„Морам уште еднаш да нагласам, Катар како домаќин и Светското
првенство во 2022 година беше најдоброто во историјата“, изјави
Џани Инфантино, претседател на Светската фудбалска организација
(ФИФА).
Инфантино по повод првата годишнина од шампионатот се наврати на шампионатот.
„Катар и Светското првенство во 2022 година оставија богато
наследство за следните генерации на арапскиот свет.
Катар и фудбалот понудија толку многу, среќа, радост и гордост.

Вкупно пет милијарди луѓе го гледаа Светското првенство.
3,5 милиони се собраа во стадионите, а од околу еден и пол милион од
нив беа навивачи од странство“, изјави првиот човек на
меѓународната фудбалска организација.
„Секој натпревар беше забавен и интересен на свој начин, посебен.
Секако, врв на се беше последната средба и прослава на
Аргентинците предводени од фантастичниот Меси“, додаде
Инфантино.

Интернет порталот Трансфермаркт го претстави рејтингот на
фудбалерите во италијанската Серија А кои добија најголемо
зголемување на трансферната вредност врз основа на времените
резултати од првенството.
Лидер е 22-годишниот напаѓач на Болоња, Џошуа Зиркзе. На второто
место е 21-годишниот играч, Матијас Суле од Фросиноне а најдобрата
тројка ја заокружува играчот на Интер, Маркус Турам.
Топ 10 најскапи играчи во Италија.

1. Џошуа Зиркзи (Болоња, 30 (+17) милиони евра);
2. Матијас Шуле („Фросиноне“, 25 (+17) милиони евра);
3. Маркус Турам (Интер, 55 евра (+15) милиони);
4. Лаутаро Мартинез (Интер, 110 (+10) милиони евра);
5. Бремер (Јувентус, 50 ​​(+10) милиони евра);
6. Раду Драгушин („Џенова“, 20 (+10) милиони евра);
7. Кенан Јилдиз („Ница“, 10 (+9) милиони евра);
8. Рикардо Калафиори („Болоња“, 13 (+8) милиони евра);
9. Кристијан Пулишиќ (Милан, 32 (+7) милиони евра);
10. Едерсон (Аталанта, 27 евра (+7) милиони).

Аталанта не планира да го продаде рускиот играч за врска, Алексеј
Миранчук во зимскиот преоден рок.
Неговите добри настапи во последните натпревари го убедија клубот
од Бергамо да одлучи да го задржи, пренесуват италијанските
медиуми. Според изворот, Миранчук е еден од претендентите да биде
стартер во вториот дел од сезоната во Серија А.
Тој во понеделникот на мечот со Салернитана за првпат се запиша во
листата на стрелците во тековнава сезона.

Фудбалерите на Ливерпул доцна синоќа триумфираа против Вест Хем
со 5-1 и го пополнија последното место во полу-финалето во Лига
Купот на Англија.
„Црвените“ сега ги очекува пресметка со Фулам додека Челзи ќе оди
на мегдан со Мидлзборо.
Првите натпревари ќе бидат одиграни на 9 јануари додека реваншите се закажани за 23 јануари.

Барселона вчера успеа да ја совлада Алмерија со 3-2 и да освои нови
бодови во најсилната фудбалска конкуренција на Шпанија.
Иако домаќините се вложија максимално за да ја остварат целта,
нивниот тренер, Чави, упати критики за односот на фудбалерите.
„Tимот го нема истиот дух што го покажа во шампионската сезона.
Ни недостасува агресија и концентрацијa“, изјави Чави незадоволен
што Каталонците примија два гола.

Париз Сен Жермен е блиску до потврда за трансферот на Лукас Лопез Бералд од бразилскиот Сао Паоло.

Станува збор за бразилски стопер кој професионален фудбалер стана пред една година. Берландо важи за еден од најталентираните на својата позиција и ПСЖ за него би требало да плати околу 25 милиони евра.

Досега одигра 51 натпревар за Сао Паоло и постигна еден гол, а за репрезентацијата на Бразил до 20 години собра 20 настапи.

Фабрицио Романо објави дека Сао Паоли го проценува на 25 милиони евра и клубовите би можеле да се договорат. Од друга страна самиот Берландо веднаш ги прифатил личните услови и не правел никаков проблем.

Марко Верати минатото лето го напушти ПСЖ и неочекувано кариерата ја продолжи во Катар. Верати се пресели во Ал Араби за 45 милиони евра, а за овој клуб досега одигра осум натпревари и подели четири асистенции.

Јасно е дека во нозете на 31-годишниот Италијанец се уште има квалитетен фудбал и сигурно може да биде на нивото потребно за европскиот фудбал уште некоја година.

Сега се појавува изненадувачка информација дека Барселона може да го доведе Верати како решение до крајот на сезоната. Каталонците имаат проблеми, Гави ја заврши сезоната, Педри се мачи со повредите и сега се здоби со нова, иако е полесна доволна е за аларм во јануарскиот преоден рок.

Опцијата би била Верати да дојде како позајмен фудбалер до крајот на сезоната. Скоро целата своја кариера Верати ја помина во ПСЖ каде што дојде од Пескара.

Британскиот радиодифузен сервис „Би-би-си“ го прогласи Ерлинг Халанд за спортист на годината.

Дваесет и тригодишниот норвешки напаѓач освои тројна круна со Манчестер сити во сезоната 2022/23, освојувајќи ги Премиер лигата, ФА Купот и Лигата на шампионите.

Халанд наградата спортска личност на годината ја доби на свечена церемонија организирана од „BBC“.

За наградата конкурираа и американската гимнастичарка Симон Бајлс, фудбалерката на Шпанија и Барселона, Ајтана Бонмати, тенисерот Новак Ѓоковиќ, капитенот на јужноафриканскиот рагби тим Сија Коласи и светскиот шампион во Формула 1, Макс Верстапен.

Минатата година наградата ја освои Лионел Меси, кој со Аргентина го освои Светското првенство.

Брахим Диаз ова лето се врати во Реал Мадрид и требаше да биде
големо засилување, но може експресно да си замине.
Диаз блескаше во дресот на „росонерите“, па Реал одлучи да го врати
како замена за Асенсио ова лето. Меѓутоа, Диаз не се вклопува во
системот на игра на Анчелоти и добива мала минутажа, па може
експресно да го напушти „кралскиот“ клуб.

Шпанските медиуми пренесуваат дека Реал е спремен да го пушти
уште во јануари, а четири клуба од Серија А и Премиер лигата
покажуваат интерес за него.
Диаз изминатите три години со успех го носеше дресот на Милан, па
е спремен да се врати во Италија.

Англиските медиуми пренесуваат дека неколку клубови од Премиер
лигата се заинтересирани за ѕвездата на Интер, Николо Барела.
Барела веќе две сезони е еден од најдобрите играчи за врска во Серија
А и го привлече вниманието на многу европски клубови. Интер има
финансиски проблеми и на лето најверојатно ќе мора да направи
продажба на една голема ѕвезда.
„Нероаѕурите“ сакаат да го задржат 26-годишниот играч за врска, но
доколку пристигне богата понуда нема да можат да ја одбијат.
Манчестер Сити и Њукасл покажуваат најсилен интерес за
Италијанецот и нема да жалаат пари да го доведат во своите редови.