Легендарниот италијански судија и шеф на судискиот комитет на УЕФА, Пјерлуиџи Колина, ќе предложи промена во начинот на изведување на пенали.

Колина важи за еден од најдобрите судии во историјата на фудбалот.

Затоа УЕФА го назначи за шеф на судиите во 2017 година, а со оглед на тоа што тој се уште е на оваа позиција, неговиот предлог би можел да биде усвоен.

Италијанецот сака да го укине правилото играчот да може да игра со топката во случај голманот да го одбрани неговиот удар.

Според мислењето на Колин, ова би ги зголемило инаку намалените шанси на голманот да одбрани удар од белата точка.

„Верувам дека има голема разлика помеѓу шансите што ги имаат голманот и напаѓачот. Во просек, 75 проценти од пенали се реализираат. Покрај тоа, на напаѓачот му се дава дополнителна шанса да постигне гол откако ќе биде одбиена топката и голманот одбрани. Сметам дека голманите треба да се жалат“, рече Колина.

Фудбалерите на ПСЖ можат да се подготвуваат за осминафиналето во Лигата на шампионите. На отворањето на нокаут фазата во Лигата на шампионите, првиот плејоф натпревар против Брест на гостински терен со 0-3.

ПСЖ славеше со головите на Витиња од пенал во 21.минута и Дембеле во 45. и 66. минута. Францускиот репрезентативец во 2025 година веќе постигна 15 голови.

Покрај двата негови гола, тој натпреварот го обележа со неверојатното промашување во 58.минута, кога беше сам пред голманот Бозот, но шутираше крај голот.

ПСЖ ја оправда фаворитската улога во француската пресметка, иако Брест се покажа во добор издание.

Имаше шанса Брест во првиот дел преку Сима, а потоа минута пред голот на Дембеле, Хакими ќе си постигнеше автогол, ударот заврши во стативата.

Реал Мадрид победи на гостувањето кај Манчестер сити со 2-3, откако постигна два гола во периодот од 86. до 92.минута. Бранителот на трофејот е чекор поблиску до пласман во осминафиналето. Таму речиси сигурно е Борусија Дортмунд, „милионерите“ во Лисабон го победија Спортинг со 0-3. Јуентус со предност од еден гол ќе патува на реваншот в Ајндховен, откако го победи ПСВ со 2-1.

Спектакуларен натпревар одиграа Сити и реал на „Етихад“ во Манчестер. Актуелниот првак победи и покрај тоа што Ситидва пати водеше.

Реал беше подобриот тим на теренот, но до 60. минута не ги користеше своите шанси, а ги имаше многу.

Сити дојде до предност во 19.минута кога акцијата која ја започна Гвардиол ја заврши со гол. Реал изедначи во 60. минута преку Мбпае,

Халнад му ја врати предноста на Сити во 80. минута, со гол од пенал, откако претходно Себаљос напраби наивен фаул врз Фоден.

Одбраната на Манчестер сити, во текот на целиот меч не блескаше, а Реал дри во финишот го искористи тоа.

Брахим Дијаз само што влезе во игра во 86. минута налета на одбиената топка по обидот на Винисиус и одбраната на Едерсон и ја смести во голот.

Во 92. минута грешка најпрвин на Ковачиќ потоа и на Рико Луис, Винисус го префрли Едерсон, топката ја следеше Белингем и ја спроведе во голот.

Напаѓачот Стефан Ел Шарави ќе продолжи да настапува за Рома.

Актуелниот договор на италијанскиот крилен напаѓач истекува во јуни, но тој речиси сигурно повторно ќе потпише со „волците“ за уште една сезона, пишува „Ил Темпо“.

За да го продолжи престојот во главниот град, Ел Шарави се согласил на значително намалување на платата во споредба со сегашната плата. 32-годишниот ќе заработи 1,5 милиони евра за сезоната 2025/2026, откако моментално заработува 3,5 милиони.

Манчестер јунајтед е во многу тешка ситуација кога се во прашање резултатите оваа сезона, медиумите шепекулираат дека овие околности би можеле да доведат Рубен Аморим на лето да направи целосна реорганизација на тимот.

