Македонскиот фудбалер Агон Елези од наредната сезона нема да биде дел од Бохум, потврди клубот од Германија.

Германскиот клуб преку социјалните мрежи објави дека Елези не успеал да се наметне во првиот тим и двете страни постигнале договор за раскин на соработката.

Елези вториот дел од сезоната го помина Горица во Хрватска, но и овој клуб не се одлучи да го откупи неговиот договор.

Од неговото доаѓање во Бохум, Елези одигра само еден натпревар за првиот тим и тоа во Купот на Германија и уште седум за вториот тим.

Франција и Англија се последните патници во четвртфиналето на Европското фудбалско првенство во женска конкуренција, кое се одржува во Швајцарија. Во завршното коло од групата Г, Франција синоќа ја совлада Холандија со 5-2, со пресврт во второто полувреме, откако Холанѓанките имаа предност пи воведните 45 минути од 2-1.

Во вториот натпревар, актуелниот европски шампион Англија го победи Велс со 6-1.

Франција го освои првото место во групата со девет бодови, пред Англија со шест бодови. Холандија остана на три бодови, а Велшанките претрпеа три порази.

Четвртфинални парови се Норвешка – Италија, Шведска – Англија, Шпанија – Швајцарија и Франција – Германија.

Лондонски Челзи стана првиот тим во фудбалската историја што ги освои сите големи клупски трофеи.

„Сините“ ја имаат освоено,англиската Премиер лига, англискиот куп и Лига купот, а ги освоија и Лигата на шампионите, Лигата Европа и Конференциската лига. Светското клупско првенство беше последниот турнир што го освои Челзи.

Натпреварот помеѓу Челзи и ПСЖ се одигра синоќа на стадионот „МетЛајф“ во Ист Радерфорд (САД). Тимот од Лондон го победи ПСЖ со 3:0 и стана првиот тим кој успеал да го направи овој подвиг, да ги освои сите трофеи на домашна и меѓународна клупска сцена.

Бекот Алваро Карерас ќе се приклучи на Реал Мадрид од лисабонската Бенфика. Ова го објави новинарот и инсајдер Фабрицио Романо на социјалната мрежа X.

Според изворот, трансферот е целосно формализиран. Денес, мадридскиот клуб ќе даде официјално соопштение за трансферот.

Карерас одигра 52 натпревари во сите натпреварувања минатата сезона, постигнувајќи четири гола и задавајќи пет асистенции. Според „Трансфермаркт“, неговата проценета вредност е 35 милиони евра.

Претходно беше објавено дека износот на трансферот би можел да биде околу 50 милиони евра и дека ќе биде исплатен во неколку фази.

Милан никако не успева да се договори со Стразбур за потписот на Гела Дуе. Според „Л’Екип“, „росонерите“ испратиле втора понуда за 22-годишниот десен бек од Брегот на Слоновата Коска во вредност од само 3 милиони евра повеќе од претходно. Наводно, Милан е подготвен да плати 18 милиони евра за Гела, но Стразбур сака да добие значително повеќе.

Според Calciomercato.com, Французите го процениле фудбалерот на 28 милиони евра.

Гела е постар брат на крилниот напаѓач на ПСЖ, Дезире Дуе.

Рома тргнува во обид да го ангажира напаѓачот на Брајтон, Еван Фергусон.

Според Џанлука Ди Марцио, 20-годишниот Ирец се согласил да се пресели во римскиот клуб, и покрај интересот од други тимови.

Сепак, Брајтон се надева дека ќе добие 45 милиони евра за Еван, додека Рома се обидува дека ќе ја намали цената.

Фергусон постигна 1 гол во 13 натпревари од Премиер лигата за Брајтон во сезоната 2024/25.

Искусниот, 34. годишен холандски голман, Марко Бизо кој што досега беше дел од тимот на Брест, од денес ќе биде нов член на екипата на Астон Вила.

Клубот од Бирмингем се одлучи за искусниот чувар на мрежата кој што веќе ги започна подговотките со Брест, летово, па менаџментот одлучи да испрати приватен авион за да го доведе директно во Англија.

Визо првично е планиран како замена за Емилијано Мартинез, но аргнетинецот изрази желба да напушти, па холанѓанецот многу веројатно и ќе биде број еден следната сезона.

За Брест настапил на 148 меча и примил 213 гола.