Саутемптон донесе одлука да го отпушти досегашниот тренер Вил Стил поради слабите резултати.

Младиот тренер го напушти Ланс минатото лето. Причината е неговата девојка, која се опоравува од инфекција на мозокот во Лондон и тој сакаше да биде што поблиску до неа.

Ќе го решиме проблемот со отпадот ако го гледаме како ресурс, а не како ѓубре! | Уште еден поткаст

Саутемптон беше неговиот избор. Неговото внимание го привлече проектот и амбицијата да се вратат веднаш во Премиер лигата, но 21-та позиција во Чемпионшипот не го задоволува никого на “Сент Мерис”.

Поради тоа, клубот реши да го отпушти по 16 натпревари во сите натпреварувања колку што беше на клупата во Чемпионшипот. Само четири победи, три врзани порази и многу слаба офанзива…

Холандскиот стратег Ерик тен Хаг повторно би можел да се врати во Премиер лигата, откако по неуспешната авантура во Баер Леверкузен доби отказ на самиот старт од сезоната.

Според информациите на познатиот италијански новинар Фабрицио Романо, Тен Хаг е меѓу главните кандидати за нов тренер на Вулверхемптон, клуб кој остана без кормилар по серија слаби резултати.

Иако неговиот мандат во Манчестер јунајтед не донесе очекувани успеси, раководството на Вулвс верува дека искусниот Холанѓанец може да донесе стабилност и нова енергија во тимот.

Поранешниот македонски репрезентативец, Виктор Треневски, според црногорските медиуми и главниот кандидат за нов тренер на фудбалскиот клуб Партизан.

Партизан, во неделата му врачи отказ на Срѓан Благојевиќ, откако клубот испадна од Купот на Србија, по поразот од второлигашот Мачва, а во саботата доживеа тежок пораз од Чукарички.

Виктор Треневски е поранешен македонски фудбалер кој ги бранеше црно-белите бои помеѓу 1995 и 1998 година.

Досега, Треневски беше тренер на Грбљ, Ком, Дечиќ, Работнички и Заврч, додека моментално е главен тренер на Балкан Иглс, тим кој се натпреварува во третото ниво на црногорскиот фудбал.

Од друга страна „Телеграф“ пишува дека потпретседателот на клубот Предраг Мијатовиќ сака шпански тренер.

Прв избор е Диего Мартинез, 44-годишен стручњак кој во текот на својата кариера ги тренираше Осасуна, Гранада, Еспањол, Олимпијакос и Лас Палмас.

Фиорентина би можела да го отпушти главниот тренер Стефано Пиоли, објави италијанскиот новинар Фабрицио Романо денес.

Шеесетгодишниот тренер е блиску до разделба со италијанскиот клуб по само неколку месеци поминати на клупата на тимот од Фиренца. Пиоли го презеде тимот на Фиорентина во јули, заменувајќи го Рафаеле Палардино.

Фиорентина нема победа во Серија А оваа сезона и е 19-та на табелата со само четири бода од 10 натпревари. „Виолетовите“ вчера загубија со 0-1 дома од Лече.

Челниците на Манчестер Јунајтед покажува дека се заинтересирани за поранешниот играч на Барселона, Витор Роке.

Бразилецот по тешката година во Шпанија се врати во татковината и се чини дека се прероди во тимот на Палмеирас, Според објавите во Англија, Манчестер Јунајтед многу внимателно го следи 20-годишниот напаѓач и може да плати 50 милиони евра за неговиот потпис.

Трансферот во Јунајтед би бил малку веројатен во јануари, но е сосема можен следното лето ако Роке продолжи со својата добра форма.

Премиерлигашките ривали Тотенхем и Челзи повторно ќе вкрстат копја, овојпат на трансфер пазарот. Двата клуба се во потрага по засилување во нападот и го имаат идентификувано напаѓачот на Порто, Саму Агехова, како приоритетна цел. 21-годишниот Шпанец, кој минатото лето премина од Атлетико Мадрид во Порто, импресионира со 36 голови на 57 настапи и брзо се етаблираше како еден од најперспективните млади таленти во Европа.

Претседателот на Порто, поранешниот менаџер на Челзи, Андре Вилаш-Боаш, наводно е подготвен да го пушти Агехова за сума од околу 80 милиони евра. Иако неговиот договор важи до 2029 година и содржи клаузула за откуп од 100 милиони, клубот се соочува со финансиски притисоци и верува дека има доволна длабочина во нападот. Затоа трансферот веќе во јануари не е исклучена опција.

Челзи повторно се враќа по Агехова, откако минатото лето трансферот пропадна поради повреда на зглобот и неуспешен лекарски преглед. Тотенхем, од друга страна, бара наследник на Ричарлисон, кој најверојатно ќе си замине во 2026 година. Новиот менаџер, Томас Франк, наводно не е целосно убеден од напаѓачките опции, па клубот активно ја следи ситуацијата. Јануарскиот преоден рок би можел да биде клучен во трката за потписот на младиот Шпанец.

