 35. и Хаверц во 55.минута, вечерва не му беше доволно на Арсенал.

Тимот на Микел Артета го шокираа Тилеманс во 60. и Воткинс во 68.минута.

По ова реми, Вила е седма на табелата со 36 бодови, но е на само два бода помалку од позицијата која води во Лигата на шампионите.

Фудбалерите на Наполи остварија голема победа во натпреварот од 21. коло на Серија А против Аталанта со 2-3.

Ова беше дуел меѓу првиот и третиот тим во Серија А, а по оваа победа Наполи има седум бода повеќе од тимот од Бергамо.

Избраниците на Антонио Конте ја забележаа шестата победа во низа и сега се на врвот на табелата, а главениот ривал Интер со два натпревари заостанува шест бода зад Наполитанците.

Спектаклот на стадионот во Бергамо го отвори Матео Ретеги со својот гол во 16. минута од натпреварот. Наполи имаше одговор на предноста на Аталанта. Во 27. минута Матео Политано го израмни резултатот.

Целосен пресврт Наполи направи во финишот на првиот дел Скот Мектоминај го совчада Карнесеки.

Драмата продолжи и во второто полувреме. Изедначи најдобриот играч на Аталанта, Адемола Лукман.

Голема шанса потоа имаше Лазар Самарџиќ се најде сам пред Мерет, но голманот на Наполи успеа да одбрани.

Наполи до нова предност, која ја задржа до крајот дојде во 78. минута, кога погоди Лукаку по центаршутот на Ангиса.

Фудбалерите на Хетафе ремизираа 1-1 на домашен терен со Барселона во 20. коло од шпанската Примера.

Избраниците на Ханси Флик поведоа уште во деветтата минута по брилијантната асистенција на Педри, стрелец беше десниот бек, Жил Кунде.

Кунде подоцна можеше да запише асистенција, но по неговото додавање ударот на рафиња заврши крајот голот.

Хетафе изедначи од првата вистинска шанса, во 34. минута стрелец беше Мауро Арамбари.

Овој резултат остана до крајот на натпреварот, иако гостите драстично имаа повеќе посед и многу повеќе удари кон голот.

Каталонците имаа идеална можност, по неочекуваниот пораз на Атлетико Мадрид од Леганес, да се доближат до лидерот во Примера на само три бода. Вака по денешните резултати најмногу причини за задоволство имаат во Реал Мадрид.

Фудбалерите на Борусија Дортмунд продолжија со лошите партии во Бундес-лигата откако загубија на вчерашното гостување кај Ајнтрахт Франкфурт. Нивниот тренер, Нури Сахин, не крие дека е разочаран.

„Во првиот дел заостанувавме зад противникот. Им дозволивме на домаќините лесно да дојдат до ситуација да постигнат погодок.

„Второто полувреме беше многу подобро. Дејствувавме енергично но, за жал, повторно останавме со празни раце“, потенцираше тренерот на „милионерите“.

Шпанската фудбалска федерација се чини дека постигна договор со селекторот на репрезентацијата Луис де ла Фуенте за обновување на неговиот договор, по повеќемесечните шпекулации дека тој не е задоволен од актуелниот договор.

Селекторот ги надмина сите очекувања откако ја презеде „фуријата“ и федерацијата одлучи дека треба да ги задоволи неговите барања и да му понуди нов договор.

Де ла Фуенте ја предводеше Шпанија до триумф на ЕП 2024 и уште тогаш посочи дека е подготвен да го продолжи договорот. Сепак, тоа не можеше да се случи додека не се избере нов претседател. Сега Рафаел Лузан постигна договор со Де ла Фуенте за договор кој ќе биде вреден над 2 милиони евра годишно, вклучувајќи бонуси. Ова е помалку од 3-4 милиони евра на кои се надеваше тренерот, но неговиот договор ќе биде продолжен најмалку до 2028 година, а можеби и подолго, тврди Кадена СЕР.

Се чинеше малку веројатно дека Де ла Фуенте ќе замине на друго место по неговиот успех со Шпанија на 63-годишна возраст, откако помина повеќе од една деценија тренер на различни репрезентации. Сепак, несомнено беше важно за шпанската федерација да го реши овој случај. Се верува дека неговиот нов договор е повеќе од двојно повеќе од она што го заработувал досега.

Бидете информирани следете не на Facebook

Тренерот на Реал Мадрид, Карло Анчелоти зборуваше по победата од 5-2 (2-2) во регуларното време) над Селта во Кралскиот Куп.

„Белиот балет“ имаше два гола предност, но на крајот прими израмнувачки гол. Потоа од трибините се слушнаа свирежи кон играчите на „кралскиот клуб“, а според Анчелоти токму тие му помогнале на неговиот тим да се крене.

„Свирежите од трибините беа како предупредување за нас. Разбирлив е односот на навивачите, особено по поразот од Барселона. Кога „Бернабеу“ почна да не исвиркува, не разбуди. Кога навивачите ни помагаат, тоа е нешто посебно“, изјави Карло Анчелоти.

Оле Гунар Солскјер е на пат да најде нов клуб. Норвежанецот е во напредни преговори со Бешикташ, пишуваат голем број медиуми во Турција.

Стручњакот го прифатил договорот што му бил понуден за година и пол. Се очекува тој во живо да го следи претстојниот домашен натпревар на „црните орли’ против Самсунспор, а потоа да го води тимот во Лигата на Европа против Атлетик Билбао.

Раководството на Бешикташ преговараше и со Нико Ковач и Роберто Манчини, но на крајот најблиску до договор е со Солскјер.

Норвежанецот на оваа позиција ќе го замени Сердар Топрактепе. Тој го водеше тимот на привремена основа по ослободувањето на Џовани ван Бронкхорст.

Солскјер последен пат беше на чело на Манчестер Јунајтед, но се раздели со „црвените ѓаволи“ на крајот на 2021 година. Потоа работеше како аналитичар на УЕФА.

Играчот од средниот ред на Реал Мадрид, Едуардо Камавинга има повреда на левото бедро, како што покажаа денешните медицински тестови, соопштија од неговиот клуб.

Францускиот репрезентативец повредата ја заработи при синоќешната победа над Селта во продолжението од 5-2 во Кралскиот Куп. Тој се појави како замена во 70. минута од натпреварот.

Ова е негова трета повреда сезонава, откако ги пропушти првите осум натпревари на неговиот тим во оваа кампања, а минатиот месец отсуствуваше уште четири меча. Според шпанските медиуми, Камавинга сега ќе биде надвор од терените околу 3 недели. Така, сигурно ќе ги пропушти натпреварите против Лас Палмас, РБ Салцбург, Ваљадолид, Брест и Еспањол, а се очекува да се врати за градското дерби со Атлетико Мадрид на 9 февруари.

Оваа сезона 22-годишниот играч од средниот ред одигра 16 натпревари со 1 гол и 2 асистенции во сите натпреварувања.