Македонија освои бод против фаворизираната Унгарија на отворањето на 29.Светско првенство. Во Д групата, во Вараждин, Македонија и Унгарија одиграа 27-27 (14-14).
Македонија може да жали, испушти побада против Унгарија. Фазекаш го постави конечниот резултата на 15 секунди до крајот.
Блескаа вечерва во нашата репрезентација капитенот Филип Кузмановски со 10 гола и ветеранот Митревски кој имаше 14 интервенции.
„Тежок и исцрпувачки натпревар, го дадовме максимумот. Малку фалеше да стигнеме до победа. Сега главата горе и одиме понатаму. Момците изгинаа. Ова е мотив за нас да одиграме уште еден ваков натпревар“, изјави Ненад Костески.
За два дена во второто коло, Македонија ќе игра против Холандија.
Арсенал го совлада Тотенхем и се доближи до Ливерпул
Фудбалерите на Арсенал брзо ја пребродија елиминацијата од Манчестер јунајтед од ФА купот, откако го совладаа Тотенхем со 2-1 во дербито на северен Лондон, во 21. коло од Премиер лигата. Со оваа победа Арсенал го скокна Нотингем Форест на второто место во поредокот. Со натпревар повеќе, Арсенал има четири бода помалку од лидерот Ливерпул.
И покрај тоа што играчите на Арсенал го контролираа поголемиот дел од натпреварот, Тотенхем поведе во 25. минута со голот на Сон. Тоа беше момент на инспирација за најдобриот јужнокорејски фудбалер кој билијантно погоди.
Арсенал се врати во живот во 40. минута кога Габриел ја погоди мрежата на Тотенхем а само четири минути подоцна, Леандро Тросар го режираше пресвртот.
Во вториот дел Арсенал имаше неколку шанси да го реши победникот, не ги искористија, па во 95.минута имаа среќа кога Педро Поро ја погоди стативата.
Лион испадна од Купот од петтолигаш
Фудбалерите на Лион се изрезилија во Купот на Франција, испаднаа од Бургоан Жалие, клуб кој се натпреварува во петтиот ранг на францускиот фудбал.
Во 1/16-финалето, Бургоан како домаќин по изведувањето на пенали го совлада Лион со вкупен резултат 6:-4. Во регуларните 90 минути резултатот беше 2-2.
Во 20. минута Лион го доби првиот удар, стрелец за домашните беше Мујецки. Лион успеа да направи пресврт. Во самиот финиш на првиот дел, во 45. минута израмни Матиќ, додека Лион поведе во 64. минута, кога Грузиецот Микаутадзе го постигна вториот гол.
Мујецки уште еднаш беше кобен за Лион во 69. минута кога израмни на 2-2 и на тој начин му обезбеди на својот тим изведување пенали.
Во пенал рулетот Лион, најдобрите играчи на клубот Лаказет и Толисо не успеаја да постигнат гол, додека кај домаќините четворица беа прецизни, единстврно промаши стрекецт на двата гола Мијецки.
Лазаров; Горд сум на моите играчи, да продолжиме со ова темпо
Македонската репрезентација ремизираше со Унгарија 27-27 (14-14) во првото коло од прелиминарната фаза на СП 2025 година.
Избраниците на Кирил Лазаров беа блиску до победа против апсолутните фаворити на овој дуел, влегувајќи во игра со посед на топка и предност од 27:26 во последните 35 секунди, но не можеа да се носат со пресингот на Унгарците. И горди и тажни на крајот на краиштата можат да бидат македонските љубители на ракометот, кои уште еднаш, како во 2009 и 2018 година, ги наполнија трибините на Арената во Вараждин.
Момците во жолти дресови одиграа одличен натпревар на отворањето на првенството. Предводени од експлозивниот Филип Кузмановски (10 голови), но и ентузијастичниот Никола Митревски (14 одбрани), македонскиот тим го направи она што никој не го очекуваше од нив.
