Спортскиот директор на Барселона, Деко, вели дека клубот нема да брза да му го продолжи договорот на фудбалерот од средниот ред, Фрeнк де Јонг.
„Оваа година нема да правиме обновување на договорите. Френки е одличен играч, ми се допаѓа. Има и други во слична ситуација, Педри, Рафиња и Феран. Се ќе зависи од него и од ситуацијата во клубот. Се разбира, Де Јонг е одличен играч а ние сакаме да имаме такви играчи“, изјави Деко.
Челниците на НБА-лигата планираат од следната продажба на ТВ правата да заработат неверојатни 75 милијарди долари.
Актуелниот десетгодишен договор за ТВ правата истекува следната сезона (2024/25) кој на НБА и екипите им носи по 2,6 милијарди долари годишно, но од идниот договор сака да добива 7,5 милијарди долари по сезона.
НБА-лигата на заинтересираните телевизии им порача дека сака новиот договор изнесува нешто повеќе од 75 милијарди долари за 10 години, и доколку двете страни најдат заеднички јазик, тоа би бил вториот најголем договор на име на ТВ права во историјата на спортот (НФЛ-лигата во 2021 година ги продаде ТВ правата за следните 11 години за неверојатни 110 милијарди долари).
Американскиот кошаркар Виктор Оладипо предизвика потрес во светот на кошарката откако на социјалните мрежи се појави видео како тој тренира во домот на евролигашот Баерн Минхен.
Видео снимката предизвика гласини за негово можно заминување од НБА лигата и преселба во Европа, но до истото бар засега нема да дојде.
Оладипо овие денови присуствува во германскиот град каде е под опсервација на познатиот доктор Ханс-Вилхелм Милер-Волфахрт кој се грижи за неговата рехабилитација на повредата на левото колено која го оддалечи од теренот од месец април.
31-годишникот кој во кариерата броеше настапи за Орландо, Оклахома, Индијана, Хјустон и Мајами.
Напаѓачот на македонската фудбалска репрезентација, Бојан Миовски верува дека уште еднаш може да се оствари позитивен резултат со големиот фаворит Италија.
Македонската репрезентација на 17 ноември гостува во Рим во првиот од двата последни натпревара од квалификациите за Европското првенство.
„Секогаш е одлично кога се игра против врвни репрезентации, да видиме на кое ниво сме и мислам дека ова е вистинското време, немаме никаков притисок и имаме одлични резултати со Италија на последните натпревари. Одиме да се надигруваме, треба да ги чекаме нашите шанси во против нападите, нормално е тие да имаат поголем посед и контрола врз играта, но ќе се обидеме да ги изненадиме“, изјави Миовски.
Во досегашните четири меѓусебни средби, Македонија и Италија имаат по една победа и два нерешени резултата.
Супер-компјутерот на познатата статистичка платформа – „Opta“ ги предвиде шансите на клубовите од англиската Премиерлига да ја освојат шампионската титула во сезоната 2023/2024.
На прво место е Манчестер Сити – 87,1%;, пред Ливерпул – 7,2%;, Арсенал — 5,3%; Тотенхем – 0,2%; и Астон Вила – 0,1%.
„Граѓаните“ се лидери по 12 одиграни натпревари со 28 бодови. Ливерпул и Арсенал имаат по 27 бодови, Тотенхем со 26 бодови а Астон Вила 25 бодови. Во зоната за испаѓање се Барнли на последното, 20. место со четири бода, Шефилд Јунајтед со пет бода на 19. позиција и Лутон Таун со шест бода на 18. место.
Офанзивниот играч за врска на Баер Леверкузен, Флориан Виртц го привлече вниманието на најголемите клубови на Стариот континент.
Покрај Баерн Минхен и Челзи, сега во трката за потписот на Германецот се приклучи и Реал Мадрид. Леверкузен нема лесно да го пушти својот „бисер“, особено поради фактот што Виртц има договор до 2027 година.
Оваа сезона Виртц на 15 настапи постигна 6 гола и запиша 9 асистенции, а Реал Мадрид сака да ја победи конкуренцијата.
„Кралевите“ веќе стапиле во контакт со агентот и на лето се спремни да поудат 80 милиони евра за неговиот потпис.
Дефанзивецот на Ливерпул,Трент Александер-Арнолд со восхит зборуваше за фудбалерот на Манчестер Сити, Џон Стоунс.
„Мислам дека тој е пример како еден играч да може да се трансформира на повеќе позиции. Тој е исклучителен и долго време се восхитувам на неговата игра. Гледам многу видеа од неговите постапки, па дури и кога ги гледам натпреварите на Манчестер Сити, седам и се фокусирам на него“, изјави Александер-Арнолд.
Дефанзивецот на „граѓаните“ во минатата сезона ја освои тројната круна со Манчестер Сити.
Поранешниот аргентински репрезентативец Ернан Креспо е нов тренер на екипата на Ал Аин од ОАЕ. Тој ќе го наследи Алфред Шредер, кој замина по само шест месеци работа.
Ал Аин ја објави веста на социјалните мрежи со видео на кое се прикажани снимки од кариерата на поранешниот напаѓач.
„Ернан Креспо е меѓународна ѕвезда, голем лик и одличен тренер. Неговата репутација и амбиции ги задоволуваат барањата на лидер во фудбалска Азија“, напишаа од клубот.
Креспо до октомври беше тренер на катарскиот шампион Ал-Духаил, кој го ослободи по серијата лоши резултати.
Валтер Мацари е нов тренер на Наполи. Тој доаѓа на местото на Руди Гарсија кој заработи отказ по серијата на лоши резултати.
Клучен фактор за отказот на Шпанецот беа последните два натпревари на Наполи во кои тимот ремизираше 1-1 во Лигата на шампионите со Унион Берлин а претрпе пораз во Серија А од Емполи (0-1).
Мацари ги водеше наполитанците од 2009 до 2013 година кога го освои Купот на Италија.
Јувентус потпиша нов договор со фудбалерот, Николо Фаџоли, кој беше суспендиран поради обложување.
Истиот е до летото во 2028 година. Играчот од средниот ред дојде во клубот во 2015-та кога имаше 14 години. 22-годишниот Италијанец во моментов е суспендиран поради обложување на фудбалски мечеви.
Фаџоли во сезонава одигра шест натпревари во Серија А и направи една асистенција.
