Фудбалерот од средниот ред на Јувентус, Денис Закарија, може да се пресели во  Вест Хем за околу 18 милиони евра иако клубот од Торино бара најмалку 25 милиони за 26-годишниот швајцарски репрезентативец.

Доколку „старата дама“ го реализира трансферот, тогаш парите ќе ги пренасочи за купување на играчот од средниот ред на Лацио, Сергеј Милинковиќ-Савиќ.

Закарија во изминатата сезона беше на позајмица во Челзи. Тој даде еден гол на 11 натпревари.

Репрезентативецот на Македонија, Стефан Спировски по епизодата во Пјуник од Ерменија повторно ќе игра на Кипар.

Спировски е нов фудбалер на Етникос Ахна каде што настапува и поранешниот наш репрезентативец, Мартин Богатинов.

На Кипар, Спировски играше во сезоната 2021/2022, тогаш беше дел од АЕК Ларнака. Во кариерата претходно настапуваше за Пелистер, Работнички, Вардар, Ференцварош, МТК, Хапоел Тел Авив и Мариупол.

Откако Интер денес ја објави веста за новиот договор на дефанзивецот Алесандро Бастони, нешто подоцна клубот објави и обновување на договорот со играчот од средниот ред Хакан Чалханолу, кој повторно потпиша договор со финалистот од Лигата на шампионите до летото 2027 година.

Се верува дека турскиот интернационалец ќе добие зголемување на платата која сега ќе биде 6 милиони евра по сезона или еден милион повеќе од досега.

29-годишниот играч од средниот ред пристигна во Интер во летото 2021 година кога се приклучи со слободен трансфер откако му истече договорот со градскиот ривал Милан. Чалханолу веднаш се наметна како стартер во тимот на Симоне Инзаги, со 95 настапи за „нероаѕурите“ досега со 12 гола и 21 асистенција. Во првите две сезони во клубот, тој освои два Купа на Италија и два домашни Суперкупа.

Рис Нелсон ќе продолжи да игра за екипата на Арсенал. 23-годишниот фудбалер од средниот ред потпиша нов четиригодишен договор со лондончани со опција за продолжување на уште една сезона.

На 30 јуни, Англичанецот стана слободен агент, но, ги одби понудите од Серија А, Лига 1 и Премиер.

Тој во 18 натпревари минатата сезона во сите конкуренции постигна три гола и даде три асистенции. 

По потврдениот трансфер на Роберто Фирмино, саудискиот клуб Ал Ахли сака да доведе уште еден фудбалер од шампионската генерација на Ливерпул. Садио Мане е следната трансфер цел на Ал-Ахли.

Клубот од Саудиска Арабија бара да го купи сенегалскиот крилен напаѓач по трансферот на неговиот поранешен соиграч од Ливерпул. Потпишувањето на Мане е една од приоритетните цели на саудискиот клуб ова лето.

Интерес за фудбалерот на Баерн покажуваат и Ал-Итифак и Ал-Наср.

Eвропската фудбалска Унија (УЕФА) денес ја одби жалбата на УЕФА што значи дека шпанскиот тим дефинитивно нема да игра во Европа во новата сезона.

Осасуна беше казнета со исфрлување од Европа затоа што лица од клубот беа вмешани во местење натпревари во период од 2012-та до 2014-та година.

Клубот од Памплона најави дека на одлуката ќе се жали пред Судот за спортска арбитража во Лозана.

Во изминатата сезона, Осасуна заврши на седмото место и така требаше да настапува во квалификациите за Конференциската лига. Место Осасуна, сега таму ќе игра осмопласираниот Атлетик Билбао.

Тренерот на Баерн, Томас Тухел требал лично да го посети капитенот на англиската репрезентација Хари Кејн за да го убеди да се пресели во Баварија.

Баерн Минхен не се откажува од Кејн, па сега во трката по неговиот потпис се вклучува и екс-менаџерот на Челзи. Кристијан Фалк, кој многу внимателно го следи Баерн Минхен, на својот Твитер пишува дека Томас Тухел го посетил домот на Хари Кејн за да го убеди на преселба во Германија.

Тотенхем бара 100 милиони фунти за Хари Кејн, кои Баерн Минхен во основа не сака да ги плати. Наместо тоа, прагот на сумата за трансфер која можат да ја понудат Германците е 86 милиони фунти.

Челзи и Манчестер Јунајтед се силно заинтересирани за холандскиот репрезентативец и играч на Интер, Дензел Думфрис.

Холаѓанецот минатата сезона се етаблираше во еден од најдобрите десни бекови, па го привлече вниманието на многу европски гигати. Интер има финансиски проблеми, па доколку пристигне понуда од 50 милиони евра е спремен да го продаде ова лето.

Манчестер Јунајтед и Челзи се спремни да ја платат таа сума и веќе ја започнаа битката за неговиот потпис.

Тен Хаг лично разговарал со својот сонародник и го убедува да се пресели на „Олд Трафорд“.

Челзи се вклучи во трката за потписот на францускиот репрезентативец и ѕвезда на Ајнтрахт, Коло Муани.

Коло Муани игра фантастична сезона во Бундеслигата, а се покажа во одлично светло и на Мундијалот, па го привлече вниманието на многу европски гиганти.

Челзи е во потрага по напаѓач, а поради потешкотиите да дојдат до Виктор Осимен, сега ќе се насочат кон Колу Муани, а покетино верува дека Французинот ќе биде идеален за неговиот тим.

Ајнтрахт сигурно нема лесно да се откаже од Французинот и за неговата слобода бара 100 милиони евра.

После продажбата на неколкуте фудбалери Челзи сега е спремен да тргне во шопинг и нема проблем да ја плати таа сума.

Мауро Икарди имаше одлична сезона во Галатасарај, а по истекот на позајмицата тој ова лето се врати во ПСЖ.

Јасно е дека за него нема повеќе место во Париз и веќе ја започна потрагата по нов клуб, а Ал Шабаб веќе почна преговори за да го убеди Икарди на преселба во Саудиска Арабија.

Ал Шабаб му нуди двегодишен договор тежок неверојатни 80 милиони евра за да го убеди да се пресели во Саудиска Арабија, но има еден важен услов кој нема да и се допадне на неговата сопруга Ванда Нара.

Во понудата има еден услов – заедно со Икарди да не доаѓа и неговата сопруга Ванда Нара. Саудијците вообичаено им нудат максимална комоција на семејствата на фудбалските суперѕвезди, но тоа не е случај и со Ванда, која е позната по животните навики со кои не би се вклопила во животот на жените во оваа држава.