Според „The ​​Sun“, во Манчестер нема да има масовна прослава доколку Јунајтед излезе од финалето како победник. Место трофеј парада на улиците од Манчестер, газдите имаат во план да прослават со скара на Карингтон. 

Јунајтед нема одржано трофеј парада откако Сер Алекс Фергусон се пензионираше по 13-тата премиерлигашка титула во 2013 година. 

Веројатно е дека зафатениот распоред е делумно виновен за пригушените прослави, при што Јунајтед треба да се соочи со Астон Вила на нивниот последен натпревар во Премиер Лигата четири дена по соочувањето со Тотенхем, после ќе земе исцрпувачки 15-часовен лет до Азија на турнејата во Куала Лумпур и Хонг Конг на 28 и 30 мај. 

Со оглед на тоа што Јунајтед седи толку ниско на англиската табела, Аморим сакаше да нагласи дека не мисли освојувањето на Лига Европа ќе ја „спаси“ хорор-сезоната што ја доживеа клубот. 

„Сите знаат дека тоа е навистина важно за нашата сезона“, рече Аморим кон крајот на минатиот месец. „Знаеме дека ништо нема да ја спаси нашата сезона, но ова може да биде огромно. 
 
 

Според Фабрицио Романо, Баерн Минхен има доставено предлог до дефанзивецот на Баер Леверкузен, Џонатан Тах. Германецот е еден од најбараните слободни играчи на пазарот откако објави дека нема да го продолжи договорот со Леверкузен. 

Понудениот договор, наводно, е тригодишен со опција за продолжување. Интересот на Баерн е долгогодишен, минатото лето беше блиску до потписот на Тах, но трансферот пропадна откако двата клуба не успеаја да договорат сума.   

Барселона исто така се обидуваше да го потпише Тах подолго време, но останувањето на Араухо, Кристенсен и Ерик Гарсија го смена тој план. 

Сега, кога Тах е достапен како слободен играч и со заминувањето на Ерик Диер во Монако, Баерн сака да реагира брзо и да го обезбеди неговиот потпис. 
 

Одлуката на Карло Анчелоти да ја преземе функцијата селектор на бразилската репрезентација можеби стана официјална пред еден ден, но се верува дека Италијанецот веќе почна да носи одлуќи околу тимот. 

Со сите очи кон брзото приближување на Светското Првенство во 2026 година, кое треба да се одржи во САД, Мексико и Канада, 63-годишниот тренер, се вели дека го таргетирал играчот од средниот ред на Манчестер Јунајтед, Касемиро. Вокален и искусен лидер, 33-годишниот бразилец играше под Анчелоти во Мадрид, освојувајќи ја Ла Лига, две Лига на Шампиони и други купови. 

Сега, се верува дека Касемиро уште еднаш го привлече вниманието на Анчелоти, а Фабрицио Романо изјави дека играчот од средниот ред е баран поради неговите лидерски способности и искуство. 

Последен пат повикан за бразилската репрезентација во 2023 година, кога беше именуван за капитен од тогашниот селектор Фернандо Диниз, Касемиро, ако биде избран, ќе донесе многу искуство и победнички менталитет во тимот. 

Поранешниот менаџер на Евертон, Шон Дајч е кандидат за тренерското место во испаднатиот Лестер, објави „ТокСпорт“.

„Лисиците“ се очекува да се ослободат од Холанѓанецот Ван Нистелрој на крајот на сезоната и ќе мора да бараат нов менаџер. Ван Нистелрој има договор до 2027 година, но веројатно ќе го напушти стадионот „Кинг Пауер“.

„ТокСПОРТ“ дознава дека Шон Дајч е меѓу кандидатите да го врати тимот експресно во елитата. Тој двапати го носеше Барнли во Премиерлигата, пред да се приклучи во Евертон во 2023 година.

Реал Мадрид објави дека напаѓачот Винициус Жуниор и дефанзивецот Лукас Васкез се повредени.

На Бразилецот му беше дијагностицирано истегнување на лигаментите на левиот зглоб, додека Васкез исто така се пожалил на болку на бутниот мускул.

Според медиумите во Шпанија, Винициус ќе биде надвор од терените околу една недела, додека Васкез би можел да биде подготвен за натпреварот против Севиља во Ла Лига на 18 мај.

И двајцата играчи ќе го пропуштат натпреварот Реал Мадрид – Мајорка од 36-то коло на Ла Лига кој ќе се игра на 14 мај.

Тренерот на Барселона Ханси Флик ќе остане во клубот до јуни 2027 година.

Откако пристигна на клупата, германскиот стручњак донесе одлична атмосфера во соблекувалната на Барселона.

Оваа сезона тие Барса е еден од најдобрите тимови во Европа и беше многу блиску до трофеј во секое можно натпреварување. На крајот, ќе мора да се „задоволи“ со три трофеи, бидејќи е на два бода од Примера, а веќе триумфираше во Купот на Кралот и Суперкупот на Шпанија.

Со вчерашниот триумф над „кралскиот“ клуб, Флик стана само вториот тренер кој славел во првите четири „Ел Класика“ – придружувајќи му се на Пеп Гвардиола кој досега беше сам на таа листа.

Многу фудбалери процветаа под водство на Германецот, а Барселона брзо стана една од најдоминантните сили на стариот континент.

Италијанскиот стратег Карло Анчелоти ќе стане најплатен тренер во светот откако во јуни ќе го напушти Реал Мадрид и ќе седне на клупата на фудбалската репрезентација на Бразил, објавија шпанските медиуми.

Според весникот „АС“, Анчелоти ќе заработува 770.000 евра месечно, односно 9,2 милиони евра годишно. Ова ќе го направи најплатен тренер во светот. Досега тоа беше Томас Тухел, кој заработува шест милиони евра годишно како селектор на Англија.

Платата на Анчелоти е двојно поголема од неговите двајца претходници на клупата на Бразил, Тите и Доривал Жуниор.

Официјалната промоција на Анчелоти е закажана за 26 мај во Рио Де Женеиро, а следниот месец Италијанецот ќе го предводи Бразил на натпреварите од мундијалските квалификации против Еквадор и Парагвај.