feature

Ѓорческа избори второ коло во Куршумлијска Бања

Македонската тенисерка Лина Ѓорческа избори пласман во второто коло од ИТФ турнирот во Куршумлијска Бања, Србија. Таа во денешниот меч од првото коло за противничка ја имаше Романката Стефанија Бојика, која во вториот сет го предаде мечот. До моментот на прекин Ѓорческа водеше со 1-0 во сетови и 1-0 во гемови во вториот сет.

Следна противничка на македонската тенисерка ќе и биде Виторија Паганети од Италија (19 години, 499 место ВТА листа), која денеска ја совлада Рада Золотарева со 2-0 во сетови (64 62).

Турнирот во Србија се игра за награден фонд од 30.000 американски долари.

Македонија домаќин на Светско училишно првенство во ракомет 2026

Македонија ќе биде домаќин на Светско училишно првенство во ракомет, кое ќе се одржи од 20 до 29 април 2026 година во Скопје. Овој значаен меѓународен спортски настан ќе се реализира во организација на Министерството за спорт и Федерацијата за училишен спорт на Македонија.

Договорот за организација на првенството беше официјално потпишан од страна на министерот за спорт Борко Ристовски, претседателката на Федерацијата на училишен спорт на Македонија, Елена Мицковска и претседателот на Светската федерација за училишен спорт, Жељко Танасковиќ .

Министерот Ристовски истакна дека организацијата на ова првенство претставува признание за заложбите спортот да биде во секојдневието на младите преку училишниот систем.

-Горд сум што Македонија ќе биде домаќин на еден ваков значаен светски спортски настан. Ова првенство е признание за нашата заложба спортот да биде составен дел од животот на младите. Овој настан е една поширока платформа која ги поврзува спортот, образованието, младинските политики и интернационалната соработка. Ваквите меѓународни првенства се силен поттик и инспирација за учениците да се вклучат во спортските активности, да се натпреваруваат, да негуваат вистински вредности и да растат како личности. Верувам дека нашите млади ракометари ќе го искористат овој момент како мотивација за уште поголеми спортски успеси – порача Ристовски.

Претседателот на Светската федерација за училишен спорт, Жељко Танасковиќ ја истакна важноста на едно вакво големо спортско натпреварување во ракомет како спорт што е особено популарен во балканскиот регион.

Пелистерци на десеттодневни подготовки во Златибор

Ракометарите на македонскиот првак Еурофарм Пелистер подготовките ги продолжија во својата нова база во спортскиот центар Златибор.

Во комплетен состав под водство на новиот тренер Рубен Гарабаја, битолчани напорно тренираат и со нетрпените ги чекаат првите натпревари.

Во составот има неколку нови играчи, но сите ги чекаат првите натпревари.

По една недела во Битола, стигнавме на Златибор. Цел ни е подобро да се подготвиме, затоа што нè чекаат многу нови предизвици, нови натпревари. Верувам дека ќе го освоиме домашниот шампионат и Куп и што е можно подобро да одиграме во Лигата на шампионите. Едвај чекам да играм пред нашите навивачи, пред луѓето кои секогаш нè поддржуваат, пред „чкембарите“ изјави словенечкиот репрезентативец Ник Хенигман

По висинските подготовки ракометарите на македонскиот првак ќе одиграат и неколку контролни дуели, пред почетокот на новата сезона и натпреварот од Супер купот против Вардар.

Тадиќ ја одби Црвена Звезда, најблиску е до трансфер во Саудиска Арабија

Душан Тадиќ нема да ја засили Црвена звезда, кариерата ќе ја продолжи во странство.

Според сознанијата на „Спорт Клуб“, Тадиќ уште еднаш ѝ се заблагодарил на Црвена звезда за поканата и приказната тука завршува.

Тадиќ имал малку поопуштен став, оставил простор евентуално да дојде во Звезда, но сепак останал доследен на чувството дека концептуално не се вклопува во тој клуб.

Исто така и челниците на српскиот шампион го загубиле трпението, бидејќи планирале Тадиќ да го имаат во тимот за двомечот со Лех Познањ, во третата квалификациска рунда во Лигата на шампионите.

Финансиската понуда е добра, како и улогата во тимот, но Тадиќ одлучил дека нема потреба да игра за Звезда во кариерата.

Можно е Тадиќ да замине во Саудиска Арабија.

Челзи го претстави Вилијам Естевао

Бразилскиот фудбалер Естевао Вилијан официјално стана нов член на Челзи, објави англискиот клуб.

Во јуни 2024 година, Челзи постигна договор со Палмеирас за Естевао да се пресели на „Стенфорд Бриџ“ откако ќе наполни 18 години.

„Многу сум среќен и задоволен што го претставувам Челзи, еден од најголемите клубови во светот. Се надевам дека ќе му помогнам на тимот на најдобар можен начин. Чекав речиси година и пол за да дојдам тука, работев напорно и се трудев најдобро што можам да бидам во најдобра можна форма“, рече Естевао.

Последниот натпревар на Естевао за Палмеирас беше против Челзи во четвртфиналето на Светското клупско првенство, кога постигна гол во поразот од 2-1.

Бразилскиот фудбалер дебитираше за сениорската репрезентација во септември минатата година, за која одигра пет натпревари.

