Реал Мадрид има проблеми во нападот поради повредата на
Винисиус и е во потрага по нов напаѓач.
Винисиус ќе отсуствува од терените подолго од еден месец, па Реал
ќе мора да интервенира на трансфер пазарот. Шпанските медиуми
пренесуваат дека „кралевите“ ќе се обидат да го доведат Марсијал, кој
е на излезна врата од Манчестер Јунајтед.
Тен Хаг повеќе не смета на него и е спремен да го пушти, а Реал сака
да ја искористи таквата ситуација и да го доведе на позајмица.

Во последните неколку дена се активираше и приказната за
заминување во Турција и да премине во редовите на големиот
Галатасарај, но се чини дека на крајот изборот падна на Саудиска
Арабија!
Се чини дека Рамос не остана имун на повикот на арапските милиони.
Му понудија годишна плата од 15 милиони евра, а на Блискиот Исток
ќе игра со поранешниот соиграч и голем пријател Карим Бензема.
Бензема уште во јуни потпиша за Ал Итихад, актуелниот шампион на
Саудиска Арабија, а потоа дојдоа Н’Голо Канте, Јота од Селтик и
поранешниот играч од средниот ред на Ливерпул, Фабињо.
Скај Спортс тврди дека веќе има договор помеѓу Рамос и Ал Итихад.

Тренерот на Интер, Симоне Инзаги ја пофали играта и победата на
клубот над Каљари од 0-2 во Серија А.
„Момците одиграа многу добро од првата минута, покажувајќи голем
ентузијазам против новајлијата во лигата. Моравме со сета
сериозност да му пристапиме на натпреварот и успеавме. Сменивме
десет играчи во однос на минатата сезона, но јас и мојот персонал сме
сосема задоволни. Тимот се уште е организиран, а тоа е исклучително
важно за тренерот. Многу се променивме, ова е неспорно, но
останавме тим кој знае како да оди напред“, изјави Инзаги.
Да потсетиме дека „нероаѕурите“ поведоа веќе во 21. минута – погоди
Дензел Дамфрис. Девет минути подоцна гол постигна напаѓачот на
гостите Лаутаро Мартинез, а му асистираше Федерико Димарко.
Натпреварот заврши со овој резултат – 0-2 во корист на Интер.

Барселона не беше премногу активна во овој летен преоден рок во кој како слободни фудбалери ги ангажираше Илкај Гундоган и Ињиго Мартинез, a за мала сума на пари беше доведен и икусниот Ориол Ромеу како замена за Серхио Бускетс.

Шпанскиот шампион постојано го поврзуваат со многу имиња, ама повеќе од јасно е дека финансиската состојба е далеку од идеална и затоа е мирно на „Камп Ноу“.

Меѓутоа претседателот на клубот, Жоан Лапорта најави офанзива во последната недела од преодниот рок, поточно порача дека Чави Ернандес може да добие две засилувања во наредниве денови.

„Ќе имаме простор со финансискиот фер плеј да потпишеме повеќе од еден играч. Треба да го прашате Деко, тој работи на новите засилување“, заклучи првиот човек на шпанскиот великан.

Едно од засилувањата сигурно ќе биде Жоао Кансело од Манчестер Сити, а за второто име (ако го има) останува да видиме кое ќе биде.

Крилниот напаѓач на Реал Мадрид, Винисиус Жуниор поради повредата заработена на последниот меч со екипата на Селта, ќе мора да паузира околу еден месец.

Бразилецот заработи повреда на задниот дел од десниот бут на мечот со Селта во петокот и пред време мораше да ја заврши средбата. Според весникот „АС“, повредата се покажала посериозна отколку што првично се мислеше.

Винисиус најверојатно имал руптура на мускулот, поради што го чека опоравување и до шест недели.

Македонскиот интернационалец, Бојан Миовски повторно игра одлично за екипата на Абердин, а тоа може да му донесе трансфер во завршницата на овој летен преоден рок.

Имено за него има сериозен интерес од Саутемптон, тим кој до „вчера“ играше во Премиер лигата и има амбиции експресно да се врати во најсилната англиска фудбалска конкуренција.

Менаџерот Расел Мартин многу го почитува и цени нашиот репрезентативец, па лесно може да се случи напаѓачот да заврши во таборот на „светците“.

Меѓутоа за да се случи тоа прво ќе треба Че Адамс да си замине, играч за кого има сериозен интерес од Евертон. Абердин сака четири милиони фунти за Бојан, па останува да се види дали може да се реализира една ваква зделка.

Езџан Алиоски кој летово се врати во Ал Ахли од Фенербахче по три натпревари во саудискиот клуб повеќе не е дел од него.

Алиоски и Ал Ахли ја прекинале соработката и македонскиот репрезентативец сега ќе бара нов клуб. Заминувањето на Алиоски е сосема неочекувано затоа што во првите три натпревари Алиоски беше стандарден и играше 90 минути, запиша и една асистенција.

Но, причината е доаѓањето на младиот Габри Виега и ограничениот број на странци во тимот. Саудиската лигa дозволува осум странски фудбалери, а со доаѓањето на Виега, Алиоски е означен како вишок.

Ал Ахли е еден од саудските клубови кој доведе познати имиња летово од Европа во овој клуб настапуваат: Фирмино, Ријад Марез, Франк Кеси, Роџер Ибањез, Едуард Менди.