feature

Синер и Алкараз ќе се борат за титулата во Синсинати

Италијанскиот тенисер Јаник Синер и Шпанецот Карлос Алкараз ќе се борат за трофејот на турнирот во Синсинати, САД.

Во полуфиналните натпревари, Синер синоќа го победи Французинот Теренс Атман (7-6 (7-4), 6-2), а Алкараз ноќеска беше поуспешен од Германецот Александар Зверев (6-4, 6-3).

Тенисерите ќе се сретнат во финале на АТП турнирите по четврти пат.

Финалето на турнирот во Синсинати ќе се одржи утревечер со почеток во 21 часот по македонско време.

Алексовски велемајсторски до шампионскиот пехар

Огромен успех постигна младиот македонски тенисер Марко Алексовски на тунрирот во Барселона (за играчи до 14 години) освојувајќи го шампионскиот пехар. Тој на патот до пехарот во последните три меча ги победи тројца од првите четири носители и сосема заслужно го освои пехарот.

Во денешното финале на турнирот во Барселона „Антонио Хернандез Куп“ (категорија 1) до победата стигна откако ривалот го предаде мечот. Вториот носител Стефан Шангичев од Шпанија го доби првиот сет во тај брејк со 7-6 (8-6 на поени) во кој решаваа нијанси, а притоа Алексовски не искористи три сет топки (две во сетот и третата во тај брејкот). Но, тоа не беше причина македонскиот тенисер да продолжи со добрата игра. Напротив во вториот сет Марко заигра уште подобро и поведе со 3-0 во гемови кога противникот го го предаде мечот.

Алексовски во финалето го победи вториот носител, во полуфиналето беше поуспешен од четвртиот носител, а во четвртфиналето го елиминираше и првиот носител

Марко Алексовски е дел од тимот на ITF-Tennis Europe кој е финансиран од Grand Slam Development Fund претходната недела играше полуфинале на турнирот во Белгија, а следната недела го очекува уште ден настап на турнир во Аликанте, Шпанија.

Ѓорческа го загуби финалето во Куршумлјиска Бања

Македонската тенисерка Лина Ѓорческа го загуби финалето на турнирот W 75 Куршумлијска Бања, Србија што се игра за награден фонд од 60.000 долари. Поуспешн ао неа беше домашната тенисерка Теодора Костовиќ со 2-0 во сетови (7-5, 6-3) за два часа игра. Ова за Ѓорческа беше второ финале во две недела во Куршумлијска Бања, а трето на истата локација оваа година (има една победа и два пораза) во финалните мечеви.

Ѓорческа за пласманот во финалето ќе освои 49 поени и ќе забележи значителен скок на ВТА листата од околу 70 места.

За Ѓорческа по двете финалиња, следува пауза и следниот настап ќе го има во Битом во ПОлска селедниот понеделник (25.август).

Гасперини: Ако си замине Коне, тоа ќе биде голема загуба за нас

Тренерот на Рома, Џанпјеро Гасперини даде свој коментар за можниот трансфер на играчот од средниот ред Ману Коне во Интер.

„Ќе видиме што ќе се случи во следните петнаесет дена. Коне е играч од врвно ниво. Неговото заминување би било голема загуба за нас. Треба да видиме што можеме да направиме. Сите знаете дека финансискиот фер-плеј е проблем за нас. Не сме активни на пазарот повеќе од дваесет дена. И не сум задоволен од тоа.

Ќе видиме дали можеме да постигнеме нешто без да изгубиме играчи. Јасно ставив до знаење што треба да се направи. И клубот беше многу отворен со мене. Се надеваме дека можеме да го постигнеме она што го сакаме“, рече 67-годишниот италијански тренер на прес-конференција.

24-одишниот француски играч од средниот ред Ману Коне игра за Рома од август 2024 година. Во сезоната 2024/25, тој постигна два гола и направи три асистенции во 46 натпревари во сите натпреварувања. Неговиот договор е до 30 јуни 2029 година.

Трансфермаркт ја проценува трансферната вредност на играчот на 40 милиони евра.

Гвардиола: Не сум најзадоволен со така голем ростер на фудбалери

Тренерот на Манчестер сити, Хозеп Пеп Гвардиола, изјави дека во моментов има премногу играчи во тимот.

