feature

Ѓоковиќ пресилен за Лехечка, ќе игра против Алкараз во четвртфиналето

Новак Ѓоковиќ се пласираше во четвртфиналето на Австралија опен. Таму противник ќе му биде Шпанецот Карлос Алкараз.

Ѓоковиќ во три сета, по два часа и 40 минути игра, го совчада Јиржи Лехечка со 6-3, 6-4, 7-6 (4).

Неговиот пласман во четвртфиналето значи дека по 15-ти пат ќе игра меѓу осумте најдобри, што е рекорд. Ова беше втор дуел на српскиот и чешкиот тенис по оној на Јунајтед купот и втор триумф за Ѓоковиќ.

На крајот Ѓоковиќ не даде интервју на теренот. Го зеде микрофонот од Џим Куриер и рече: „Ви благодарам што сте тука, што уживате во овој спорт. Ви благодарам многу“.

Десеткратниот шампион е лут на константните провокации од поединци од почетокот на турнирот.

Српскиот тенисер во четвртфиналето на првиот сезонски Грен слем турнир ќе игра против Шпанецот Карлос Алкараз. Британецот Џејк Дрејпер му го предаде мечот при резултат 7-5, 6-1.

Ѓоковиќ и Алкараз одиграа седум меѓусебни дуели, а српскиот тенисер води со 4:3 во победи. Последен пат се сретнаа во финалето на Олимписките игри во Париз, Ѓоковиќ победи со 7-6, 7-6.

Флорентино Перез ќе добие нов мандат во Реал Мадрид

Кандидатурата на Флорентино Перез за нов мандат на функцијата претседател на Реал Мадрид е одобрена од надлежната комисија.

Доколку не се појават други кандидати до крајот на денот, Флорентино ќе победи без избори.

Крајниот рок за пријавување за претседател на клубот е до вечер 23:59 часот. Доколку не се појават други кандидати до крајот на денот, Перез ќе победи без избори – а следната недела во вторник официјално ќе биде прогласен за претседател на Реал Мадрид до 2029 година.

Перез е претседател на Реал Мадрид од 2009 година, кога беше единствениот кандидат. Тој исто така немаше противници во 2013, 2017 и 2021 година.

ИХФ парично ја казни Македонската ракометна федерација

Светската Ракометна Федерација ИХФ објави соопштение во врска со синоќешниот дуел меѓу Македонија и Холандија, изрекувајќи санкции поради инцидентите што се случија на трибините на овој натпревар.

Ракометната Федерација на Македонија е казнета парично со 10.000 швајцарски франци за овој инцидент на навивачите од нашата земја, со напомена дека следни вакви случки ќе значат и забрана за присуство на навивачи во арената во Вараждин.

Парична казна е изречена и до Хрватската Федерација за слабата организација на натпреварот. Покрај паричната санкција за организаторите, ИХФ донесе и одлука за забрана на дел од трибините, и тоа делот што се наоѓа веднаш зад клупите на двете селекции.

Покрај тоа, светската куќа на ракометот сугерира овој дел од трибините да остане затворен за сите натпревари до крајот од ова СП што ќе се играат во салата во Вараждин.

ИХФ преку соопштението се заканува и со целосно затворање на оваа арена доколку биде повторен инцидент сличен на оној на синоќешниот дуел меѓу Македонија и Холандија.

Деле Али ќе добие перманентен договор во Комо

Англискиот фудбалер Деле Али ќе се обиде да ја оживее кариерата во италијанскиот тим Комо.

Новинарот Фабрицио Романо објави дека Али успешно ја поминал пробата во Комо и ставил потпис на договор со калчолигашот, каде што ќе игра под водство на Сеск Фабрегас.

Англичанецот претходно играше за Милтон кинс, Тотнем, Евертон и Бешикташ, а во Комо доаѓа како слободен фудбалер.

Додека играше за Тотнем, Али важеше за добар фудбалер и му предвидуваа голема кариера, но потоа следеше неочекуван пад.

Џонов: Против Гвинеја мора да сме спремни на сите опции

Македонскиот ракометен репрезентативец Иван Џонов говореше за африканскиот противник кој е енигма за нас и против кого играме првпат.

„За натпреварот со Гвинеја мора да бидеме максимално подготвени, затоа што се посебен вид на репрезентација, немаме играно со таква селекција. Играат поинаков ракомет, треба да не ги потцениме и да бидеме максимално борбени како во претходните две средби за да дојдеме до посакуваната победа. Гвинејците може да бидат непредвидливи во некои потези и ситуации на теренот. Мора да внимаваме и да бидеме сконцентрирани. Атмосферата во која играме не мотивира, се надевам дека сите ќе продолжат да не поддржуваат во истиот стил“, изјави Џонов.

