Мбапе даде јасен знак дека не сака да остане во ПСЖ
Килијан Мбапе се уште не го продолжил договорот со ПСЖ, истиот истекува следното лето, а „светците“ инсистираат да ја продолжат соработката. Но, францускиот репрезентативец засега е без одговор на понудата. Парижаните инсистираат на нов договор, не штедат средства за тоа, но Мбапе сака нов предизвик и тоа во Шпанија, бидејќи француските медиуми пишуваат дека лично тој имал желба да потпише за Реал Мадрид. Мбапе отсекогаш тврдел дека е навивач на Реал Мадрид, но доколку „кралевите“ го сакаат ова лето, ќе мора да исплатат најмалку 200 милиони евра на име отштета.
Започнува делот од сезоната каде не е дозволен кикс
Во наредните пет дена, односно по одигрувањето на натпреварите од Плеј-аут лигата, е бидат познати двете екипи кои и во следната натпреварувачка сезона ќе бидат дел од Првата лига-мажи, како и две кои ќе мора да се префрлат во понискиот ранг на натпреврување – Втората лига. Од денеска, со натпреварите Кожув-Црн Дрим Грин мобиле и МЗТ Скопје Уни Банка – Вардар, стартуваат елиминациите. Согласно со Пропозициите, Плеј-аут серијата ќе се игра според принципот „подобар од три“. Местото во елитата ќе го задржат екипите кои први ќе стигнат до две победи. Од 17.часот, во Гевгелија, екипата на Кожув го пречекува Црн Дрим Грин мобиле. Гевгеличани завршија со скор (10-12), но тоа не беше доволно за да се избори место во првата „осумка“. Па за опстанокот ќе треба да биде подобра од стружани, кои пак во последниот месец направија уште неколку промени во ростерот со кои ќе атакуваат на изненадување во оваа завршна серија во сезоната. Уште повозбудлива, се чини, ќе биде серијата во која вечерва (од 19.15 часот), ќе ја отворат екипите на МЗТ Скопје Уни Банка и на Вардар. Младиот состав од Аеродром ќе проба да ги повтори претходните иданија кои и ги донесоа до бројката од шест победи, или две повеќе во однос на нивниот вечерашен ривал, кој важи за нешто поискусен, но не е и во улога на фаворит во оваа серија која ќе биде доста изедначена, со оглед на приближниот квалитет кој го поседуваат скопските ривали.
Позната саатницата за натпреварите на Македонија на ЕП 2022
Европската ракометна федерација (ЕХФ) ги информираше учесниците на ЕП за саатниците на натпреварите кои ќе ги играат на Европското првенство (ЕП) кое се одржува на стартот на 2022 година во Унгарија и Словачка. Нашата ракометна репрезентација која преку квалификациите обезбеди место на ЕП ќе одигра три средби во првата групна фаза, против селекциите на Данска, Словенија и Црна Гора. Првите два натпревари против Словенија и Црна Гора ќе ги игра во ист термин од 18.00 часот, додека против Данска во вечерниот термин од 20.30 часот. Натпревари на Македонија на ЕП 2022: Македонија – Словенија (13 јануари, 18:00) Македонија – Црна Гора (15 јануари, 18:00) Македонија – Данска (17 јануари, 20:30) Македонската ракометна репрезентација ќе игра во групата во Дебрецен, Унгарија.
Арсенал ја состави трансфер листата за ова лето
Арсенал подготвува сериозна чистка во својот состав на лето по слабата сезона што ја играше тимот. Според „Телеграф“, се очекува да бидат продадени најмалку пет играчи. Менаџерот Микел Артета ќе добие зелено светло од управата за да ги направи потребните измени за да го врати тимот на врвот на табелата. Петмината кои ќе си заминат се Калум Чемберс, Ектор Белерин, Александре Лаказет, Давид Луис и Еди Нкетија. Агентот на Давид Луис веќе започна да бара нов тим за Бразилецот. Неговиот договор истекува и нема да биде обновен. Останатите се очекува да бидат продадени, па дури и бараат замени за нив. За да го засилат нападот, Арсенал се насочи кон Пол Онуачу од Генк. Опции за нови десни бекови се Ашраф Хакими од Интер и Тарик Лампти од Брајтон. Во составот сигурно ќе има и други нови имиња.
По 22 години се вратија во Серија А, па мораат да го менуваат сопственикот!