На 17 август, Челзи ќе игра против Кристал Палас во првото коло од Премиер лигата.

Синот на Иван Марковски потпиша за Црвена Звезда

Црвена Звезда традиционално посветува внимание на фудбалските таленти од македонското поднебје, а во иднина „црвено-белиот“ дрес ќе го носи и уште еден македонски играч со голем потенцијал.

Се работи за Павел Марковски, 16-годишен фудбалер кој веќе се адаптира на новите соиграчи од редовите на српскиот гигант и добива шанса да продолжи да ја гради кариерата во младинската академија на поранешниот европски шампион.

Марковски првите фудбалски чекори ги има направено во ЛЏ Битола, а по краткиот престој во Франција, се враќа во Пелистер, од каде по една сезона станува член на младинската академија на Работнички.

Павел потекнува од спортско семејство, односно е син на нашето легендарно ракометно крило, Иван Марковски.

Ѓоковиќ нема да игра на ниту еден турнир до УС Опен

Откако го откажа учеството на „Роџерс Купот“ во Торонто и крена бура со тоа, сега најдобриот тенисер на сите времиња, Србинот Новак Ѓоковиќ, одлучи да не настапи и на најпрестижниот мастерс во сезоната, во Синсинати.

Ова значи дека искусниот 38-годишен тенисер нема да има ниту еден турнир меѓу настапот на трева на Вимблдон и префрлањето на сосема друга подлога на Отвореното првенство на САД, кое ќе почне на 24 август оваа година.

Тој ќе оди во Њујорк директно од одмор. Моментално е во Грција со своето семејство, а според последните информации, таму го преместил и својот турнир, кој досега се играше во Белград и во Бања Лука.

Семејството Ѓоковиќ, пред сè Новак, и неговиот брат Ѓорѓе, кој беше директор на турнирот во Белград во претходните години, играат голема улога во организирањето на турнирот. На тој начин, тие ќе продолжат со својот ангажман во развојот и промоцијата на тенисот, овој пат на територијата на Грција.

По овој повод, официјалната веб-страница на Здружението на тенисери не го криеше своето задоволство што главниот град на Грција повторно ќе биде домаќин на тениски турнир, прв по 1994 година.

Гонзало Гарсија доби професионален договор и дресот со број девет на Реал

Промените во броевите на дресот означуваат почеток на нова ера на „Сантијаго Бернабеу“. Дресот со број девет ќе го носи младиот Гонзало Гарсија од следната сезона.

Додека многумина очекуваа легендарниот број девет – кој во историјата го носеле великани како Кристијано Роналдо, Карим Бензема, Роналд Назарио, Уго Санчез, Давор Шукер и Алфредо Ди Стефано – да оди во рацете на солидно засилување, Реал Мадрид ја изненади јавноста.

Гонзало Гарсија, до неодамна член на Б-тимот, ја доби довербата на клубот да го носи дресот со најтешка напаѓачка симболика во „кралскиот клуб“.

Гарсија се истакна под водство на тренерскиот штаб на Чаби Алонсо минатата сезона, а неговите игри на Светското клупско првенство беа вистинско откритие.

Неговата брзина, интелигентното движење без топка и ладното завршување пред голот го истакнаа како напаѓач од новата генерација.

Шкендија падна од пенал, Карабах со предност се враќа од Скопје

Фудбалерите на Шкендија, прв пат се порзени сезонава во квалификациите за пласман во Лигата на шампионите. Вечерва во Скопје, Шкендија загуби од Карабаг 0-1.

Клучниот момент се случи во 16.минута, кога по несмасниот старт на Вебстер врз Андраде, ВАР ја смени одлуката на главниот судија и гостите од Азербејџан добија пенал.

Најстрогата казна ја реализира Бајрамов.

Во првиот дел Карабаг имаше уште две добри шанси, а по голот на Карабаг два пати се закани капитенот на Шкендија, Ибраими.

Во второто полувреме во главните улоги беа голманите Геје и Кохалски, кои не дозволија публиката да види барем уште еден гол. Најдобрите шанси ги имаа Ибраими во 87.минута, од чиста позиција лошо биеше и Кохалски лесно го одбрани неговиот удар, а две минути подоцна Геје брилијантно го одбрани ударот на Зубир.

Реваншот на програмата е за седум дена во Баку. Победникот во плеј-офот ќе игра против Лудогорец или Ференцварош.

Одбојкарите со пораз го отворија турнирот „Чајка“

Машката одбојкарска репрезентација на Македонија загуби со 1-3 на првиот натпревари од 49. издание на Меморијалот „Бранко Хаџииљоски Чајка“. Вечерва во Скопје одбојкарите предводени од селекторот Миленкоски, имаа добар старт и водство од 1-0 во сетови (25-23), но потоа дозволија противникот тесно да ги освои сите три наредни сета.

Во Вториот Швајцарија беше најубедлива (15-25), но во третиот и четвртиот сет испуштивме шанса да се вратиме во трка за победа (24-26, 23-25).

Утре во вториот меч на турнирот (19:00) Швајцарија ќе се сретне со Бугарија, а во четврток во истиот термин турнирот го затвораат Македонија и Бугарија.

«< 557 558 559 560 561 >»