Претпоставките се дека целосна реконструкција клубот ќе направи во офанзивниот дел од тимот. Наводно Аморим по секоја цена сака да донесе нова „деветка“.

Расмус Хојлунд, пред две години дојде од Аталанта за 70 милиони евра, како фудбалер кој треба да биде предводник во нападот во наредната деценија. На сите им е јасно дека младиот Данец не ги исполни очекувањата.

„Црвените ѓаволи“ би можеле да го продадат Данецот во текот на летото по само две години минати во клубот. Наводно ќе прифатат сума од 40 милиони фунти за данскиот напаѓач.

Хојлунд навистина нема добри бројки оваа сезона. На 19 премиерлигашки натпревари има постигнато само два гола.

Фудбалската федерација на Македонија (ФФМ) продолжува со својата стратешка определба за подигнување на квалитетот и професионализмот во фудбалското судење.

Во таа насока, оваа година, редовниот Зимски судиски семинар 2025 за судии и контролори од Единствената листа за Првата и Втората МФЛ, кој се одржа од 7. до 11. февруари во Струмица, имаше посебен акцент на едукацијата, физичката подготвеност и унифицираната примена на правилата на играта, согласно највисоките стандарди на ФИФА и УЕФА, презентирани од досегашните еминентни наши најдобри судии, а сега судиски инструктори, Александар Ставрев, Димитар Мечакровски, Дејан Јакимовски, Јосип Бартон, Горан Спиркоски, Марјан Кировски и Дејан Костадинов

„Судиската организација е еден од клучените столбови на фудбалот, а нејзиниот развој е наша заедничка обврска. Со континуирана едукација, физичка подготовка и јасни критериуми во донесувањето одлуки, ја зајакнуваме довербата во македонскиот фудбал. Овој семинар е од особено значење затоа што преку него ги поставуваме темелите за иден судиски кадар кој ќе ги следи највисоките светски стандарди, особено во еден исклучително значаен претстоен период на имплементација на ВАР системот“ изјави претседателот на ФФМ, Масар Омерагиќ.

Како круна на посветената работа на нашите судии, на овој семинар беше организирано и свечено доделување на ФИФА амблемите за 2025 година на нашите меѓународни судии. Ова признание е доказ за нивната професионалност и интегритет, но и голема одговорност да продолжат да бидат амбасадори на македонското судење на меѓународната сцена.

Претседателот на Фудбалската Федерација на Македонија ги додели ФИФА амблемите на сите интернационални судии и им посака многу успех, посветеност, професионалност и одговорност во судењето и достојно претставување на ФФМ и Судиската организација ширум Европа.

Како резултат на досегашната долгогодишна судиска кариера и неговата професионална посветеност како еминентен судија во Првата МФЛ, а потоа и ФИФА футсал судија, претседателот на ФФМ на Јосип Бартон, сегашен комесар за делегирање на судии, му врачи плакета како благодарност за минатиот труд.

Во рамките на семинарот, судиите и контролорите минуваат низ серија теоретски тестирања, практични анализи на натпревари, како и фитнес тестови, кои се основен предуслов за врвно судење. Дополнително, се одржаа работилници за примена на ВАР протоколот, психологија во судењето и интегритет, со цел создавање модерни и подготвени судии за предизвиците на денешниот фудбал.

Македонскиот фудбалски репрезентативен стопер Јован Манев има нов клуб откако си замина од редовите на турска Адана Демирспор. Манев за оваа екипа настапуваше во изминатите три години, а од денес е нов играч на Ријека.

24-годишниот фудбалер беше дел од Адана од 2022 година, во меѓувреме имаше една позајмица во Осијек. Сепак, тој се одлучи да замине од клубот и да бара нов предизвик во шампионатот на Хрватска кој му е познат.

Манев се врати во Хрватска, каде ќе продолжи во Ријека. Договорот на двете страни е до 2027 година, а во новиот клуб ќе настапув во дресот со број 15.

Манев има седум настапи и еден постигнат гол за сениорскиот тим на Македонија.