feature

Слот: Разочаран сум, но Плимут знаеше што сака

Менаџерот на Ливерпул, Арне Слот призна дека испаѓањето од ФА Купот од Плимут било навистина разочарувачки, како за него, така и за навивачите и играчите.

Екипата од Чемпионшип, која го зазема последното место во втората лига на англискиот фудбал, го приреди најголемото изненадување во 4. коло на турнирот, елиминирајќи го составот на „црвените“ кој продолжува да се бори во Премиер лигата, Лигата на шампионите и Лига Купот.

„Резултатот е очигледен. Ова е големо разочарување и не можеме да бидеме задоволни со начинот на кој игравме. Единствено што можам да бидам среќен е што момците се бореа скоро сто минути и можеби најдобрите минути во целиот натпревар беа последните десет. Ова покажува дека тие навистина продолжија да се борат до самиот крај“ рече Слот.

Тој, исто така ги истакна квалитетите на Плимут.

„Имаа добар план за игра. Работеа напорно и добија пенал кој беше сосема заслужен. Тоа беше чист пенал, правилна одлука. Сепак, тоа многу влијаеше на натпреварот, бидејќи до тој момент ниту една екипа немаше шанси. Нивниот голман, исто така, направи една или две многу добри одбрани на крајот, но ние имавме малку време да создадеме нешто друго“, призна Слот.

„Не жалам за мојот избор за составот. Не можеме да знаеме што ќе се случеше ако игравме со нашите стартери. Мислам дека оваа сезона, видовме неколку пати, дека овој начин на игра на Плимут е тежок дури и за нашите стартери, како и за оние кои почнаа денеска. Постојани долги топки, борба за втората топка. Тешко е за секој тим. Така беше против Манчестер Јунајтед на домашен терен. Денеска игравме со овие играчи бидејќи им треба ритам на игра. За да бидат подготвени за наредните месеци, им треба време. Денес стана јасно дека на некои играчи навистина им требаат вакви натпревари за да бидат подготвени за последните три месеци од сезоната“, заврши Холанѓанецот.

Пасквал носи уште еден Египќанец во Веспрем

Египетскиот лев бек Али Зеин следната сезона ќе игра за унгарскиот Веспрем. Се очекува 34-годишниот Зеин да го замени дресот на Динамо Букурепт со тој на унгарскиот шампион.

Египќанецот првпат пристигна во Европа на 26 години, преминувајќи во редовите на францускиот клуб Екс Прованс.

Во сезоната 2021/22 го облече дресот на Барселона, но ниту таму не се прослави и се пресели во амбициозниот Динамо Букурешт.

Одреден терминот за дебито на Дончиќ за Лејкерси

Тренерот на Лејкерс Џеј Џеј Редик го објави датумот на дебито на Лука Дончиќ.

„Лука најверојатно ќе дебитира како играч за нашиот тим во вторник против Јута. Договор за ова прашање нема, но најверојатно тој се очекува во вторник. Сите сакаме да го видиме Дончиќ во дресот на Лејкерс, изјави тренерот“, на официјалниот сајт на НБА.

Лос Анџелес лејкерс на 2 февруари го објавија трансферот на 25-годишниот словенечки кошаркар.

Оваа сезона Дончиќ има просек од 28,1 поен, 8,3 скока и 7,9 асистенции по натпревар. Дончиќ во текот на својата кариера пет пати учествуваше на Ол-стар во НБА лигата. Во Лејкерс, Дончиќ дојде од Далас маверикс.

Алкараз го освои турнирот во Ротердам

Шпанскиот тенисер Карлос Алкараз, ја освои првата титула во 2025 година, откако денеска салавеше на АТП Турнирот во Ротердам, победувајќи го финалето Алекс де Минор со 2-1 (6-4, 3-6 и 6-2).

Во првите два сета по еден брејк им беше доволен на Алкарас и Де Минор да го освојат секој сет.

Во вториот сет беше неизвесно до 3:2, а потоа Шпанецот направи два брејка во низа и ја освои 17-та титула во кариерата.

Ова исто така беше прва титула за Алкараз во сала.

Филаделфија Иглс победник на Супербоулот во Њу Орлеанс

Филаделфија Иглс го „прегази“ Канзас Сити Чифс 40-22 во 59. Супербол во Њу Орлеанс. Филаделфија заслужено се одмазди за поразот дод пред две години и го освои својот втор трофеј Ломбарди.

Се беше готово во првото полувреме. Од самиот почеток беше јасно дека Канзас Сити Чифс имаат проблем да најдат офанзивен ритам. Тоа најдобро го илустрира фактот што шампионот само еднаш го освои првиот даун во првиот половина час. Добија вкупно 23 јарди, со еден збор нападот изгледаше под секој стандард.

Апсолутен херој на „орлите“ во нападот беше бекот Џејлен Хертс, кој го одигра натпреварот за МВП. Помина 221 јарди, 17 додавања од 22 обиди, два тачдауни и едео пресретнување. Истрча 72 јарди и тачдаун. Девонта Смит исто така одигра голема улога со 69 јарди и тачдаун.

На другата страна Патрик Махомес стигна до 257 јарди, три додавања за тачдаун, но и три загубени топки. Единствениот друг играч што вреди да се спомене беше Ксавиер Ворти со 157 јарди и два тачдауни.