Салернитана успеа да избори враќање во италијанската Серија А. Овој клуб не настапувал во највисокиот ранг на италијанскиот фудбал уште од 1999. година. Сепак, тие се уште не се сигурен член на лигата. Имено, сопственик на Салернитана е Клаудио Лотито. Тој воедно е и сопственик на Лацио, а постои пропис кој вели дека во иста лига не може да настапуваат два клубови кои имаат ист сопственик. Затоа Салернитана, доколку догодина сака да настапи во Серија А, ќе мора да го промени сопственикот. Италијаните очекуваат дека Лотито ќе ја продаде Салернитана до крајот на идниот месец, бидејќи веќе има заинтересирани страни. Во нејзината 102-годишна историја, ова за Салернитана ќе биде само трет настап во првата лига. Се работи за клуб за кој, помеѓу останатите, настапувале Валтер Зенга и Џенаро Гатузо.
Аријан Адеми влезе во историјата на Динамо Загреб (фото)
Македонскиот репрезентативец Аријан Адеми со Динамо Загреб ја завери 22. титула во фудбалското првенство на Хрватска, четврта титула во низа, што беше уште една потврда на доминацијата на овој клуб. Нашиот репрезентативец и капитен на хрватскиот великан се издвои во овој клуб и се запиша во историјата како првиот со десет титули освоени во дресот на Динамо во најсилната лига на Хрватска.
Хрватот Влашиќ е замена за Чахланоглу во Милан
Милан е силно заинтересиран за хрватскиот репрезентативец, Никола Влашиќ. Иднината на Хакан Чалханоглу на „Сан Сиро“ е неизвесна, па Милан сака да донсе офанзивен играч за врска, кој е креативен. Прв избор е ѕвездата на ЦСКА Москва, Никола Власиќ кој игра фантастично во руското првенство. Власиќ може да игра на неколку позиции, како класична „десетка“, но и како крилен фудбалер. 23-годишниот Хрват оваа сезона има постигнато 12 гола и 6 асистенции на 34 натпревари за ЦСКА Москва и го привлече вниманието на многу европски гиганти.
Кавани го продолжи договорот со „ѓаволите“ од Манчестер
Манчестер Јунајтед официјално ја потврди веста дека Единсон Кавани потпишал договор со „црвените ѓаволи“ на уште една сезона. Информацијата кој беше потврдена од клубот е дека новиот договор на Кавани е до јуни 2022 година. „Во текот на сезоната, развив голема приврзаност кон клубот и сè што тој претставува за мене и навивачите. Одлично соработувам со соиграчи и целиот персонал што работат во клубот. Тие ми даваат дополнителна мотивација секој ден. Знам дека заедно можеме да постигнеме многу големи нешта. Од моментот кога дојдов, ја почувствував довербата на менаџерот. Како играч, тоа ви дава совршена можност да го покажете најдобриот фудбал за кој сте способни. Сакам да му се заблагодарам за тоа. Сè уште не сум играл пред публиката на „Олд Трафорд“ и тоа е нешто што го чекам со нетрпение”, изјави Кавани кој досега има 15 голови за Манчестер Јунајтед.
Тухел: Вернер е фантастичен, секогаш сака да даде повеќе
Фудбалерите на Челзи успеаа да поминат триумфално на теренот на Манчестер Сити откако направија комплетен пресврт и победија со 2- 1. Победничкиот гол го постигна Алонсо по асистенција на Тимо Вернер кој во последно време добива серија на критики поради слабите партии. Сепак, во негова одбрана застана тренерот, Томас Тухел. „Сите го критикуваа Тимо, но, неделава одлично се покажа во одредени ситуации. Начинот на кој работи на теренот е фантастичен. Тој секогаш сака да даде повеќе со неговите спринтови“, потенцираше Тухел.
Колеџ дресот на Џордан продаден за рекордна сума (фото)
Дресот на најдобриот кошаркар на сите времиња, Мајкл Џордан кој го носел на колеџ е продаден на аукција за неверојатни 1,38 милиони долари. Станува збор за дресот во кој Џордан одиграл натпревари на колеџ во Северна Каролина, па не е чудно што достигнал рекорден износ, поголем од било кој негов дрес во НБА лигата. Покрај ова, дресот е дел од гарнитурата во која Северна Каролина играла во сезоната 1982/83, кога Џордан е прогласен за играч на годината во НЦАА лигата и во кој се појави на насловната страна на магазинот Спортинг њуз по тој повод. „Како што сама по себе кажува и финалната понуда која е прифатена, овој дрес е се она што еден сериозен колекционер сака да го има.“ – изјавил Крис Ајв од аукциската куќа Херитеџ.
