Барселона веќе и се откажала од Марсело Брозовиќ кој беше и пред трансфер во Саудиска Арабија.

Претходно на таа позиција Каталонците се поврзуваа со Џошуа Кимих од Барселона и Мартин Зубаменди од Реал Сосиедад, а бидејќи ниту едниот, ниту другиот не беа достапни поради статусот во своите клубови, Барса пронајде нова мета. Според последните информации, Барселона е одлучна во намерата да го доведе Ориол Ромеу од Жирона.

„Спорт“ и „Мундо Депортиво“ пренесуваат дека овој 32-годишник за Барселона е „утешна награда“ откако пропаднаа трансферите на споменатите тројца.

За Ромеу трансферот во Барселона би бил враќање во клубот каде што го помина детството. Во редовите на „Ла Масија“ тој дојде како 13-годишник, а си замина седум години подоцна кога потпиша за Челзи. Пеп Гвардиола во 2013 година му овозможи и да дебитира за првиот тим.

Арсенал има одлична сезона во која се до финишот на сезоната му парираше на шампионот Манчестер Сити, но избраниците на Артета како да загубија здив во завршницата.

Веќе Арсенал го доведе Каи Хаверц, а наскоро се очекува да биде завршен трансферот и на Даклан Рајс. Меѓутоа сега според информациите на „Фудбал Инсајдер“, „топџиите“ подготовуваат вистинска „бомба“.

Наводно Артета ќе се обиде да ги расипе плановите на Флорентино Перез и во Лондон сака да го доведе, ниту помалку, ниту повеќе – Килијан Мбапе!

Реал Мадрид веќе неколку преодни рока наназад важи за прв фаворит за потписот на Мбапе и голем дел од јавноста е убеден дека Мбапе ќе заигра за гигантот од Мадрид. Арсенал сега ќе се обиде изненадувачки да влезе во трката, претходно се шпекулираше и за Ливерпул.

Приоритет на Манчестер Јунајтед во летниот преоде рок ќе биде нов напаѓач, а сега е позната најголемата желба на Тен Хаг.

„Црвените ѓаволи“ се откажаа од Хари Кејн поради високата цена, па сега најголема желбае е Расмус Хојлунд од Аталанта. 19-годишниот Данец одигра одлично во првата сезона во Серија А, па се етаблираше во еден од најголемите таленти во Европа.

Тен Хаг веќе имал неколку разговори со Хојлунд и го убедува да се пресели на „Олд Трафорд“, а клубот спрема понуда од 30 милион фунти.

Аталанта е спремна да го пушти, но за неговата слобода бара 45 милиони евра, па се очекува двата клуба да го интензивираат преговорите во наредните денови.

Патрик Клајверт ќе биде тренер на македонскиот дефанзивец во Адана Демирспор, Јован Манев.

Досега Клајверт беше селектор на репрезентацијата на Курсао, а работеше и во стручниот штаб на Холандија кога оваа репрезентација ја предводеше Луј Ван Гал од 2012 до 2014 година.

Во кариерата Клајверт оствари големи успеси во дресот на Ајакс, Милан и Барселона. На местото тренер на Клајверт го наследува Винченцо Монтела кој си замина.

Сеск Фабрегас одлучи на 36 години да објави крај на кариерата. Тој последната сезона ја одигра во италијанскиот Комо а сега ќе остане таму како тренер на вториот состав и младинските категории.

Шпанецот во долгата и плодна фудбалска кариера освои едно Светско првенство, две Европски, двапати ја освои Премиерлигата, еднаш Ла Лига, еднаш триумфираше во УЕФА Суперкупот, еднаш на Светското клупско првенство, двапати освои ФА Куп, еднаш Лига Куп, еднаш Комјунити Шилд, еднаш Копа дел Реј и двапати шпанскиот Суперкуп.

Фабрегас играше за Арсенал,  Барселона, Челзи, Монако и Комо. За шпанската репрезентација има 110 настапи и 15 голови.

Лацио е многу блиску до постигнување на договор со бразисли Сантос за првото поголемо летно засилување на „римските орли“. Според информациите на италијанските медиуми, „бјанкочелестите“ се на чекор од потпишување на договор со напаѓачот Маркос Леонардо.

„Газета дело Спорт“ објави дека понудата од 12 милиони евра која Лацио ја доставил до Сантос вила позитивно примена од бразилскиот тим, па сега останува да се направи уште финалниот договор.

Бразилскиот клуб првичното бараше 20 милиони евра за Леандро, но се чини и 12 милиони ќе ги задоволат нивните апетити.

Првиот човек на фудбалската Ла Лига, Хавиер Тебас, е подготвен да биде реизбран доколку тоа го сакаат клубовите, објавија денеска дел од медиумите.

„Повторно ќе се кандидирам доколку тоа го побараат клубовите“, изјави Тебас во последното интервју.

Тој од 2013 година е на чело на елитната фудбалска конкуренција во Шпанија. Тебас неодамна потенцираше  дека евентуалното доаѓање на Килијан Мбапе во Реал Мадрид ќе биде голем плус за лигата.

Челзи уште мака мачи со одлуката за иднината на скапиот Ромелу Лукаку. Белгиецот минатата сезона беше на позајмица во Серија А, во дресот на Интер, а од Интер инсистираат Лукаку и следната сезона да игра за нив како позајмен играч, затоа што немаат доволно средства да го откупат неговиотдоговор.

Сепак, Челзи на тоа сега не се согласува и инсистира на целосна продажба, а Интер во моментов не може да обезбеди 60-70 милиони евра. Опција за Лукаку на крајот е и трансфер во Саудиска Арабија, каде сигурно ќе имаат можност да му дадат повеќекратно зголемување на платата, но самиот играч смета дека за него е прерано да ја напушти Европа, па најавил дека до 2025 година ќе биде дел од европскиот клупски фудбал.

Како и да е, Ромелу Лукаку ќе биде продаден од Челси ова лето, затоа што позајмица не доаѓа во предност.

Јувентус не ја исклучува можноста во летниот преоден рок да го продаде играчот за врска Пол Погба. Минатата сезона беше ужасна за Французинот, кој едвај играше додека се справуваше со серија повреди. Токму поради тоа во Јувентус имаат тенденција да го пуштат со добра понуда, открива „Газета дело спорт“.

Погба минатото лето се врати во Јувентус со големи очекувања. Сепак, тој го повреди коленото пред почетокот на сезоната и беше надвор од терените со месеци. Неговата одлука да не се оперира со надеж дека ќе игра на Светското првенство дополнително ги налути сопствениците на Бјанконерите. А откако се опорави од повредата на коленото, се здоби со уште неколку полесни повреди на мускулот и успеа да одигра само 161 минути на теренот во 10 натпревари.

30-годишниот Французин има договор со „старата дама“ до 2026 година и во овој момент нема желба да си замине. Тој е многу амбициозен повторно да се докаже со тимот на Јуве и да се реваншира за последната сезона. Тој дури најави дека ќе продолжи со тренинзите на 2 јули, што е 8 дена порано од денот кога тимот ќе ги започне подготовките. Сепак, можноста за негова продажба во никој случај не е исклучена. Погба е со една од највисоките плати во клубот, а Јувентус не е во добра финансиска состојба. Па со добра понуда сигурно ќе биде пуштен.