Иранската репрезентација сè уште има теоретски шанси да се пласира во шеснаесетфиналето на Светското првенство, но капитенот Мехди Тареми не го крие разочарувањето од условите во кои настапува неговата селекција.

Иран ја заврши групната фаза на третото место во групата Г по драматичното реми со Египет (1:1), во натпревар во кој на Тареми му беше поништен гол во судиското продолжение.

По натпреварот, искусниот напаѓач жестоко ја критикуваше ФИФА, тврдејќи дека иранската репрезентација не добила професионални услови какви што имаат останатите учесници на Мундијалот.

„Ова Светско првенство е катастрофа“, изјави Тареми.

Тој откри дека поради проблемите со визите дел од стручниот штаб и логистичкиот персонал воопшто не успеале да влезат во Соединетите Американски Држави.

„Нашиот задолжен за односи со медиумите, магационерот и дел од луѓето од федерацијата не добија визи. Игравме сите три натпревари во САД, но не ни беше дозволено да останеме таму. Постојано моравме да патуваме во Тихуана, во Мексико, без време за опоравување. Тоа не е фер“, рече Тареми.

Лео Меси и Кристијано Роналдо никогаш немале директен дуел на мундијалите, а за тоа да се случи сега во САД, Аргентина и Португалија ќе треба да играат финале.

Лео Меси и Кристијано Роналдо се на залезот од кариерете, веројатно ова ќе им биде последното Светско првенство, па љубителите на фудбалот сакаат да видат како тие за прв пат во историјата имаат дуел на најголемиот фудбалски настан.

За тоа сега да се случи во САД, ќе треба да гледаме финале помеѓу Аргентина и Португалија.

Постоеше можност двете најголеми имиња да имаат директен дуел во осминафинале, но Португалија утрово одигра само 0-0 против Колумбија, остана втора во групата К, и отиде на другата страна од ждребот.

Прв противник во нок-аут фазата ќе им бидат Лука Модриќ и Хрватска, а потенцијалното осминафинале е против Ламин Јамал и Шпанија. Во овој дел од ждребот има уште неколку звучни имиња, како потенцијално четвртфинале е пресметка со Белгија, и потенцијално полуфинале со некого од Германија, Франција или Холандија.

Што се однесува до Аргентина, „гаучосите“ на хартија имаат лесни противници, играат против Зеленортски Острови во 1/16 финале, па со подобриот од Австралија и Египет во осминафинале, и веројатно Колумбија во четвртфинале, за првиот посериозен тест да биде во полуфинале со некој од Бразил или Англија.

Напаѓачот на Англија и Баерн Минхен, Хари Кејн, го сруши личниот рекорд на напаѓачот на Португалија и Ал-Наср, Кристијано Роналдо, за најмногу постигнати голови за клубот и репрезентацијата во една сезона.

Голот против Панама (0-2) на Светското првенство во 2026 година беше 70-ти за капитенот на Англија во сезоната 2025/2026. Роналдо постигна 69 гола за Реал Мадрид и за репрезентацијата на Португалија во сезоната 2011/2012.

Во 21 век, рекордот за голови во една сезона му припаѓа на поранешниот напаѓач на Барселона и сегашен капитен на аргентинската репрезентација, Лионел Меси, кој постигна 82 гола во сезоната 2011/2012.

Фудбалерот од средниот ред на Сандерленд и Швајцарија Гранит Џака би можел да се приклучи на Челзи.

Според инсајдерот Фабрицио Романо, 33-годишниот фудбалер е подготвен да прифати какви било договорни услови од лондонскиот клуб за да се обедини со главниот тренер Чаби Алонсо, со кого работеше во Баер Леверкузен.

Во сезоната 2025/26, Џака постигна еден гол и имаше шест асистенции во 36 натпревари.

Трансфермаркт ја проценува вредноста на фудбалерот на осум милиони евра. Договорот на Џака со Сандерленд важи до 30 јуни 2028 година.

Комплетирана е групната фаза од Светското првенство, па сите двојки за 1/16 финалето се формирани.

Бранителот на трофејот ќе игра против Зеленортските острови, а Холандија ќе се сретне со Мароко.

Босна и Херцеговина ќе игра против САД, дерби меч има Хрватска против Португалија.

Хрватската фудбалска репрезентација со 2-1 славеше над Гана и се пласираше во наредната фаза од Светското првенство, Англија со 2-0 беше подобра од Панама. Сучиќ во 31. минута го отвори резултатот, донесе водство за Хрватска од 1-0.

Тој резултат беше актуелен се до 73. минута кога Лакасен израмни на 1-1. Десет минути подоцна Влашиќ по асистенција од Модриќ ја донесе победата за Хрватите. Англија со 2-0 ја совлада Панама и го завери првото место. Двата гола беа постигнати во второто полувреме.

Белингем во 62. минута даде гол за 1-0, а пет минути подоцна тој асистираше до Кејн за конечни 2-0.

Англија го освои првото место со седум бода, втора е Хрватска со шест, Гана собра четири и како една од најдобро третопласираните оди понатаму. Панама заврши на последното место без бодови.

ДР Конго со 3-1 го совлада Узбекистан и за првпат во својата историја се пласира во нокаут фазата од Светското првенство, Колумбија и Португалија одиграа без голови.

Узбекистан имаше подобар почеток на мечот, во 10. минута со гол на Шомуродов поведе со 1-0. Тоа беше резултат по првото полувреме.

Во вториот дел следуваше комплетен пресврт, Виса даде два гола, а Мајеле еден за комплетен пресврт и победа на Конго од 3-1.

Португалија одигра 0-0 против Колумбија, па Роналдо и другите како второпласирани одат понатаму.

Колумбија го освои првото место со седум бода, Португалија е втора со пет, Конго е трет со четири, Узбекистан нема бодови.