feature

Лапорт во јануари доаѓа во Реал Мадрид?

Ајмерик Лапорт минатото лето го напушти Манчестер Сити и одлучи кариерата да ја продолжи во Саудиска Арабија и потпиша за Ал Наср.

Тоа беше изненадувачка одлука на шпанскиот дефанзивец, кој сега ја признава грешката и сака да се врати во Европа.

Со настапите на Европското првенство покажа дека се уште игра на врвно ниво, па интерес за него покажува Реал Мадрид.

Лапорт не е задоволен од животот во Саудиска Арабија и сака да се врати во Европа, а Реал сака да ја искористи таквата ситуација бидејќи е во потрага по дефанзивец.

„Кралевите“ ќе се обидат да го доведат во јануари, но Лапорт ќе мора да прифати намалување на актуелната плата.


Хрватот Јуриќ е нов тренер на Рома

Италијанскиот фудбалски клуб Рома веднаш го најде наследникот на отпуштениот тренер Даниеле Де Роси.

Нов тренер на тимот ќе биде Иван Јуриќ. Договорот меѓу двете страни е само до следното лето, но автоматски ќе биде продолжен за уште една година ако Рома успее да се квалификува за Лигата на шампионите, што не им се случило во последните шест години.

Според информациите, Јуриќ веднаш ќе почне со работа на чело на „волчивата“ и ќе ја води денешната тренинг сесија.

49-годишниот стручњак ќе дебитира како тренер на тимот на неделниот натпревар на домашен терен против лидерот во Серија А, Удинезе.


Ристевски: Го исполнив мојот детски сон да заиграм во ЛШ


Само пред две седмици екипата на Еурофарм Пелистер од Битола го промовираше новиот дрес со новиот млад ракометар, Самоил Ристевски, пред официјалниот старт на сезоната и натпревар од Суперкупот, а таа вест не наиде на некое големо внимание, туку како нормално продолжување на кариерата на еден млад ракометар.

Во средата младиот Самоил го одигра својот прв натпревар во Лигата на шампиони во Битола, против големиот Фуксе Берлин, каде постигна три гола, а таа вест се најде на сите насловни страници. Како дебитант од страна на клубот беше одреден да биде дел од официјалната прес-конференција по завршувањето на напреварот од Лигата на шампиони. Скромниот Самоил си го кажа исполнувањето на својот детски сон.

„Да играш во Лигата на шампионите е сон за секое дете кое игра ракомет. Секако денес Фуксе беше подобар и мислам дека собравме искуство од овој меч. Се надеваме на подобри игри во следните натпревари“, изјави кратко Ристевски.

Тинејџерот од Битола, пивотот Самоил Ристевски е младински репрезентативец на Македонија.


Дијамантската лига го зголеми наградниот фонд

Наградниот фонд на митинзите од атлетската Дијамантска лига следната година ќе изнесува рекордни 9,24 милиони долари, објавија денеска организаторите.

„Ова е речиси една третина повеќе од износот кој беше исплатуван во периодот на ковид пандемијата од 2021 до 2024 година“, се наведува во соопштението.

Организаторите нагласија дека кога на наградните фондови ќе се додадат и дополнителните трошоци, како тие за патување и сместување, вкупната сума што ќе биде исплатена ќе надмине 18 милиони долари.

Награден фонд од 500.000 долари е обезбеден за секој од митинзите во текот на сезоната, додека наградите по дисциплина ќе варираат меѓу 30.000 и 50.000 долари, а вкупно 2,24 милиони долари ќе бидат распределени во финалето на Дијамантската лига.


Енди Керол потпиша за Бордо

Некогашниот англиски фудбалер Енди Керол потпиша за Бордо. Францускиот гигант поради финансиски проблеми испадна во четвртиот ранг во Франција.

Тој во Бордо пристигна од француски Амиен, тим која се натпреварува во Лига 2 и сега заминува два ранга подолу.

Англичанецот за Бордо потпиша како слободен играч, а досега во кариерата настапуваше за Њукасл, Престон, Ливерпул, Вест Хем, Ридинг, ВБА и на крајот во Франција.


Стуани собори рекорд: Стана најстар стрелец во Лигата на шампионите

По натпреварот од првото коло од новата сезона на Лигата на шампионите на УЕФА меѓу францускиот Пари Сен Жермен и шпанска Џирона стана јасно дека го имаме највозрасниот дебитант во ова натпреварување.

На оваа средба во стартниот состав на Џирона влезе 37-годишниот уругвајски напаѓач Кристијан Стуани. Така, тој стана најстариот надворешен играч кој дебитирал во Лигата на шампионите во 21 век.

Според „Опта Спортс“, само 40-годишниот Тасос Митропулос дебитирал во Лигата на шампионите на постара возраст за Олимпијакос во 1997 година. Во 21 век немаше дебитанти во ова натпреварување постари од Уругваецот.

Стуани се приклучи на Џирона во летото 2017 година од Мидлсброу. Трансферот изнесуваше 2,5 милиони евра. Оваа сезона Уругваецот учествуваше во четири натпревари од сите натпреварвања, на кои постигна два гола. Неговиот договор со клубот е со важност до летото 2026 година.


Писонеро промовиран во нов селектор на Израел

Некогашниот тренер на ракометниот клуб Вардар Давид Писонеро и официјално е селектор на машката репрезентација на Израел и ќе ја води во квалификациите за Европското првенство во 2026 година.

Израел ќе биде во група со Полска, Португалија и Романија на патот до пласман на континенталниот собир 2026 година во Шведска, Норвешка и Данска.


Фенербахче е новиот клуб на Марјановиќ

Српскиот кошаркар Бобан Мајрановиќ се врати во Европа и ќе го носи дресот на турски Фенербахче.

За Мајрановиќ веќе неколку дена се шпекулираше дека ќе се пресели во Истанбул, а тоа го потврди и тренерот Шарунас Јасикевичиус кој потврди дека неговиот тим го чека Мајрановиќ.

„Сакаме само Бобан да биде Бобан. Тоа е се. Го чекаме да дојде“, изјави Литванецот после победата над АЕК во подготвителниот период.


Фермин Лопез одново се повреди, го чека нова кратка пауза

Фудбалерот на Барселона, Фермин Лопез заработи уште една повреда, објави синоќа весникот „Спорт“.

Играчот од средниот ред на Барселона започна со лесни тренинзи со соиграчите откако заработи повреда на бутот за време на кампот со репрезентацијата на Шпанија до 21 година на самиот почеток на септември.

Лопез, кој сега има 21 година, заработи повреда на десната нога и најверојатно нема да игра во следните неколку недели.

Фермин Лопез одигра 3 натпревари оваа сезона во Ла Лига каде Барселона е лидер со максимални 15 бодови.


Пиоли промовиран во нов тренер на Ал-Наср

Стефано Пиоли ќе биде новиот тренер на гигантот од Саудиска Арабија Ал-Насер, пишува Фабрицио Романо. Двете страни постигнаа договор, 58-годишниот тренер ќе го наследи Луис Кастро кој доби отказ.

Се очекува Пиоли денеска да потпише раскин на договорот со Милан, а потоа да се пресели во Саудиска Арабија. Специјалистот беше отстранет од функцијата на крајот на сезоната. Веднаш потоа Пиоли ќе лета за Ријад да го потпише договорот со Ал-Насер.

Кристијано Роналдо и соиграчите имаа лош почеток на сезоната во Саудиска Арабија и покрај одличниот тим што го направија ова лето. Тимот го зазема седмото место на табелата со 5 бода.