НБА ѕвездата и член на Лос Анџелес Лејкерс, Леброн Џејмс, може да го напушти тимот по сезоната 2025/26.
Според инсајдерот во најсилната светска кошаркарска лига Марк Штајн, иницијативата за раскинување на договорот со 40-годишниот Американец ќе дојде од клубот.
Во сезоната 2024/25, Џејмс одигра 70 натпревари во НБА, со просек од 24,4 поени, 8,2 асистенции и 7,8 скока по натпревар. Леброн Џејмс игра за Лејкерси од 2018 година.
Чаби Алонсо закажал состанок со пет играчи за 4 август. Според тврдењата на шпанските медиуми, ќе им каже дека повеќе нема место за нив во клубот. Станува збор за Родриго, Ферланд Менди, Давид Алаба, Дани Себаљос и Ендрик.
Како што пишува „АС“, Реал е отворен за продажба на Родриго, Менди и Алаба, додека сè уште постои одредена неизвесност околу Себаљос и Ендрик. Одлуката треба да биде онесена по состанокот со Алонсо.
Најголем „проблем“ во соблекувалната наводно е Давид Алаба, кој не сака да го раскине договорот, а заработува дури 22,5 милиони евра годишно. Според извештаите, тој е еден од оние на кои Алонсо дефинитивно не смета.
Најблиску до заминување е Бразилецот Родриго. Многу европски гиганти се заинтересирани за него, а најконкретен е Арсенал.
Ова лето, Реал Мадрид се впушти во сериозна реконструкција на тимот. Одбраната беше значително зајакната со доаѓањето на Дин Хујсен, Алваро Карерас и Трент Александар-Арнолд. Пристигна и младиот напаѓач Франко Мастантуоно, додека Лука Модриќ, Лукас Васкез и стоперот Хесус Ваљехо го напуштија клубот.
Во второто коло, селекцијата на Македонија до 18 години имаше подобро издание од вчерашниот дебакл против Литванија,што сепак беше доволно само за позитивен резултат во мечот против врсниците од Грција.
Машката јуниорска селекција на Македонија со 55-83 го загуби и вториот натпревар на Европското првенство од Дивизијата „А“ кое се игра во главнито град на Србија, Белград.
Многу подобра игра прикажа нашата селекција „Под 18“ години во дуелот со Грција. Сепак, по релативно изедначениот почеток, јужните соседи направија видлива предност. И на истекот на првата четвртина, имаа водство од (27-13).
Не се променија многу работите на теренот ниту во вториот период, оној во кој противникот изгради уште поубедлива, двојно поголема предност (46-23).
Дел од играта во која Јаничиќ и Данев имааа по седум реализации во нашиот состав.
Третата четвртина беше и најдобрата за нашата селекција, ја реализиравме во наша корист, макар и со минимални (21-20), но покажавме дека можеме да бидеме и далеку поконкурентни во битките со поквалитетните репрезентации во елитната „А“ дивизија.
Данев се промовираше во прв стрелец во нашата репрезентација. Реализираше 17 поени, имаше и пет скока и две успешни додавања во три одиграни четвртини во кои Грција ја задржа високата предност (66-44).
По девет поени имаа Сребров и Ѓорѓевиќ (плус осум скока), додека Јаничиќ застана на бројката од седум реализации (плус шест скока и исто толку додавања) колку што имаше и Најков.
По две одиграни кола во групата Ц, Македонија има два порази, Грција е на половиченн ефект, (1-1). Нешто подоцна, од 18:30 часот, ќе играат репрезентациите на Србија и Литванија.
Во третото коло од групната фаза, утре навечер од 18:30 часот, Македонија игра против селекцијата на Србија.
Словенецот Тадеј Погачар е победник на 112-то издание на најпрестижната велосипедска трка во светот, Тур Д’Франс. Словенецот четврти пат во кариера победи на трката околу Франција.
Победник на последната етапа од овогодинешната Тур Д’Франс е Ваут ван Ерт, кој го престигна Погачар на третата раскрсница од последната етапа и беше првиот што помина низ Триумфалната капија во Париз.
Второто место му припадна на Италијанецот Давиде Балерини, додека Словенецот Матеј Мохориќ ја заврши етапата на третото место.
Победникот, Тадеј Погачар, го освои четвртото место во последната етапа. Претходно Погачар победи на тур Д4Франс во 2020, 2021 и 2024 година.
