Голманот на Пари Сен Жермен, Џанлуиџи Донарума, заработи потешка повреда на лицето на вчерашниот меч со Монако.
Тој доби удар од Стефан Синго и мораше да биде заменет во 22. минута. Судијата Франсоа ле Тексие му прогледа низ прсти на домашниот фудбалер и не му покажа јавна опомена.
Се очекува ПСЖ денес да излезе со соопштение до кога искусниот голман ќе мора да паузира.
Галатасарај во зимскиот преоден рок сака да ја засили одбраната, а најголема желба е дефанзивецот на ПСЖ, Милан Скриниар.
Милан Скринар не е среќен со неговиот статус во ПСЖ бидејќи не игра многу и е спремен да ја промени средината.
Јувентус е заинтересиран за неговиот потпис, но Галатасарај сака да ја добие битката и да го „украде“ пред носот на „старата дама“.
Двата клуба го саката на позајмица со право на откуп, па се очекува голема битка за неговиот потпис.
Каталонските медиуми пренесува дека примарна трансфер цел на Барселона следното лето ќе биде ѕвездата на Ливерпул, Луис Дијаз.
Ливерпул не размислува за трансфер, но самиот фудбалер сака да ја промени средината и да се пресели во Шпанија.
Дијаз игра фантастично оваа сезона, но преговорите за продолжување на договорот со Ливерпул не одат добро, а причина за тоа е Барселона.
Колумбиецот има голема желба да се пресели на „Камп Ноу“, а познато е дека Барселона веќе подолго време го посакува во своите редови.
Карло Анчелоти е најтрофејниот тренер на Реал Мадрид откако „белите“ вчера го совладаа тимот на Пачука во финалето на Интерконтинеталниот Куп.
Тоа за Италијанецот беше 15-от пехар со што го помина на вечната листа Мигел Муњоз, кој има 14 трофеи во периодот од 1960 до 1974 година.
Анчелоти работеше за „кралевите“ во два одделни периода. Прво од 2013 до 2016 година а потоа од 2021 година до денес.
Бруно Кабокло наскоро би можел да го напушти Хапоел Тел Авив и да се пресели во Реал Мадрид.
Бразилскиот центар, кој минатата сезона го носеше дресот на Партизан, одигра само 11 минути во натпреварот од Еврокупот во кој Израелците го совладаа Бешикташ со 109-101 по продолжение.
Покрај за Кабокло, Реал во своите редови сака да го донесе и плајмејкерот на Асвел, Тео Маледон. Францускиот репрезентативец има договор до крајот на сезоната, а Асвел сака да му понуди нов.
Според медиумите, доколку на Реал му оропадне планот со Маледон, тогаш следна мета би бил Американецот со македонски пасош, Ти Џеј Шортс. Играчот на Париз сезонава игра во неверојатна форма.
Луѓето од Ливерпул бараат замена за бекот, Трент Александер-Арнолд, чија иднина на стадинот „Енфилд“ е под знак прашалник.
Имено, неговиот договор ќе истече во јуни а медиумите речиси се сигурни дека ќе потпише за Реал Мадрид.
Весникот – „The Sun“, објави дека „црвените“ сакаат да го ангажираат 24-годишниот, Џереми Фримпонг од Баер Леверкузен. Холанѓанец има трансферна сума од околу 50 милиони евра
Фудбалерот на Астон Вила, Џон Дуран, влегува во радарот на италијански Наполи, велат последните информации од Англија.
Колумбиецот кој има само 21-година, го привлече вниманието на повеќе европски гиганти. Тој има има 11 гола во 24 натпревари за англискиот состав.
Наводно, луѓето од Неапол ги оствариле првите контакти за евентуален трансфер во текот на летото.
Ракометарите на Еурофарм Пелистер триумфално ја завршија оваа календарска година, откако во последниот меч во декемвриската програма како гости го совладаа тимот на Пролет со 23-37. Битолчани одиграа квалитетен меч во кој целосно го контролираа резултатот, освојувајќи заслужени бодови со кои остануваат во трката за првото место во Суперлигата пред почетокот на плеј-офот.
Избраниците на Раул Алонсо беа предводени од Цветан Кузмановски, Павле Атанасијевиќ и Ненад Костевски, кои го завршија мечот со по шест, односно десет погодоци.
Пелистерци ја забележаа четиринаесеттата победа сезонава, додека Пролет останува на учинок од пет триумфи, четири нерешени средби и шест порази. За суперлигашите следува зимската пауза, а возбудувањата ќе продолжат на почетокот од февруари следната година.
Шампионатот на Македонија продолжува на 8 февруари 2025 година со дуелот на Еурофарм Пелистер против Куманово во Битола.
Перо Антиќ останува на чело на КФСМ откако не успеа иницијативата на клубовите за смена на раководството и покрај тоа што мнозиноството е против актуелниот претседател.
Македонската кошаркарска легенда Перо Антиќ го „преживеа“ првиот обид за смена, тој останува на чело на КФСМ и покрај тоа што мнозинството бара и сака промени.
На денешното собрание присуствуваа 46 претставници на клубови, здруженија и асоцијации, од кои дури 39 изразија незадоволство од работата на Перо Антиќ.
Но Перо Антиќ ја доби правната битка, не дозволи да се вметне точка на двневниот ред со која ќе се гласаше недоверба.
Тој и неговите соработници останаа доследни на членот 39 од Статутот на Кошаркарската федерација, кој вели: „Мандатот на Претседателот на Федерацијата трае четири години, но минимум две години од започнат, обновен или потврден мандат не може да се поднесува Иницијатива од страна на членките на Собранието на КФСМ за одржување на Вонредно изборно Собрание“.
Ова значи дека Перо Антиќ е безбеден барем до крајот на март, кога се навршуваат две години од неговиот реизбор.
Во денешните натпревари од четвртфиналето од англискиот Лига Куп немаше изненадувања.
Арсенал со хет-трик на Габриел Жесус го победи Кристал Палас со 3-2, Њукасл со 3-1 славеше над Брентфорд, Ливерпул со 2-1 победи на гостувањето кај Саутемптон.
Утре се игра последниот четвртфинален дуел од Лига Купот, мечот меѓу Тотнем и Манчестер јунајтед.
Ждрепката за полуфиналето е веднаш по натпреварот во Лондон.
