Tимот на Вест Хем го комплетираше трансферот на Џејмс Ворд-Праус од Саутемптон вреден 30 милиони евра.

По вкупно 20 години и 12 години во сениорскиот тим, Ворд-Праус се одлучи за нов предизвик и го избра минатогодишниот освојувач на Кoнференциската лига.

Договорот кој го потпиша 28-годишниот англиски репрезентативец е со важност до 2027 година.

Луѓето од Наполи успеаja да доведат големо засилување од Шпанија.

Нов играч на италијанскиот шампион ќе биде младиот, Габри Вега, кој ќе го напушти шпанскиот состав Селта Виго и ќе се пресели во Неапол. Целиот трансфер на фудбалерот од средниот ред ќе биде во висина од 42 милиони евра со вклучени бонуси.

Медиумите наведуваат дека Селта ќе добие и 10% од наредниот трансфер на 21-годишниот фудбалер.

Еквадорскиот фудбалер Мозес Каиседо е нов играч на Челзи. Досегашниот клуб на 21 годишниот фудбалер, Брајтон, од овај трансфер ќе добие 116 милиони евра што претставува најголем трансфер во историјата на британскиот фудбал.

Договорот помеѓу Челзи и репрезентативецот на Еквадор е потпишан на осум години, со опција за продолжување на плус уште една.

Англиските медиуми пренесуваат дека Ливерпул е заинтересиран за доведување на Орелијен Чуамени од Реал Мадрид.

Според информациите, Ливерпул брзa да го засили тимот на позицијата централен дефанзивец, после неуспешниот обид за трансфер на Каиседо од Брајтон, кој одлучи кариерата да ја продолжи во Челзи.

Од Реал стигна информација клубот не е заинтересиран за продажба на Чуамени, меѓутоа челниците на „кралскиот клуб“ би можеле да го променат мислењето доколку Ливерпул излезе со понуда од 100 милиони евра.

Францускиот репрезентативец во Реал пристигна минатата година од Монако во трансфер вреден 80 милиони евра.

Италија на помалку од еден месец до натпреварот со Македонија остана без селектор откако Роберто Манчини изненадувачки поднесе оставка. Федерацијата вчера официјално го потврди заминувањето на Манчини.

Манчини на кормилото на италијанската репрезентација седна во мај 2018 година и најголемиот успех го направи со освојувањето на Европското првенство.

Во италијанските медиуми веќе се споменуваат имињата на кандидатите за нов селектор.

Во потесниот круг наводно се Антонио Конте и Лучијано Спалети кој е без ангажман откако на Наполи му го донесе скудетото минатата сезона по пауза од 33 години. Конте од друга страна веќе беше селектор на Италија од 2014 до 2016 година.

Покрај Конте и Спалети кои важат за фаворити „Скај Спорт“ ги споменува имињата на Фабио Канаваро, Џенаро Гатузo и Даниеле Де Роси.

Фенербахче денес објави голамо засилување – Бразилецот Фред од Манчестер Јунајтед.

Бразилскиот репрезентативец беше промовиран во нов фудбалер на гигантот од Истанбул, а „црвените ѓаволи“ од овој трансфер ќе заработат 10 милиони евра.

Фред е третото големо засилување за Фенербахче по Един Џеко и Душан Тадиќ.

Јувентус е блиску до ангажман од мароканскиот фудбалер од редовите на Фиорентина, Софијан Амрабат.

Амрабат вниманието на себе посебно го сврте со настапот на Светското првенство минатата година, беше блиску до Барселона во јануарскиот преоден рок, но тој трансфер пропадна. Подоцна како да се „олади“ интересот за него, па се уште е во Фиорентина, а се поврзуваше и со Ливерпул, Атлетико Мадрид, Манчестер Јунајтед…

Сега, Јувентус сака да го доведе и во него гледа одлично засилување во средниот ред каде што „старата дама“ мора да се засили до крајот на преодниот рок.

Илија Несторовски е во потрага по нов клуб, а како што стојат работите ќе остане во Италија.

Неколку клуба од Серија Б покажаа интерес за македонскиот напаѓач кој тренира индивидуално со цел да остане во форма за новиот ангажман. Најнови клубови на листата кои покажале интерес се Тернана и Парма.

Претходно со потписот на Нестор се поврзуваа Венеција и Палермо каде што во минатото настапуваше со голем успех. Исто така се споменуваше и Сампдорија.

Во последната сезона за Удинезе, Несторовски најголем дел помина на клупата за резерви, а повеќе шанса добиваше во финишот кога клубот го обезбеди опстанокот. Токму тие натпревари биле еден вид тест за Несторовски за новата сезона по кои Удинезе одлучи да не го задржи.

Капитенот на македонската фудбалска репрезентација, Стефан 

Ристовски, синоќа ја изненади јавноста со објава на социјалните мрежи со која најави привремено повлекување од нашата фудбалска репрезентација. Во објавата тој вели дека се повлекува поради нарушен однос со селекторот Благоја Милевски, но и поради одредени работи кои не функционираат во репрезентацијата.

Десниот бек на Динамо Загреб во својата подолга објава на социјалните мрежи не дава детални објаснувања за својата одлука, но нагласува дека ја донел истата поради фактот што функционирањето на националниот тим оди во погрешен правец.

Оваа одлука на капитенот секако е голем удар за македонскиот национален тим, а доаѓа во пресрет на продолжението на квалификацискиот циклус за ЕП 2024.

Голманот на Челзи, Кепа Аризабалага е нов член на Реал Мадрид.

Шпанскиот голман во Реал пристигна на позајмица до јуни 2024.година и ќе биде замена за Тибо Куртоа кој заработи сериозна повреда на коленото, поради која ќе отсуствува подолг период.

28-годишниот Аризабалага после позајмицата и крајот на сезоната ќе мора да се врати во тимот од Лондон, бидејќи неговиот договор не вклучува опција за купување.

Кепа е член на Челзи од 2018 година, а претходно го бранеше голот на Атлетик Билбао.