feature

Манчини ја презема Рома од следната сезона?

Поранешниот италијански селектор Роберто Манчини фигурира како прв фаворит за преземање на тренерската функција во Рома следната сезона, пишуваат медиумите на Апенините.

Спортскиот директор на „волчицата“, Флоран Гизолфи наводно добил потврда од сегашниот тренер Клаудио Раниери дека ќе ја напушти функцијата на крајот на сезоната Раниери се врати од пензија за да му помогне на саканиот клуб.

Изминативе денови се интензивираа шпекулациите дека Рома преку претставници на клупските челници стапила во контакт со поранешниот тренер на Интер со намера да му го довери раководењето на тимот следната сезона.

Одлуката да се фокусира на Роберто Манчини произлегува од желбата на раководството на Рома да му го довери тимот на домашен тренер со искуство во Серија А и на меѓународно ниво.

Манчини е без работа откако се раздели со репрезентацијата на Саудиска Арабија минатата есен.

За него, работата во Рома би била негова прва во клупскиот фудбал по осум години, кога го предводеше рускиот клуб Зенит Во текот на неговата тренерска кариера, Манчини постигна бројни успеси, вклучително и освојувањето на Премиер лигата со Манчестер сити во 2012 година и титулата Европски шампионат со Италија на ЕП во2020 година.

Последниот ангажман на Манчини во Серија А беше во Интер, кој го напушти летото 2016 година. Од италијанските клубови ги водеше и Лацио и Фиорентина.

Со Интер, тој во три наврати го освои Скудетото, а додаде и два трофеи во Копа Италија и еден во Суперкупот. Тој исто така освои по една титула во Копа Италија со Лацио и Фиорентина.

Бојан Богдановиќ се раздели со Бруклин Нетс

На лошите вести за Бојан Богдановиќ им нема крај.

Истиот ден кога дозна дека мора да има уште една операција, трета во изминатата година, популарниот Бабо доби отказ во Бруклин Нетс.

Поранешниот хрватски репрезентативец сега е слободен играч, а Нетси добија простор да го ангажираат Килијан Хејс, како и дополнителни пари во селери капот за да потпишат долгорочен договор со Тајрис Мартин.

Што се однесува до Богдановиќ, тој за два месеци ќе го прослави својот 36 роденден и големо прашање е што ќе биде со неговата кариера.

Раул Алонсо: Ние сме Реал и не ни е брига против кој ривал ќе играме

Младиот дефанзивец на Реал, Раул Асенсио одговори на прашањето за посакуваниот противник во осминафиналето од Лигата на шампионите. Реал Мадрид го победи Манчестер Сити со вкупни 6-3 и се пласираше во осминафиналето на турнирот, па сега се очекува утрешната ждрепка за да се комплетираат двојките.

Како потенцијални ривали за Реал Мадрид во следната рунда се Баер Леверкузен или Атлетико Мадрид.

„Ние сме Реал Мадрид. Не ни е грижа со кого играме. Ќе се бориме и ќе се обидеме да поминеме во следната рунда“, изјави дефанзивецот на Реал, Раул Асенсио, веднаш по вчерашниот меч.

Грчевски го објави списокот за двомечот со Србија

Селекторот на женската сениорска ракометна репрезентација на Македонија, Кристијан Грчевски го објави списокот на повикани ракометарки за подготовки за време на ЕХФ националната недела во март 2025 година.

Во рамки на ЕХФ неделата од 3 до 9 март женската сениорска селекција ќе оддигра две пријателски средби против селекцијата на Србија. Натпреварите ќе се оддиграат во Бор, Србија на 7 и 8 март.

Собирот на женската национална селекција е на 3 март во понеделник во малата спортска сала при Спортски Центар Јане Сандански во Скопје.

Челзи му потврди доверба на Енцо Мареска

Сопствениците на Челзи му веруваат на тренерот Енцо Мареска. Лондонскиот клуб победи на само три од последните десет натпревари и вече почнаа гласини за промена на тренерското место

Како што пишуваат оствровските медиуми, играчите покажале добра реакција на тренинзите по овој пораз. Извори од клубот ја опишуваат атмосферата како позитивна. Мареска јасно ги идентификуваше проблемите што треба да се решат.

Сопствениците на Челзи продолжуваат да го поддржуваат италијанскиот стручњак. За разлика од ситуацијата со Маурисио Покетино, клубот не планира да спроведе сеопфатна проценка на учинокот на тренерот на крајот од сезоната.

Раководството на лондончани и понатаму верува дека Мареска е вистинскиот избор за да го врати Челзи на шампионски патеки.

