feature

Полски противник за ракометарките на Ѓорче Петров

Македонскиот ракометен шампион во женска конкуренција, Ѓорче Петров, во осминафиналето од Европскиот куп ќе игра против полската екипа ЈКС Јарослав

Денешната ждрепка во Виена се покажа погодна за ѓорчепетровки, ако се суди по досегашните резултати на Јарослав оваа сезона. Тоа е екипа која се наоѓа на претпоследното место во полската лига со ефект од две победи и седум порази.

Во минатото трето коло од европскиот куп убедливо го надигра португалскиот Алвариум (претпоследна во Португалија), а предходно оствари победа и пораз против Венло од Холандија.

Првиот натпревар се игра на 7 или 8 јануари во Полска, а реваншот една недела подоцна во Скопје. Ѓорче Петров досега нема пораз во четирите натпревари од Европскиот куп. Одиграа нерешено и го совлада Тор, на Исланд, а потоа двапати беше убедлив против Румс јагс од Австрија.

Ригорозна казна за Чаир 2030 за прекинот на дербито против Работнички

Комесарот за натпреварување, Александар Милојевиќ донесе експресна одлука за инцидентот што се случи во недела на мечот помеѓу Чаир 2030 и Работнички, кој беше прекинат по физички напад врз гостински кошаркар.

Чаирчани ќе играат десет меча играње пред празни трибини и ќе платат вкупно 200.000 денари од кои 48.000 се поради прекинот, 132.000 според Дисциплинскиот правилник и по 10.000 денари се казна за Рушити Арбин како еден од иницијаторите на инцидентот како и за фрлање петарди.

Со 10.000 денари е казнет и Работнички и тоа поради однесувањето на Ерик Нотиџ, кој исто така е означен како еден од иницијаторите. Средбата е регистрирана со службена победа на Работнички со 20-0.

Меси и Мбапе засега се најдобри стрелци на Мундијалот

Најдобриот фудбалер на Аргентина, Лионел Меси, му се придружи на Французинот Килијан Мбапе, на врвот од листата на најдобри стрелци на досегашниот тек на Мундијалот во Катар. Меси беше стрелец на гол од пенал за Аргентина во полуфиналниот дуел со Хрватска кој заврши со резултат 3:0.

Меси и Мбапе засега имаат по пет постигнати голови, и се најдобри стрелци на ова Светско првенство. Веднаш зад нив со по четири постигнати гола се наоѓаат Хулијан Алварез од Аргентина, и Французинот Оливие Жиру.

Мбапе и Жиру имаат прилика да дадат уште голови на полуфиналниот натпревар кој го играат против Мароко. Победникот од тој натпревар во финалето на СП ќе игра против Аргентина.

Валтер: Освоениот бод може многу да му значи на Пелистер во расплетот од групата

Македонскиот ракометен вицешампион, Еурофарм Пелистер, одигра нерешен натпревар 29:29, на домашен терен во Битола, против шпанската екипа Бидасоа Ирун.

Освоениот бод против Бидасоа во рамките на Европската лига, го приближи Пелистер на чекор до пласман во нокаут фазата од ова натпреварување.

Тренерот на Еурофарм Пелистер, Ларс Валтер, после натпреварот изјави дека освоениот бод може да биде многу важен во расплетот на групата.

„Благодарност до публиката која што дојде на трибините и ни даде поддршка која што многу ни значеше. Добро го почнавме натпреварот, одлично трчавме без топка и имавме поволен резултат. Но, во вториот дел се почувствува тоа што Хосни не тренираше еден месец, исто така и Дејвис, Хенеберг после болест немаше енергија, а се повреди и Кукоски. Па падот во нашата игра беше очекуван. Но и покрај сите проблеми успеавме да се вратиме и да освоиме бод. Како што рече мојот колега, овој бод може многу да значи во понатамошниот расплет во групата. Мислам дека сме на правиот пат. Ако денес овој бод изгледа како лош резултат, сигурен сум дека за неколку дена ќе изгледа многу подобро“, изјави Валтер.

Меси: Оваа екипа е неверојатна, успеавме да ја одведеме Аргентина на уште едно финале

Капитенот на фудбалската репрезентација на Аргентина, Лионел Меси, после победата од 3:0 во полуфиналниот дуел против Хрватска, изјави дека неговата екипа е неверојатна.

