Клубовите од Саудиска Арабија не престануваат со богати трансфери, а сега на радар е ѕвездата на Атлетико Мадрид, Родриго де Пол.

Имено, Ал Ахли покажува силен интерес за Аргентинецот и веќе започнал преговори со неговиот агент. Де Пол беше светски шампион со Аргентина, но не е среќен во Атлетико и е спремен да ја промени средината.

Клубот од Саудиска Арабија му дставил понуда која не се одбива, а наскоро ќе испрати понуда од 35 милиони евра до Атлетико Мадрид.

Рома постигна договор да го ангажира Дуван Запата од Аталанта, објави „Калчомеркато“. Жозе Мурињо цело лето бара напаѓач по повредата на Тами Абрахам.

Екипата на Рома беше поврзувана со голем број играчи, вклучувајќи ги Џанлука Скамака и Марко Арнаутовиќ, но на крајот тие најверојатно ќе се потпрат на Дуван Запата.

32-годишниот колумбиски интернационалец ќе потпише 3-годишен договор со Рома и ќе добива 2,7 милиони евра по сезона. Римјаните за него ќе платат 6 милиони евра, со бонуси за 3,5 милиони во договорот.

Милан ова лето беше еден од најактивните клубови на трансфер пазарот и доведе седум нови засилувања.

Меѓутоа, „росонерите“ не завршиле со летната селекција и до крајот на преодниот рок сакаат да доведат напаѓач кој ќе биде алтернатива за Жиру.

Милан веќе започнал преговори со напаѓачот на Баер Леверкузен, Сердан Азмун, но сакаат прво да се ослободат од Ориги пред да го комплетираат трансферот.

Интерес за Азмун покажува и Зенит, но тој преферира преселба на „Сан Сиро“ и веќе имал договор со Милан.

Напаѓачот на Рен, Џереми Доку наскоро ќе му се приклучи на Манчестер Сити.

Според последните информации, трансферната сума на 21-годишниот напаѓач ќе биде 60 милиони евра и тој неделава ќе биде подложен на лекарски преглед.

Доку оваа сезона веќе заигра за Рен во француската Лига 1 и успеа д апостигне еден гол. Манчестер Сити подолго време го има на радарот, па во финишот на преодниот рок се реши да оди со сериозна понуда за него.

Maнчестер Јунајтед летово работи на решавање на ситуацијата со голманската позиција.

По 12 години клубот го напушти Давид Де Геа, а на негово место Тен Хаг го доведе Андре Онана. 27-годишниот чувар на мрежата беше платен околу 60 милиони евра, но изгледа дека „црвените ѓаволи“ ќе доведат и негова резерва.

Дин Хиндерсон е на мета на Нотингем Форест и Кристал Палас, клубови каде што би бил прв избор. Според Фабрицио Романо, Јунајтед како негова замена би можел да се засили со Одисеас Влаходимос.

Станува збор за 29-годишен Грк кој пет години е член на Бенфика. Со португалскиот клуб Влаходимос освои две титули и секогаш беше први збор. „Трансфермаркт“ го проценува на 16 милиони евра, а договорот му има важност уште тр игодини што значи дека Португалците да го пуштат за ниска сума.

Динамо Загреб каде што настапува македонскиот репрезентативец, Стефан Ристовски денес остана без тренер откако отказ доби Игор Бишчан.

Отказот за Бишчан доаѓа по елиминацијата на Динамо во третото квалификациско коло во двомечот со грчки АЕК.

Засега не е познато кој ќе го наследи на клупата, а Динамо најави дека во наредниот период ќе ја информира јавноста за промените.

Бобан Николов и понатаму е без клуб и во потрага по нов ангажман, а според најавите од турските медиуми наскоро би можел да го пронајде.

Николов е слободен по раскинувањето на договорот со ФЦСБ од Јапонија. Турските медиуми најавуваат дека македонскиот фудблер може да го засили Генчлербирлиги.

Станува збор клуб кој се натпреварува во Втората турска лига, па треба да се види каков ќе биде одговорот на Николов и дали ќе почека подобра понуда.

Покрај ФЦСБ, Николов во кариерата играше уште за Шериф, Лече МОЛ Фехервар, Вардар и Виторул.

Легендарниот голман Џанлуиџи Буфон не мисли дека бил најдобриот голман во историјата на фудбалот.

45-годишниот Италијанец летово ја заврши професионалната кариера во Парма, која траеше од 2005 година.

„Им благодарам на луѓето кои мислат дека сум најдобриот голман на сите времиња, но не сум. Така мислат затоа што јас издржав долго време. Сепак, за мене најдобриот голман на сите времиња доаѓа од Шпанија и се вика Икер Касиљас. Играше за најголемиот клуб во Европа и освои се и во клубот и во репрезентацијата“, изјави Буфон.

Италијанецот израсна во Парма, од каде во 2001 година се пресели во Јувентус, со кого, меѓу другото, десет пати беше шампион на Италија. Во дресот на клубот од Торино помина 17 години, а во 2019 година потпиша за ПСЖ.

Иднината на Ромелу Лукаку се уште е нејасна, а сега во трката за неговиот потпис се вклучи Тотенхем.

Интер дефинитивно се откажа од него откако Лукаку почна преговори со Јувентус. Меѓутоа, „бјанконерите“ не можат да го донесат доколку не го продадат Впаховиќ.

Белгиецот се уште е член на Челзи, но не е дел од тимот и сигурно ќе си замиме, па Тотенхем сака да ја искористи таквата ситуација.

„Спарси“ се во потрага по напаѓач, кој ќе го наследи Хари Кејн и веруваат дека Лукаку би бил идеално решение.

Челзи за слободата на Лукаку бара 40 милиони евра, сума која Тотенхем нема да има проблем да ја плати.

Јувентус е силно заинтересиран за играчот на Баерн Минхен, Рајан Гравенберх, пренесува „Калчомеркато“.

21-годишниот холандски талент блесна во дресот на Ајакс и направи трансфер во Баерн, каде не добива голема минутажа и е спремен да ја промени средината.

Самиот играч јавно го изрази незадоволствот од малата минутажа и сака да направи трансфер ова лето, а Баерн за неговара слобода бара 30 милиони евра.

Алегри верува дека тој е алката која недостасува за напад на Скудетото, но „старата дама“ ќе мора да ја победи конкуренцијата бидејќи за него интерес покажуваат уште Ливерпул и Манчестер Јунајтед.

Јувентус веќе стапил во контакт со неговиот агент и му нудат централна улога во тимот и голема минутажа.