Поради исклучително лошите временски услови, организаторите мораа да ја скратат и последната етапа, но исходот од последната етапа не можеше да влијае на конечниот исход.
Погачар стана втор возач со четири победи на Тур Д ‘Франс, заедно со Крис Фрум. Жак Анкетил, Еди Меркс, Бернард Хино и Мигел Индуреин победиле пет пати.
Нов член на скопскиот клуб Бутел Скопје е Петар Николоски, 16-годишен ракометар кој потекнува од Охрид. Станува збор за кадетски репрезентативец, а со Бутел парафира договор за нередните три сезони.
Момчето веќе е во Скопје, потпиша и ќе му се стави на располагање на тренерот Горан Кузманоски.
Претходно бутелци се засилија со Давид Гришикашвили и Благојче Трајкоски, додека договорите ги продолжија Димитар Ѓоргиевски и тренеот Кузманоски.
Овој тим ќе настапи во првото коло на Европскиот куп на ЕХФ, а таму за ривал ќе го има Дуделанж од Луксембург.
Австрискиот дефанзивец Давид Алаба како слободен играч, пристигна во летото 2021 година од Баерн за да го замени Серхио Рамос и веднаш се претвори во клучен човек во системот на Карло Анчелоти кој ги освои и Ла Лига и Лигата на шампионите.
Реал сака да се ослободи од него, но како што пишува „Ас“, Алаба не сака да си замине.
Иако пред него во хиерархијата има четири стопери (Хујсен, Милитао, Ридигер и Асенсио) и иако Чаби Алонсо редовно го користи на тренинзите Жоан Мартинез од младинскиот тим, Алаба сака да остане..
Освен што верува дека сè уште може да се врати во форма, тој има и трет најголем договор во тимот, 22,5 милиони евра бруто. Бидејќи влезе во последната година од договорот тој нема намера да се откаже од тие пари.
Тренерот на фудбалерите на Галатасарај, Окан Бурук, ги негираше шпекулациите дека турскиот гигант влегол во преговори со голманот на Реал Мадрид, Андреј Лунин.
„Не сме воделе никакви преговори со Лунин. Постојат многу алтернативи, можеби ќе има уште“ , рече Окан Бурук.
Познато е дека чуварот на мрежата на „кралевите“ не сака да седи на клупата по враќањето на првиот голман, Тибо Куртоа.
Членот на Мекларен, Оскар Пјастри е победник на денешната трка во Формула 1 која беше возена за Големата награда на Белгија. Истата беше пролонгирана за еден час бидејќи дождот влијаеше на условите на патеката Спа-Франкошамп.
За возачот од Австралија тоа беше 6-та победа во сезонава или осма во кариерата во Белгија. Ландо Норис од Мекларен беше втор додека третото место на подиумот го пополни возачот на Ферари, Шарл Леклер. Во топ 10 уште влегоа и Верстапен, Расел, Албон, Хамилтон, Лавсон, Ботолето и Гасли.
Наредната трка во Ф1 ќе биде реализирана во Унгарија на 3 август. Пјастри засега е лидер кај возачите пред Норис и Верстапен. Кај конструкторите води Мекларен пред Ферари и Мерцедес.
Премиерлигашот Евертон има намера да го донесе во своите редови фудбалерот од средниот ред на Лион, Малик Фофана, објавува „Л’Екип“. Според францускиот медиум, англискиот тим понудил 35 милиони евра за 20-годишниот Белгиец. Оваа сума не им одговарала на Французите, тие бараат 40 милиони евра.
Баерн Минхен е исто така заинтересиран за играчот.
Фофана постигна 11 голови и шест асистенции на 41 натпревар за Лион во сезоната 2024/25 во сите натпреварувања. Неговиот договор е до 30 јуни 2028 година.
Трансфермаркт ја проценува фудбалската вредност на играчот на 30 милиони евра.
Еден од најдобрите играчи на Нотингем Форест минатата сезона, Морган Гибс-Вајт, нема да оди во Тотенхем, откако реши да го продолжи договорот со „шумарите“.
Тотенхем ја активираше клаузулата, практично се договори за сè со играчот. Дури беа закажани и лекарски прегледи, но… Гибс-Вајт не се појави таму, туку реши да го продолжи договорот со Форестерс до 2028 година.