„Ми се допаѓа кога силен тим игра во сите натпреварувања, но не сакам да ги оставам играчите дома. Тоа е штетно. Невозможно е да се создаде добра атмосфера. Секој треба да чувствува дека може да игра и да помогне. Клубот знае за ова уште од минатата сезона, не е вест, но ситуацијата е таква каква што е. Во следните две недели ќе разговараме со фудбалерите и нивните агенти за да најдеме решение“, рече 54-годишниот шпански специјалист на прес-конференција.

Во првиот натпревар од сезоната 2025/26 во Премиер лигата, Манчестер сити вчеравечер го победи Вулверхемптон на гостински терен со 0-4.

Екитике: Темпото во Премиер лигата е пеколно

Новото засилување на Ливерпул, Уго Екитике призна дека бил изненаден од темпото и физичките барања на Премиер лигата по еден од неговите први натпревари на Островот.

„Интензитетот е различен. Тие не лажат за Премиер лигата. Добив грчеви во 60-тата минута“, изјавил напаѓачот.

Французинот имаше одлично деби во Премиер лигата за клубот од Мерсисајд, постигнувајќи еден гол и асистирајќи за друг во натпреварот од првото коло против Борнмут.

Охрид првпат го освои Струшкиот ракометен турнир

Екипата на Охрид за првпат во својата клупска историја го освои традиционалниот струшки турнир, откако во битката за трофејот беше поуспешна од македонскиот ривал Бутел Скопје, победувајќи го со 30-24 (14-11).

На тој начин новиот тренер на охриѓани, Борис Ројевиќ со трофеј ја започна својата мисија покрај езерото, која продолжува со турнирот на домашен терен за неколку дена.

Дарко Ѓукиќ со девет гола беше најдобар стрелец во победничкиот тим, а шест погодоци даде најкористниот играч на турнирот Анте Иванковиќ. Давид Јаневски со седум гола беше најдобар во тимот на Бутел Скопје. Се истакнаа и двајцата голмани Блажески и Трајкоски.

Третото место го освои екипата на Тиквеш, која што во драматичен натпревар по изведувањето на пеналите беше поуспешна од турска Бурса.

Луис Енрике: Целта на ПСЖ се две титули во ЛШ по ред

Тренерот на ПСЖ, Луис Енрике, зборуваше за целите на тимот за сезоната 2025/26.

„Да продолжиме да создаваме историја. Ова е целта што ја следам од првиот ден кога пристигнав тука. Во моментов, го правиме тоа, но многу е тешко да се освои Лигата на шампионите двапати по ред. Но, ова е нашата цел. Многу сме амбициозни. Знаеме дека ќе биде тешко, но за таков менталитет, ова е нормално. Сè ќе зависи од нас, од нашето ниво“, изјави Енрике за „RMC Sport“.

Во сезоната 2024/25, парискиот клуб, предводен од шпанскиот специјалист, ја освои Лигата на шампионите, стана шампион на Франција, а исто така го освои и Купот и Суперкупот на земјата.

На 13 август, ПСЖ го победи Тотенхем во натпреварот од Суперкупот на УЕФА (2-2, на пенали 4-3).

Швед одлучи да го напушти Зенит

36-годишниот Алексеј Швед, го одработи договорот со рускиот кошаркарски состав Зенит по што ќе го напушти клубот од Санкт Петербург.

Швед потпиша договор за време на регуларната сезона 2024/25 и му помогна на тимот да дојде до првото место по втор пат во историјата.

Бекот одигра 33 натпревари за Зенит, постигнувајќи просек од 9 поени, 2,2 скока и 5,1 асистенции.

Бепе Марота купи акции на Интер

Интер соопшти дека претседателот на клубот, Џузепе Бепе Марота стана и дел од сопственичката структура купувајќи акции.

Марота купил 2% од акциите на Интер. Во соопштението се вели дека неговата инвестиција ја покажува комплетната приврзаност и верба во клубот на долг рок.

Тој во клубот е веќе седум години, а од минатата година ја доби претседателската функција.

«< 540 541 542 543 544 >»