Навивачите на Вест Хем приредија страстен протест во рамките на Лондон Стадионот, и тоа веднаш по победата од 3-1 против Њукасл. Иако резултатот донесе големо олеснување и прва домашна победа уште од февруари, дел од публиката остана на трибините околу 40 минути по последниот свиреж, барајќи промени во врвот на клубот.

Протестот беше организиран од навивачките групи „Hammers United“ и „Crossed Hammers“, кои ја насочија својата порака кон претседателот Дејвид Саливан и потпретседателката Карен Брејди. Оваа акција следуваше по неодамнешниот бојкот на натпреварот против Брентфорд и претставува дел од континуираниот притисок за ново раководство и посериозна визија за иднината на клубот.

На теренот, Вест Хем конечно го прекина долгото „сушно“ домашно издание. Головите на Лукас Пакета и Томаш Сучек, како и автоголот на Свен Ботман, му донесоа на тимот важни три бода.

Тренерот Нуно Еспирито Санто го нагласи значењето на триумфот, негов прв на домашен терен, и ја пофали посветеноста на навивачите. Истакнувајќи дека целта е Лондон Стадионот повторно да стане „тврдина“. Тој додаде дека тимот е решен да ги подобри настапите и да создаде атмосфера што ќе ги обесхрабри гостинските екипи.

И покрај победата, незадоволството од управата не стивнува. Клубот се наоѓа во долниот дел на табелата во Премиер Лигата, а поддржувачите стравуваат за иднината. Навивачките организации најавија дека ќе продолжат со протестите сè додека не дојде до вистински промени.

Франко Мастантуоно, ветувачкиот млад аргентински крилен играч на Реал Мадрид, е надвор од терените поради повреда на препоните. Клубските медицински стручњаци засега не даваат конкретна временска рамка за неговото закрепнување, следејќи го внимателно неговиот напредок.

Повредата на Мастантуоно ја истакнува чувствителноста на младите таленти кога се соочуваат со интензивни натпревари и ја нагласува тешката рамнотежа што клубовите мораат да ја одржуваат помеѓу фитнесот на играчите и натпреварувачките обврски.

Рома официјално започна разговори за можна јануарска трансфер зделка со напаѓачот на Манчестер Јунајтед, Џошуа Зиркзи. Холандскиот фудбалер, кој блескаше во Серија А со Болоња, е решен да ја напушти Англија во потрага по поголема минутажа и шанса да се врати во форма пред Светското Првенство.

Зиркзи има одиграно само 82 минути во Премиер Лигата без ниту еден старт оваа сезона. Недостатокот на играчко време го натера да побара нов предизвик оваа зима.

Рома, која моментално е четврта во Серија А, има проблем со ефикасноста. Само 10 постигнати голови, најмалку меѓу водечките десет тимови. Тренерот Џан Пиеро Гасперини го гледа Зиркзи како „совршен профил“ за засилување на нападот, особено по повредата на Пауло Дибала која дополнително ја ослаби офанзивата на тимот.

Според италијанските медиуми, 24-годишниот напаѓач е подготвен дури и да ја намали својата плата за да го реализира трансферот во лигата каде што веќе се докажа со 14 голови и 9 асистенции во дресот на Болоња. Преговорите се насочени кон заемна зделка која би била прифатлива за финансиските ограничувања на Рома.

Зиркзи има договор со Манчестер Јунајтед до јуни 2029 година, а неговата пазарна вредност се проценува на околу 30 милиони евра. Иако интерес покажале и Јувентус и Милан, Рома во моментов се смета за главен фаворит за неговиот потпис.

Вилијам Салиба призна дека интересот од клуб како Реал Мадрид е „навистина примамлив“ за секој фудбалер. Францускиот дефанзивец, кој брзо се етаблира како еден од најдобрите стопери во Европа, откри дека бил поласкан од вниманието на шпанскиот гигант, но дека неговиот фокус останува целосно насочен кон Арсенал.

Во неодамнешна изјава, Салиба истакна дека: „Реал Мадрид е сон за многумина, но мојата цел е прво да освојам трофеи со Арсенал“. Со тоа, 24-годишниот Французин ја потврди својата зрелост и посветеност кон лондонскиот клуб и неговите амбиции.

Салиба не остана само на зборови, тој неодамна потпиша нов договор со Арсенал, со важност до јуни 2030 година. Со тоа стана еден од најплатените дефанзивци во светот, што е јасен сигнал за решеноста на клубот да го задржи како клучен играч во одбраната.

Менаџерот Микел Артета не го крие задоволството: „Вилијам е среќен, амбициозен и сака да биде дел од успехот што го градиме. Тој е темелот на нашата одбрана.“

Оваа сезона, Салиба е еден од најважните играчи во тимот, придонесувајќи Арсенал да има една од најцврстите одбрани во Европа. Неговата смиреност, физичка моќ и прецизност во играта му донесоа респект ширум Европа, но и потврда дека Арсенал има лидер за сегашноста и иднината.

Со новиот договор и јасната порака дека останува во Лондон, Салиба ја засили позицијата на клубот во трката за домашни и европски трофеи, како непоколеблив столб во срцето на одбраната.