„Оваа екипа е неверојатна, успеавме и одиме во финале. Аргентина уште еднаш е во финале на Светско првенство. Сега не очекува последниот натпревар, и тоа е она што сите го посакувавме. Ги замоливме луѓето да ни веруваат бидејќи знаеме колку вредиме“, порачува Меси.

Капитенот на Аргентина изјави дека тимот лошо го почна Мундијалот, но сега ќе игра во финалето. Ова е момент кој сака да го подели со целиот аргентински народ.

Ковачиќ: Натпреварот го одлучија две катастрофални судиски грешки

Фудбалскиот репрезентативец на Хрватска, Матео Ковачиќ, изјави дека неговата екипа даде се од себе во полуфиналниот натпревар против Аргентина на Светското првенство, но истакнува дека дуелот го одлучиле две кардинални судиски грешки.

„Не знам што би рекол. Дадовме се од себе. Сигурно дека можевме да прикажеме подобра игра, но досудениот пенал против нас не погоди. Никогаш не ги кометирам судиите, но две кардинални грешки го одлучија натпреварот. Не можам да поверувам дека не ни беше досуден корнер во еден момент, а потоа следуваше и пеналот. Примивме два смешни гола и тоа не чинеше пласман во финалето. Загубивме, но сега не очекува натпревар за третото место, и ќе се бориме да го освоиме“, изјави Ковачиќ.

Натпреварот за третото место на СП во Катар ќе се одигра во сабота од 16:00 часот.

Жозе Мурињо е кандидат за нов селектор на Португалија

Трофејниот фудбалски тренер, Жозе Мурињо, би можел да стане нов селектор на Португалија.

Според медиумите во Италија, Мурињо веќе разговарал со португалскиот фудбалски сојуз и би можел да ја преземе репрезентацијата на Португалија. Мурињо наводно има специјална понуда која ќе му овозможи да ги води и националниот тим, како и екипата на Рома.

Иднината на актуелниот селектор Фернандо Сантош се уште е нејасна, но се чини дека Фудбалскиот сојуз веќе ја испробува можноста околу Мурињо, кој би можел да биде следниот селектор на селекцијата. Ова ќе биде редок случај каде една национална федерација ќе му дозволи на тренерот да води репрезентација и клуб.

Таткото на Халанд мистериозен околу иднината на неговиот син

Алф Инге таткото на Ерлинг Халанд, вели дека корпулентниот фудбалер на Манчестер Сити може да остане во клубот 15 години, но не е исклучена и можноста да направи трансфер во догледно време.

„Ерлинг сака да докаже дека може да триумфира во која било врвна лига. Тој помина две и половина години во Германија. Може да играте три години во Премиер лигата и потоа да се преселите во Италија, Шпанија или Франција. Ерлинг може да игра за секој тим“ -порача Халанд сениор.

Норвешкиот репрезентативец има договор со „граѓаните“ до 2027 година.

Роналдо ќе продолжи со своите настапи за Португалија

Португалските спортски медиуми пренесуваат дека Кристијано Роналдо нема намера да ја напушти националната репрезентација по завршувањето на Светското првенство во 2022 година, како што претходно се шпекулираше.

Фудбалерот има намера да продолжи да игра за репрезентацијата на Португалија, и планира да игра на Евро 2024. Неговата ситуација ќе зависи и од иднината на актуелиот селектор Фернандо Сантош, кој најверојатно ќе ја напушти функцијата.

Гвардиола е сонот на Бразилците за нов селектор

Бразилската фудбалска конфедерација ќе стапи во контакт со Пеп Гвардиола во следните неколку дена, за да разговара околу евентуалниот негов ангажман на селекторското место кај „кариоките“, пишива шпанскиот весник „Спорт“.

Претседателот на Бразилската конфедерација, Едналдо Родригес, сака од прва рака да дознае кои се професионалните намери на актуелниот тренер на Манчестер Сити и дали постои некаква можност да се вброи во листата на кандидати за селекторското место ослободено по заминувањето на Тите.

Бразилците го сметаат Гвардиола за најдобар тренер во светскиот фудбал денеска и затоа би било добро тој да го преземе повеќекратниот светски шампион.

«< 864 865 866 867 868 >»