Лајпциг е подготвен во зимскиот преоден рок да го продаде македонскиот репрезентативец Елиф Елмас, тврди еден од водечките германски медиуми,„Билд“.

Елмас од почетокот на сезоната нема никава улога во тимот на Марко Росе. Во Бундес лигата настапи на на само два натпревари, одигра вкупно 44 минути. Ова е доволен показатл дека тренерот не смета на услугите на фудбалерот за чии услуги клубот пред една година на Наполи му плати 24 милиони евра.

Инаку, Елмас нема да игра до крајот на годината поради повредата со која се здоби на натпреварот со Латвија во Скопје, во Лигата на нации.

„Билд“, во својот текст тврди дека намера на клубот е да го продаде македонскиот репрезентативец, а не да го испраќа на позајмица. Според овој извор, Лајпциг за Елмас би прифатил обесштетување од 15 милиони евра.

Наводно неколку италијански клубови покажале интерес за Елмас, а од претходно се знае дека ситуацијата со македонскиот репрезентативец внимателно ја следат турските великани Фенербахче и Галатасарај.

Фудбалерот на Интер, Дензел Дамфрис го продолжи договорот на уште три години, што значи дека во Милано ќе остане до 2028 година.

Холандскиот фудбалер со новиот договор ќе добие покачување на платата, па годишно ќе добива четири милиони евра, објавија италијанските медиуми. За разлика од медиумите клубот не ги соопшти финансиските детали од договорот на 28-годишниот десен бек.

Во 2021 година, Дамфрис се пресели од ПСВ во Интер, за кој одигра 147 натпревари, постигна 13 гола и го освои шампионатот, два Купа на Италија и три Суперкупа.

Играчот од средниот ред на Реал Мадрид, Едуардо Камавинга се повреди и беше заменет во вториот дел од мечот кој неговиот тим го загуби од Ливерпул со 2-0 во Лигата на шампионите.

Францускиот репрезентативец доживеа истегнување на мускулот додека ја бркаше топката и падна на земја држејќи го задниот дел од левата нога. Тој беше прегледан од медицинскиот тим на Реал Мадрид пред да биде заменет со Дани Себаљос во 57. минута на „Енфилд“.

22-годишниот Камавинга се здоби со повреди на коленото минатата сезона, што го оддалечи долг период од теренот. Според последните извештаи во Шпанија, играчот од средниот ред ќе отсуствува најмалку 2-3 недели, што е уште една лоша вест за тренерот Карло Анчелоти.

Во амбулантата на Реал Мадрид се и Винисиус Жуниор, Родриго, Аурелиен Чуамени, Едер Милитао, Даниел Карвахал и Давид Алаба.

Тренерот на РК Алкалоид, Кирил Лазаров, зборуваше на денешната прес-конференцијата пред натпреварот од Еврокупот на ЕХФ против екипата на Вествиен од Австрија.

Лазаров го најави мечот и очекува сериозен пристап од неговите ракометари. Што се однесува до здравствениот билтен, тој е прилично поволен, а тренерот смета дека противникот е доста силен и повика на внимателна игра, без непромислени потези и технички грешки.

„Вест Виена е тим кој може да се каже е дека е државен проект. Се потпираат на млади играчи и се доста незгодна екипа. На некој начин, тоа е скоро целата младинска австриска репрезентација. Од материјалите што ги имаме, мислам дека е технички добро подготвен тим, точно знаат што сакаат, добро трчаат и имаат сличен стил на нашиот.

Јавноста и публиката ќе има можност да проследат два натпревари во период од 48 часа. Се надевам дека навивачите ќе бидат сведоци на две наши победи, но тоа мора да го одработиме на теренот. Здравствениот биланс е солиден и ќе ги имам повеќето играчи на располагање, со исклучок на повредените Дамјан Митев и Никола Костески“, изјави Лазаров.

Двата натпревари помеѓу Алкалоид и Вест Виена ќе се одиграат во Скопје, првиот на 29 ноември во 19:00 часот, а возвратниот дуел е закажан за ден подоцна во истиот термин.

Поранешниот напаѓач на Манчестер Јунајтед, Руд ван Нистелрој ќе биде назначен за менаџер на Лестер Сити, објави „Телеграф“. Холанѓанецот ќе го замени Стив Купер, кој доби отказ пред неколку дена, а главна задача пред него ќе биде да му помогне на тимот да остане во Премиер лигата.

