Еден ден откако официјално ја одби понудата од Партизан, Никола Миротиќ се поврзува со најтрофејниот грчки клуб Панатинаикос кој и порано беше заинтересиран за него.
Според грчките медиуми, ПАО му нуди на шпанскиот интернационалец договор од четири милиони евра по сезона што е малку пониска плата од онаа што ја заработуваше во Барселона и со која повторно ќе биде еден од најплатените европски кошаркари. Панатинаикос, заедно со Црвена Звезда, ова лето е најактивен клуб на трансфер пазарот и веќе донесе девет нови кошаркари во своите редови.
Ако Миротиќ ја прифати понудата, заедно со Слукас, Вилдоса, Лесор, Гај, Грант, Адетокунбо и останатите ќе го направи атинскиот тим можеби најголем фаворит за шампионската титула во Евролигата.
Исмаила Сар од Вотфорд се сели во Олимпик Марсеј
Исмаила Сар ќе се приклучи на францускиот Олимпик Марсеј. Веќе е постигнат целосен договор меѓу клубовите за зделката. Сенегалскиот фудбалер веднаш ја прифатил понудата од францускиот клуб штом се појавила, односно биле договорени и личните услови на договорот. Играчот ќе биде потпишан на договор до крајот на јуни 2028 година. Марсеј го чека конечното зелено светло од Ватфорд за да ги направи лекарските прегледи, кој се планира да биде во следните денови.
Исмаила Сар минатата сезона во Чемпионшип имаше 39 настапи за Вотфорд, постигнувајќи 10 гола и 7 асистенции. Цената на сенегалскиот фудбалер според Трансфермаркт е 20 милиони евра.
Алегри: Целта на Јуве е да се врати во Лигата на шампионите
Тренерот на Јувентус, Масимилијано Алегри деновиве во неколку изави зборуваше за целите на „старата дама“ во новата сезона.
„Треба да се стремиме да се вратиме во Лигата на шампионите – тоа е нашата цел. Играњето во Европа е многу важно за нас и за приходите на клубот. Имаме многу млади играчи кои се покажаа добро минатата сезона, но можеме да очекуваме тие да направат уште еден чекор. Сега треба да останеме фокусирани на најдобар почеток во Серија А“, вели Алегри.
Минатата сезона, Јуве заврши на седмото место на табелата во Серија А.
Данецот Хојберг пред потпис со Атлетико Мадрид
Играчот од средниот ред на Тотенхем, Пјер-Емил Хојбјерг најверојатно кариерата ќе ја продолжи во Шпанија.
Атлетико Мадрид е сериозно заинтересиран за 27-годишниот Данец, а според некои информации преговорите меѓу двата клуба се во напредна фаза.
Засега е непознато колкава сума понуди Атлетико за да го добие Хојбјерг, но извесно е дека и Данецот изразил желба за преселба на „Ванда Метрополитано“.
Александар Јончевски останува тренер на Кожув
По неколкунеделна неизвесност, селекторот на македонската репрезентација Александар Јончевски постигна согласност со раководството на Кожув за продолжување на соработката и во новата сезона.
Таа ќе биде вкупно петта за 42-годишниот стручњак во гевгелискиот клуб каде работеше од декември 2018 до 2011 и во вториот дел од претходната натпреварувачка кампања. Во Кожув се врати на полусезона и ја препороди екипата која од кандидат за испаѓање, обезбеди пласман во завршницата од Купот на Македонија и учествуваше во плејофот од домашното првенство. Малку недостасуваше и таму да направи сензација затоа што во првиот меч од четвртфиналето против МЗТ Скопје во Аеродром долго време имаше предност за да потклекне во финишот пред далеку поискусниот тим.
Продолжувањето на соработката со Јончевски е прв чекор на Кожув во пресрет на новата сезона, а во следниот период се очекува да почне и формирањето на тимот.
Дембеле одбил астрономска понуда од Ал Наср
Осман Дембеле беше на излезни врати од Барселона пред една година и само чудо го задржа на „Камп Ноу“, но откако фудаблски се рехабилитираше и успеа да наиде на поддршка меѓу фановите на каталонскиот гигант, Французинот сега не гледа причина зошто да си оди и во ситуација кога добива нестварни понуди.
Клубовите од Саудиска Арабија сериозно затропаа на вратите на големи европски ѕвезди и успеаја да привлечат добар дел, но еден од нив не е Дембеле кој одбил мега понуда од Ал Наср.
Клубот за кој настапува Кристијано Роналдо го ангажираше Марсело Брозовиќ, веќе е во напредни преговори со Садио Мане, меѓутоа добил категорично „НЕ“ од крилниот напаѓач.
„Футмеркато“ открива дека Дембеле одбил цело богатство за да остане верен на Барселона, или поточно ја одбил понудата која тежела вкупно 200 милиони евра за четири сезони.
Исто така, Ал Наср бил подготвен да ја плати откупната клаузула вредна 50 милиони евра, но до тоа нема да дојде откако работата уште на старт ја пресекол самиот фудбалер.