„Жалиме што пропуштивме на крајот да победиме, но треба да бидеме задоволни од ваквиот резултат. Пресуди неискуството во последниот напад кога не успеавме да фаулираме. Унгарија е голема репрезентација која учествува на Олимписките игри, беше блиску до медал на ЕП и затоа сум горд на моите ракометари и без навивачите и целиот македонски народ немаше да го оствариме ова. Да не очекуваме ништо, само вака да продолжиме и мислам дека резултатот ќе си дојде“, рече Лазаров.
Следен ривал на Македонија е селекцијата на Холандија на 17 јануари од 18.00 часот.
Македонија пропушти победа и со реми против Унгарците го отвори Мундијалот
Во првото коло од групата Д во прелиминарната фаза на Светското првенство, македонската машка ракометна сениорска репрезентација во Вараждин одигра реми 27-27 против Унгарија. Избраниците на селекторот Кирил Лазаров имаа голема поддршка од навивачите на трибините. Пред стартот на мечот нашите најдобри ракометари беа свесни дека пред себе имаат противник кој е фаворит во групата и еден од кандидатите за медал на ова СП.
Пред нашиот следен напад Лазаров побара тајмаут на 36 секунди до крајот на мечот. Не успеавме во нашата акција, Унгарија во контра успеа да израмни и да дојде до бод. Најефикасен во нашата селекција беше Кузмановски со 10 голови, а голманот Митревски имаше 14 одбрани.
Серафимов: Можеби Унгарија е фаворит, но и ние имаше што да кажеме
После бројни тренинзи и пријателски мечеви, македонската ракометна репрезентација вечерва (20:30 часот) против Унгарија го отвара Светското првенство. Вараждин е градот кој ќе биде базата на „црвено-жолтите“. За голем дел од ракометарите Арената е непозната, за оние кои долго време го следат ракометот, тука Македонија во 2009 година почна да ја пишува својата ракометна историја заедно со фановите.
Од таа Македонија до оваа денеска се променија многу работи. Рекордерот на Светските првенства, Кирил Лазаров е селектор, а во составот има младите играчи кои ја имаат најтешката задача – да го носат „црвено-жолтиот“ дрес и да ги направат сите горди. Еден од нив е Мартин Серафимов.
„Унгарија е противник за кого не треба многу да се трошат зборови. Фаворит на хартија не само во нашата група, тука и фаворит за високи дострели. Иако задачата ќе биде тешка, сепак нашите момци се подготвени да „војуваат“.
Унгарија селекција која е фаворит во нашата група, не само против нас. Станува збор за репрезентација со одличен состав и добра традиција на големи натпреварувања. Иако е тешко да се најдат слаби точки, сепак не треба да заборавиме дека никој не е непобедлив. Тешко е да се победи една вакава репрезентација, но ние ќе ја чекаме нашата шанса, доколку истата се укаже ќе се обидеме да ја искористиме. Во спортот ништо не е невозможно. Долго време се подготвувавме за нив. Најважно е да ги спроведеме сите задачи на теренот, да одиграме борбено. Дали ќе биде тоа доволно за изненадување, ќе видиме“, изјави Мартин Серафимов.
Покрај Унгарија, во нашата група Д, се уште и селекциите на Холандија и Гвинеја, патот до главната рунда е да се освои најмалку тр
Барди го раскина договорот со Трабзонспор
Капитенот на фудбалската репрезентација на Македонија, Енис Барди го раскина договорот со Трабзон. Барди без обесштетување ќе го напушти клубот. Постои можност тој да се врати во Шпанија каде претходно успешно го носеше дресот на Леванте.
Тренерот на Трабзон, Шенол Гунеш, на почетокот на ноември го исфрли Барди и уште неколку триги играчи од тимот. Подоцна Барди доби дозвола да трениера со првиот тим, но беше јасно дека во зимскиот преоден рок ќе го напушти клубот.
Барди сезонава настапи на осум натпревари за Трабзонспорт, одигра вкупно 377 минути.
Репрезентативецот на Македонија има две недели да ги слушне понудите и да се реши каде ќе ја продолжи кариерата.