Дејвис ќе почека на дебито во Далас, центарот неколку недели во аут

Ентони Дејвис, кошаркарот на Далас Маверикс заработи сериозна повреда и ќе биде надвор од терените на неодредено време.

Дејвис неодамна стана член на Далас Маверикс во блокбастер трејдот што го испрати Лука Дончиќ во Лос Анџелес Лејкерс.

31-годишниот крилен центар, во саботата, блескаше на дебито во новиот клуб. За 31 минута на теренот имаше 26 поени, 16 скока, седум асистенции и три блокади и се повреди.

Токму неговите чести повреди беа главната причина поради која навивачите на Маверикс стравуваа како ќе изгледа ерата со Дејвис во тимот, а тие стравувања се потврдија по нешто повеќе од половина час кошарка.

Првично не се знаеше колку е сериозна повредата, а неколку дена подоцна стигна потврда дека не е добро.

Според НБА инсајдерот Шамс Шаранија, Дејвис ќе пропушти најмалку неколку недели, а потенцијално и до еден месец.

Остануваат уште околу два месеци до крајот на регуларниот дел од сезоната, а тимот на Џејсон Кид моментално е на осмото место во Западната конференција, второ во плеј-ин зоната.

Ван Дајк има дилеми дали ќе остане во Ливерпул

Фудбалерот на Ливерпул, Вирџил ван Дајк не е сигурен за неговата фудбалска иднина.

Актуелниот договор на 33-годишниот Холанѓанец со тимот од „Енфилд“ е до лето.

„Немам поим што ќе донесе иднината. Оној што вели дека знае нешто, не знае ништо!“, го цитира новинарот Фабрицио Романо зборовите на Ван Дајк.

Холанѓанецот оваа сезона одигра 32 натпревари во сите натпреварувања, постигнувајќи три гола и една асистенција. Дефанзивецот игра за Ливерпул од 2018 година.

Двајца Португалци добива нови договори во ПСЖ

По вчерашниот потшишан нов договор на Ашраф Хакими, денеска истото го направија Нуњо Мендеш и Витиња.

Сите тројца ги продолжија договорите со тимот од Париз до 2029 година. Исто така договорот го продолжи и Луис Енрике, кој потпиша до 2027 година.

ПСЖ е најсериозен кандидат за освојување на титулата во Франција, а исто така тимот е меѓу фаворитите и за освојување на Лигата на шампионите, трофеј кој му недостасува во историјата.

Јанис се повреди, нема да игра на викендот на сите ѕвезди

Традиционалниот НБА Ол-стар натпревар ќе се одржи од 14 до 16 февруари во Сан Франциско. Веќе се познати составите на Истокот и Западот, а исто така е познато дека играчот кој доби најмногу гласови на истокот, Јанис Адетокумбо ќе го пропушти Ол-стар викендот.

Како што пренесуваат американските медиуми, причината е повреда на левата потколеница. Ѕвездата на Милвоки поради ова е на клупата цела недела, додека последните лекарски извештаи говорат дека Гркот нема да се опорави за Ол-стар натпреварот.

Како што додава Шамс Шаранија, Јанис се уште ги чувствува последиците од повредата. Има благи болки во потколеницата, па раководството и стручниот штаб на Бакс не сакаат нивниот најдобар играч да ризикува со посериозна повреда.

Сезонава Јанис има просек од 32 поени и 12 скока, а се уште не е познато кој ќе го замени за време на спектаклот во Сан Франциско.

За потсетување, Јанис Адетолумбо требаше да игра во тимот избран од Шекил О’Нил со Никола Јокиќ, Шеј Гиџгес Александар, Виктор Вембањама, Паскал Сијакам, Алеперен Шенгун, Карл-Ентони Таунс и Донован Мичел.

Финале во двојки и сингл полуфинале за Амар Хусеиновиќ во Кенија

Младиот македонски тенисер Амар Хусеиновиќ забележа солидни резултати на уште еден турнир на ИТФ во младинска категорија во Најроби, Кенија. На турнир од категоријата Ј60 Хусеиновиќ во сингл конкуренција беше полуфиналист, а во конкуренција на двојки со Урош Живковиќ од Србија играа во финалето.

Во полуфиналето во поединечна конкуренција Амар Хусеиновиќ (носител број 4) загуби од првиот носител Нтунгамили Рагуин од Боцвана со 2-0 во сетови (6-3, 6-2). Рагуин воедно е и победник на турнирот. Во првото коло македонскиот тенисер беше слободен, а остваи и две победи во втората рунда против Едвард Верес Бергстен од Шведска со 2-0 во сетови (6-2, 6-1) и Аирик Абединзадех од Иран со 2-0 во сетови (6-3, 6-2).

Во конкуренција на двојки Хусеиновиќ со Живковиќ, како втори носители го загубија финалето од првите носители Дан Бренд и Гуи Левинер од Израел со 2-0 во сетови (6-3, 6-2).

Амар Хусеиновиќ претходната недела имаше успешен настап на Ј30 турнир во Најроби кога победи во двете конкуренции (сингл и двојки), а следнава недела ќе биде учесник и на најсилниот од овие турнири во Кенија што почнува утре и е од рангот Ј100.

«< 83 84 85 86 87 >»