Кемба Вокер потпиша за Монако
Без апсолутно никаква најава во европските медиуми, Монако денеска ги љубителите на кошарката со договорот со довчерашниот играч на Далас Маверикс, Кемба Вокер. Искусниот плејмејкер доаѓа во Европа на 33-годишна возраст, по 12 години поминати во НБА лигата од кои осум во Шарлот, две во Бостон и по една во Њујорк и Далас. Во својата кариера има четири настапи на НБА Ол стар натпреварите, сите од 2017 до 2020 година.
Со Вокер во своите редови, Монако направи екипа која има квалитет да се бори дури и за титулата во Евролигата со оглед на тоа што минатата сезона учествуваше на Ф4 во Каунас и на крајот го освои третото место. Пред неколку дена во редовите на францускиот шампион дојде и Петр Корнели од Реал, а на бековската линија, Вокер ќе ги дели минутите со Мајкл Џејмс, Ели Окобо, Метју Стразел и Џордан Лојд. И покрај бурното лето кога се однесува за евролигашките клубови, трансферот на Вокер сигурно е една од „бомбите“ пред почетокот на новата сезона во елитното натпреварување.
Два калчолигаши го сакаат Лапорт од Сити
Јувентус и Интер се силно заинтересирани за дефанзивецот на Манчестер Сити, Емерик Лапорт, пренесува „Скај Италија“.
Шпанскиот репрезентативец го загуби местото во стартниот тим кај Гвардиола, не е задоволен од својот статус и сака да ја промени средината. „Граѓаните“ за неговиот потпис платиија 65 милиони евра, но се спремни да го пуштат ова лето за 20 милиони евра.
Јувентус сака да ја засили одбраната и да донесе наследник на Бонучи, а новиот спортски директор на врвот на листата желби го стави Лапорт.
Интер исто така бара замена за Скриниар и внимателно ја следи ситуацијата со Лапорт.
Алжирецот Гедбан потпиша за Еурофарм Пелистер
Голманот Калифа Гедбан, кој беше дел од екипата на Вардар при освојувањето на втората шампионска титула во Лигата на шампионите 2019 година , следната сезона ќе ги брани боите на Еурофарм Пелистер. Алжирскиот голман Гедбан повторно ќе настапува во Лигата на шампионите, но овој пат во дресот на битолскиот тим.
Еурофарм Пелистер преку официјално соопштение го промовира Гедбан. Голманот веднаш ќе му се приклучи на тимот во Маврово, откако во наредните денови ќе пристигне во Македонија.
„Ни претставува задоволство што во нашиот тим во иднина ќе настапува уште еден европски шамшион. Алжирскиот репрезентативец и долгогодишен учесник во Лигата на шампионите, Калифа Гедбан е нов голман на Еурофарм Пелистер! 26-годишниот голман на алжирската репрезентација доаѓа како слободен ракометар, а последната сезона ја помина во првакот на Романија и учесник во Лигата на шампионите, Динамо Букурешт. Гедбан потпиша договор на една сезона, со опција за уште една. Калифа ќе им се приклучи на Урбан Лесјак и Марко Кизиќ на голманската позиција во нашиот клуб.Гедбан е висок 200 сантиметри, а тежок 110 килограми и веќе пет сезони е дел од европскиот ракомет. Две сезони мина во Вардар 1961 и стана шампион на Европа. По добрите настапи во Македонија се пресели во култниот шпански клуб Адемар Леон, а неговите добри настапи му донесоа трансфер во Динамо Букурешт. Во последните две сезони со успех го носеше дресот на романскиот гигант. Калифа Гедбан деновиве доаѓа во Македонија и веднаш ќе му се приклучи на екипата на подготовките во Маврово. Неговото официјално претставување е предвидено на почетокот од месец август. Алжирскиот голман е шесто засилување на Еурофарм Пелистер оваа сезона по Цехте, Борзаш, Нилсен, Петровиќ и Ѓорговски“, стои во соопштението на клубот.
Гедбан е шесто ново име во таборот на „зелено-белите“. Претходно Еурофарм Пелистер ги доведе Цехте, Борзаш, Нилсен, Петровиќ и Ѓорговски. Во новата сезона пелистерци се враќаат во Лигата на шампионите откако станаа прваци на Македонија. Во елитното натпреварување битолчани се во групата А со екипите на ПСЖ, Киелце, Кил, Алборг, ПИК Сегед, ППД Загреб и Колштад.
Алекс Телес му се придружи на Роналдо во Ал Наср
Бразилскиот дефанзивец Алекс Телес се пресели од Манчестер Јунајтед во Саудискиот Ал Наср. Ова го објави официјалниот сајт на англискиот клуб.
„30-годишниот дефанзивец се приклучи на тимот од Саудиска лига по 50 настапи за првиот тим на „црвените“.
Сезоната 2022/2023 ја помина на позајмица во Севиља, освојувајќи ја титулата во Лига Европа, а сега му се придружува на поранешниот соиграч на „црвените“, Кристијано Роналдо во Саудиска Арабија.
Би сакале да му се заблагодариме на Алекс за неговиот придонес во клубот во изминатите три години и да му посакаме се најдобро во иднина“ се вели во информацијата објавена од Манчестер Јунајтед.
