Манчестер Јунајтед го одигра најдобриот месец од почетокот на сезоната, освојувајќи максимални 9 бода во октомври и според некои, влегувајќи во трката за врвот на Премиер Лигата. Црвените Ѓаволи покажаа ново лице: офанзивно, брзо и решително. Во 3 натпревари постигнаа 8 гола, примија само 3 и забележаа 1 натпревар без примен гол, што ги искачи на четвртото место на табелата.

Аморим постепено ја наметнува својата филозофија преку систем 3-4-2-1, кој целосно ги ослободи напаѓачките квалитети на играчите. Мбеумо блескаше со 2 гола против Брајтон, додека Куња и Касемиро исто така ги впишаа своите имиња меѓу стрелците. Тимот се одликува со висок пресинг и брзи транзиции, токму тие ја направија разликата во триумфот од 4:2 против Брајтон, иако Јунајтед имаше помал посед.

Со вакви резултати, Аморим стана сериозен кандидат за наградата „Менаџер на Месецот“ во Премиер Лигата, заслужено признание за трансформацијата што ја донесе во тимот. Под негово водство, Јунајтед повторно игра со самодоверба и карактер, нешто што долго време им недостасуваше.

Следниот предизвик е Нотингам Форест, а атмосферата на Олд Трафорд е повторно исполнета со оптимизам. Ако тимот го продолжи ова темпо, навивачите имаат полна причина повторно да сонуваат за трофеи.

Претставници на Јувентус веќе преговараат со Лучано Спалети за можноста поранешниот селектор на Италија да ги преземе „бјанконерите“. Претходно управата на великанот од Торино го отпушти Игор Тудор по осум натпревари во серија без победа. Привремено, Хрватот ќе биде заменет од Масимо Брамбила, кој досега го водеше Јувентус Некст Џен.

Според Џанлука Ди Марцио, прв избор на раководството на Јувентус за постојан тренер е Лучано Спалети. Варијанта „Б“ е Роберто Манчини, а следната можност е Рафаеле Паладино.

Се тврди дека Спалети бара договор од една и пол година, но може да се согласи и на спогодба до крајот на сезоната со опција за продолжување од дополнителна година.

Спалети, кој во 2023 година ја донесе Наполи до шампионската титула, беше ослободен од позицијата национален селектор на Италија во јуни.

Челзи размислува за сензационен трансфер на голманот на Барселона, Марк-Андре тер Штеген, тврди телевизијата Sky Sports, барајќи начини да го засили составот на таа позиција.

“Сините” од Лондон сакаат да додадат искуство и лидерство на голманската позиција и веруваат дека Тер Штеген може да биде решението за проблемите на тимот.

Германецот го загуби стартното место, а решението на Барселона да потроши 25 милиони евра на 24-годишниот Жоан Гарсија предизвика внатрешни неизвесности, бидејќи Тер Штеген го прифати трансферот како декларација дека неговата ера завршила.

Откако претпри операција на грбот претходно летово, германскиот голман го изненади клубот, објавувајќи информации за повредата на социјалните платформи без да го информира медицинскиот оддел на Барселона. Ова беше толкувано како недостаток на професионализам од раководството. Марк-Андре тер Штеген дури беше лишен за кратко од капитенската лента, но малку подоцна му беше вратена.

Освен Тер Штеген, шефовите на Челзи размислуваат и за евентуалното ангажирање на голманот на Милан, Мајк Мањан, но изборот може да зависи најмногу од конкретниот период, бидејќи позајмицата на Тер Штеген може да се оствари уште во јануари, а Мањан е планиран како ново пополнување на долг рок.

Портпаролката на Министерството за внатрешни работи, Ирина Волк, потврди дека полицијата привела осомничени за обид за напад врз фудбалер и киднапирање на еден бизнисмен.

Таа не прецизираше за кого точно се работи, но според извор на порталот РИА Новости, станува збор за Андреј Мостовој. Најверојатно, фудбалерот на Зенит бил нападнат од неколку лица. Тие се обиделе да го наведат во автомобил, но еден случаен минувач му притрчал на помош и го спасил од криминалците. Сѐ се случило во текот на ноќта на 23 октомври.