Сабаленка елиминирана во осминафиналето во Дубаи

Клара Таусон го направи најголемото изненадување на турнирот во Дубаи, откако ја елиминираше светската тенисерка број 1, Арина Сабаленка со 6-3, 6-2.

22-годишната тенисерка од Данска доминираше на натпреварот и се пласираше во четвртфиналето на турнирот од серијата 1000 за првпат во кариерата.

Таусон, која е рангирана на 38. место во светот, имаше шест брејка во мечот, водејќи речиси цело време. Победата ја однесе за час и 23 минути игра, а ова и е прв успех во кариерата против најдобрата тенисерка на ВТА листата.

Таа во четвртфиналето ќе се сретне со Линда Носкова (Чешка) која со 6:3, 7:6 (8) ја совлада Џесика Пегула.

Лазаров: Нема да калкулираме ни на реваншот со Бриксен

Македонскиот претставник Алкалоид во сабота на домашен терен, во салата „Автокоманда“ ќе го пречека Бриксен во реванш осминафиналниот натпревар од ЕХФ Европскиот куп. По тој повод денеска на прес-конференција, Алкалоид го најави реваншот за пат во четвртфиналето.

„Неочекувано извојувавме висока победа над еден ривал од Италија, земја во која ракометот на репрезентативно и клупско ниво е во подем. Се одлепивме во последните неколку минути и стигнавме до убедлива победа. Момците одиграа одлично и сега сакам и очекувам да победиме и во реваншот. Добро сме подготвени, ривалот е квалитетен, но ние сме подобри и тоа треба да го потврдиме на теренот“, изјави тренерот на Алкалоид, Кирил Лазаров.

Мартин Велковски исто така очекува нов триумф со поддршка од фановите.

„Ривалот е добар, игра ракомет во висок ритам, но ние сме поквалитетни. Очекувам да имаме поддршка и од нашите навивачи и на крајот да се радуваме на нова победа“, истакна Мартин Велковски.

Уругваецот Оливера доби нов договор во Наполи

Наполи наводно е на прагот да потпише нов договор со уругвајскиот лев бек Матијас Оливера. Според Калчомеркато, 27-годишниот фудбалер наскоро ќе стави потпис на нов договор.

Оливера веќе се согласил на нова долгорочна соработка со Наполи. Иако неговиот сегашен договор истекува во 2027 година, избраниците на Антонио Конте ги забрзаа преговорите за продолжување со агентот на играчот.

Оливера наскоро ќе го продолжи договорот до 2030 година, а Наполи е подготвен да го награди со зголемување на платата.

Салах го израмни рекордот на Азар

Мохамед Салах го повтори достигнувањето на Еден Азар. Со голот и асистенцијата на синоќешниот меч со Астон Вила, крилниот напаѓач на Ливерпул веќе има 24 гола и 15 асистенции во актуелното англиско првенство.

Тој стана првиот играч кој постигнал најмалку 15 гола и 15 асистенции во Премиер лигата по Еден Азар од Челзи во 2018/19 година. Белгиецот тогаш имаше 16 гола и 15 асистенции.

Тен Хаг го наплати отказот од Манчестер

Ерик Тен Хаг добро го наплати отказот што му го врачи Манчестер јунајтед. Клубот од „Олд Трафорд“, покрај Тен Хаг ги обесштети и неговите помошници, како и спортскиот директор Ден Ешворт.

Манчестер јунајтед е навистина очаен оваа сезона, а ниту промената на тренерот не ги подобри резултатите. „Црвените ѓаволи“ во моментов се на 15. место на табелата во Премиер лигата, со само 29 бодови.

Навивачите на клубот од „Олд Трафорд“ веруваа дека проблемот е Ерик Тен Хаг, а неговиот отказ скапо го чинеше Јунајтед.

И воопшто не е тајна колкава сума исплати клубот. Манчестер јунајтед мораше да плати вкупно 17,5 милиони евра на сите горенаведени лица.

Поточно, Јунајтед исплати 12,5 милиони евра за заминувањето на Тен Хаг и неговите помошници, како и пет милиони за заминувањето на спортски директор. Инаку, вкупните загуби за овој квартал изнесуваат 33,4 милиони евра.

Холандскиот стручњак доби отказ во октомври минатата година, само неколку месеци откако го продолжи договорот до 2026 година. Тогаш Манчестер беше 14.на табелата, а во меѓувреме дури и се лизна за едно место под команда на Рубен Аморим.

«< 88 89 90 91 92 >»