Наводно тој има три понуди да се врати во Шпанија. Најсериозен интерес покажува Еспањол и според медиумите клубот од Барселона води во трката за неговиот потпис.
Интерес за Барди покажале и клубовите од Мадрид, Леганес и Рајо Ваљекано. Интересно, во овој период минатата година, Барди се поврзуваше со Рајо Ваљекано.
Мареска: Ни недостига среќа во клучните моменти
Менаџерот на фудбалерите на Челзи, Енцо Мареска, вели дека неговиот состав заслужил да победи на мечот со Бурнмаут кој заврши нерешено 2-2. По средбата одиграна на стадионот – „Стемфорд Бриџ“, домашниот тренер направи кратка анализа.
„Мислам дека заслуживме многу повеќе особено во првото полувреме. Тоа е фудбалот. Се разбира, најважно е да создаваме шанси. Денес примивме гол од пенал, тоа треба да се поправи. Се надевам дека ќе имаме повеќе среќа во иднина”, потенцираше тренерот на „сините“.
Реал го сака Романецот Ратиу од Рајо Ваљекано
Реал Мадрид мора да направи реконструкција на позицијата десен бек. По повредата на Дани Карвахал, еден од хероите на минатосезонското финале во Лигата на шампионите во кое постигна гол против Борусија Дортмунд, единствена опција на оваа позиција е Лукас Васкез.
Главна цел на реал е бекот на Ливерпул Трент Александер-Арнолд, но овој трансфер евентуално може да биде реализиран во летниуот преоден рок.
Договорот на англиската ѕвезда истекува на крајот од сезоната, исто како и 33-годишниот Лукас Васкез, кој оваа сезона голема улога поради отсуството на Карвахал. Васкез не игра добро, често е најлош во одбраната на Реал и поради тоа клубот нема да му го продолжи договорот кој истекува на крајот од сезоната.
Ова значи дека и доколку пристигне Александар-Арнолд, на Реал ќе му треба резервна опција. Се уште не е познато кога Карвахал ќе се врати по тешката повреда на предните вкрстени лигаменти и во каква состојба ќе биде по рехабилитацијата.
„Sports Illustrated“, објави дека Реал Мадрид покажал интерес за десниот бек на градскиот ривал Рајо Ваљекано, Романецот Андреј Ратиу.
Дајч: Горд сум на постигнатото со Евертон
Шон Дајч за прв пат проговори откако доби отказ во Евертон. Соопштението во негово име го објави Здружението на менаџери од Премиер лигата, како што е вообичаено во Англија.
„Беше чест да се раководи со Евертон, клуб со голема традиција и огромна база на навивачи во Ливерпул и ширум светот, иако ова е еден од најтешките периоди во историјата на клубот.
И покрај сите предизвици со кои се соочивме, сакав да се уверам дека клубот оди во вистинска насока и дека во иднина тимот ќе може да се фокусира на натпреварите во Премиер лигата.
Би сакал да му се заблагодарам на мојот тренерски штаб и на сите што го завршија својот дел од работата бидејќи ништо не би било возможно без нивната поддршка и знаење. Сакам да им се заблагодарам и на навивачите кои секогаш беа тука кога ни беше најпотребна поддршка“, се вели во изјавата на Дајч.
„Дојде вистинското време да го напуштам клубот, тимот е во добра форма. Дејвид (Мојс, уред.) е менаџер кој заслужува голема почит и верувам дека тој и неговиот персонал ќе го туркаат клубот напред на стабилните темели што ги изградивме во изминатите две години.
На сите им посакувам многу среќа, вклучувајќи ги и сопствениците кои верувам дека ќе го однесат клубот на следното ниво и ќе го донесат успехот што сите во Евертон го посакуваат. Мојот дел во улогата на чувар на традицијата е завршен и засекогаш ќе бидам многу горд на тоа“.
Дејвид Мојс го наследи Дајч на клупата, а во англиските медиуми веќе се шпекулира дека Дајч би можел да го преземе Вест Бромвич Албион.