Два дена по ова, на истото место бил киднапиран еден бизнисмен. Тој бил присилен да влезе во автомобил и да им предаде голема сума на пари на криминалците, по што бил пуштен. Полицијата од Санкт Петербург објасни дека четворица мажи се приведени. Против нив се покренати казнени постапки за киднапирање, обид за киднапирање и грабеж.

Ќе го решиме проблемот со отпадот ако го гледаме како ресурс, а не како ѓубре! | Уште еден поткаст

„Во Санкт Петербург моите колеги од криминалистичката полиција притвориле осомничени за киднапирање на бизнисмен и обид за киднапирање на познат фудбалер“ напиша Волк на својот Телеграм канал,

По одличниот старт на сезоната во Премиер лигата, Ливерпул влезе во сериозна резултатска криза. Тимот на Арне Слот, кој на почетокот запиша пет победи, сега има четири последователни порази, а поради тоахоландскиот стратег веќе добива критики.

Навивачите на клубот од „Енфилд“ не сакаат да чекаат и наводно веќе бараат оставка од Слот, а англиските медиуми веќе шпекулираат со можни наследници на клупата на Ливерпул.

Како главен фаворит се споменува Оливер Гласнер на кого му оди одлично во Кристал палас. Во игра е и Андони Ираола, кој импресионира со резултатите на Борнмут, додека како трета опција се наведува легендарниот Зинедин Зидан, иако се смета дека тој сè уште ја чека понудата да ја преземе француската репрезентација.

Скромниот клуб Мјалби, кој минатиот понеделник стана шампион на Шведска за прв пат во својата историја, постави рекорд, станувајќи тимот што освои најмногу бодови во историјата на шведското фудбалско првенство.

Мјалби во неделата го победи Норчепинг со 2-1 и со тоа ја забележа 21 победа во 28 коло во шведското првенство. На две кола до крајот на сезоната, Мјалби има 69 бодови, надминувајќи го рекордот од 67 бодови на Малме во 2010 година, а теоретски со победи над Ворнамо и Хакен до крајот може да дојде и до бројката од 75 бодови.

Мјалби е основан во 1939 година. Клубот е со седиште во истоименото гратче со население од околу 1.400 жители, но ги игра своите натпревари на стадионот „Страндвален“ во соседното населено место Хелевик со капацитет од 6.000 гледачи.

Црвена Звезда ја информираше јавноста дека словенечкиот репрезентативец Тими Макс Елшник го продолжи договорот со клубот до 2028 година.

Дефанзивецот веднаш по потпишувањето на новиот договор ги сподели своите први импресии.

„Пресреќен сум што ќе бидам дел од Црвена звезда и во наредниот период, се надевам дека ме очекува уште многу победи и титули. Благодарен сум на луѓето во клубот кои ми укажаа доверба и ми понудија нов договор. Во Звезда се чувствувам како дома, моето семејство е среќно, се надевам дека така ќе биде и во иднина“, изјави Тими Макс Елшник.

Елшник пристигна на Маракана во летниот преоден рок во 2024 година. Од тогаш има одиграно 69 натпревари и постигнато осум голови. Со Црвена Звезда веќе успеа да ги освои шампионската титула и Купот на Србија. Сега следи нов предизвик, а клубот верува дека Елшник ќе продолжи да биде важен дел од тимот во напорите да се испишат нови успеси.

Еден ден по Ел Класико стигнаа лоши вести за Реал Мадрид, а особено за капитенот Дани Карвахал. По направените детални прегледи е утврдено присуство на парче коска во зглобот на неговото десно колено, што наложува оперативен зафат.

Шпанските медиуми пренесуваат дека опоравувањето ќе трае меѓу два и три месеци, што значи дека Карвахал нема да настапи до крајот на календарската година. Дополнителен проблем за Чаби Алонсо претставува фактот што искусниот десен бек штотуку се врати по паузата од пет натпревари поради повреда на мускулот и неговиот настап против Барселона беше прв по еден месец.

Сега улогата на десната страна од одбраната ќе треба да ја преземе Трент Александер Арнолд, кој и самиот се уште ја бара својата најдобра форма по периодот надвор од терените.