Зенит го врати ветеранот Швед во руската Премиер лига

Рускиот кошаркар Алексеј Швед се враќа во европската кошарка по авантурата во кинескиот клуб Шанши Лунгс откако Зенит го потврди потписот на 36-годишникот на договор кој важи до крајот на сезоната 2024/2025.

Кошаркарот својата професионална кариера ја започна во 2006 година и во текот на истата постигна бројни успеси. Тој е освојувач на Евролигата, два пати најдобар стрелец во тоа натпреварување, МВП на Еврокупот и бронзен олимписки медалист со руската репрезентација.

Алкараз прв четвртфиналист на Австралија опен

Шпанскиот тенисер Карлос Алкараз, се пласираше во четвртфиналето на АО, откако неговиот ривал Џек Дрејпер му го предаде мечот кога беше 2-0 во сетови за Шпанецот.

Алкараз „тесно“ го доби првиот сет со 7-5, но во вториот беше фуриозен и го доби со 6-1, по што Дрејпер не можеше да го следи ритамот, и му го предаде мечот. Алкараз во 1/4 финалето го чека победникот од Ѓоковиќ – Лехечка.

Во 1/4 финалето се пласираше и Тому Пол, кој со 3-0 (во сетови 6-1, 6-1, 6-1), го совлада Давидович-Фокина од Шпанија. Пол го чека победникот од Умберт – Зверев.

Арсенал испушти двојна предност во дербито со Астон Вила

Арсенал и Астон Вила ремизираа 2-2 во Лондон во возбудливото дерби од 22. коло на англиската Премиер лига.

Менаџерот на Астон Вила, Унаи Емери, повторно беше кобен за својот поранешен клуб, откако минатата сезона буквално ги остави без титула, тогаш со неговиот тим победи во Лондон. Од тој натпревар Манчестер сити го презеде првото место и ја задржа предноста.

Сега тој повторно ги оддалечи „топчиите“ од трофејот што го чекаат од 2004 година, бидејќи Арсенал е на второто место со шест бода помалку и натпревар повеќе од Ливерпул.

Ниту водството од 2:0 во 55. минута, кое го обезбедија Мартинели во 35. и Хаверц во 55.минута, вечерва не му беше доволно на Арсенал.

Тимот на Микел Артета го шокираа Тилеманс во 60. и Воткинс во 68.минута.

По ова реми, Вила е седма на табелата со 36 бодови, но е на само два бода помалку од позицијата која води во Лигата на шампионите.

ИХФ парична ја казни РФМ по мечот со Холандија

Светската ракометна федерација (ИХФ) ја казни Ракометната федерација на Македонија, но и Ракоментниот сојуз на Хрватска за случувањата по завршувањето на натпреварот Македонија-Холандија, во Вараждин.

Натпреварот заврши со победа на Холандија 37-32. Македонските навивачи, незадовлни од судењето на данската двојка Хансен-Мадсен, во финишот на натпреварот фрлаа предмети на теренот, а откако натпреварот заврши продолжија поради што Холанѓаните веднаш се повлекоа во соблекувалната.

ИХФ соопшти дека Ракометната федерација на Македонија е казнета со 10.000 швајцарски франци за инцидентот кој го иницираа македонските навивачи. Со 10 швајцарски франци е казнет и Ракометниот сојуз на Хрватска како организатор на натпреварот.

Во соопштението ИХФ потенцира дека дека секој сличен инцидент ќе значи бркање на македонските навивачи од натпреварите, а Хрватска како домаќин ќе остане без организација на натпревари во Вараждин.

ИХФ му налоѓи на организаторот , да го затвори просторот за гледачи зад тимските клупи.

Конте го освои Бергамо, Наполи се зацврсти на врвот

Фудбалерите на Наполи остварија голема победа во натпреварот од 21. коло на Серија А против Аталанта со 2-3.

Ова беше дуел меѓу првиот и третиот тим во Серија А, а по оваа победа Наполи има седум бода повеќе од тимот од Бергамо.

Избраниците на Антонио Конте ја забележаа шестата победа во низа и сега се на врвот на табелата, а главениот ривал Интер со два натпревари заостанува шест бода зад Наполитанците.

Спектаклот на стадионот во Бергамо го отвори Матео Ретеги со својот гол во 16. минута од натпреварот. Наполи имаше одговор на предноста на Аталанта. Во 27. минута Матео Политано го израмни резултатот.

Целосен пресврт Наполи направи во финишот на првиот дел Скот Мектоминај го совчада Карнесеки.

Драмата продолжи и во второто полувреме. Изедначи најдобриот играч на Аталанта, Адемола Лукман.

Голема шанса потоа имаше Лазар Самарџиќ се најде сам пред Мерет, но голманот на Наполи успеа да одбрани.

Наполи до нова предност, која ја задржа до крајот дојде во 78. минута, кога погоди Лукаку по центаршутот на Ангиса.

«< 533 534 535 536 537 >»