Веќе е постигнат договор меѓу двете страни и прашање на време е кога ќе се објави веста. Греам Потер беше другата главна опција пред клубот.

Ван Нистелрој штотуку го заврши својот престој во Манчестер Јунајтед. Тој се врати на „Олд Трафорд“ летото како помошник на сонародникот Ерик тен Хаг, но по отпуштањето на поранешниот тренер на Ајакс, тој беше назначен за привремен менаџер. Тој го водеше Јунајтед во четири натпревари, од кои два – во Лига купот и во Премиер лигата – беа директно против Лестер и помогнаа да се реши ослободувањето на Купер бидејќи „црвените ѓаволи“ ги победија со три гола разлика.

Руд ван Нистелрој досега само еднаш во кариерата беше тренер на некоја екипа. Тоа беше во тимот на ПСВ Ајндховен, со кој го освои Купот на Холандија во сезоната 2022/23, а деновиве беше поврзуван и со Хамбургер.

Тренерот на Ливерпул, Арне Слот, по синоќешната победа над Реал Мадрид (2-0) се осврна на промашените пенали на Килијан Мбапе и Мохамед Салах.

Мбапе во 61.минута пропушти шанса да му донесе изедначување на Реал, додека Салах во 70.минута не го зголеми водството на домаќините.

„Денес и двајцата ни покажаа дека и тие се исти луѓе како сите нас. Во случајот со Мбапе, Келехер беше неверојатен. Тој направи нешто несекојдневно за нас, како и нашиот друг голман (Алисон), кој не е ништо помалку величествен“, изјави Слот.

Ливерпул има пет победи на исто толку натпревари и води во поредокот на Лигата на шампионите.

Реал Мадрид е на 24. место со шест бода.

36-годишниот аргентински играч за врска на Бенфика од Лисабон, Анхел ди Марија направи две асистенции во натпреварот од 5. коло од Лигата на шампионите со Монако (3-2) и го зазеде второто место на листата на најдобри асистенти во историјата на ова натпреварувањетурнирот.

Така, Аргентинецот веќе има 41 асистенција во натпреварите од Лигата на шампионите, благодарение на тоа го надмина Лионел Меси, кој има 40 асистенции. Рекордер во Лигата на шампионите е португалски напаѓач Кристијано Роналдо со 42 асистенции.

На 16 натпревари од сезоната 2024/25 во сите натпреварувања, играчот од средниот ред постигна осум гола и даде пет асистенции.

Женската репрезентација на Македонија вои фудбал денес во Скопје официјално ги започнува подготовките за двата контролни натпревари со селекцијата на Црна Гора.

Контролните натпревари помеѓу Македонија и Црна Гора ќе бидат одиграни на 30 ноември со почеток во 13:00 часот и 3 декември со почеток во 12:00 часот на тренинг центарот „Петар Милошевски”.

Селекторот на женската репрезентација на Македонија, Александар Андов ги сподели своите очекувања пред двата тест натпревари со Црна Гора.

„Целта на овие два контролни натпревари со Црна Гора пред се е да го задржиме континуитетот, да се подобриме во одредени сегменти и да ги отстраниме слабите страни во нашата игра. Сакаме да бидеме во најдобра физичка и ментална состојба пред почетокот на циклусот на натпревари од Лигата на нации. Имаме јасна визија и цел за наредната година, а тоа е освојување на првото место во нашата група од новото издание на Лигата на нации.

Репрезентацијата на Црна Гора е квалитетен противник, кој одигра одличен двомеч против Финска во баражот. Имаме одиграно неколку натпревари против нив и секогаш резултатски биле поуспешни од нас. Но, тоа е минато, ние сме во фаза каде што градиме нова репрезентација која ќе биде конкурентнта и подготвена за секакакви предизвици.

Претходните квалификации за пласман на Европското првество беа успешни за нас, со оглед на тоа што до последниот меч бевме втори во групата и со победа ќе успеевме да влеземе во баражот, но нашето неискуство да играме под притисок си го направи своето. Можам да кажам дека од меч во меч растеме како тим, во континуитет има подобрување во нашата игра, се наоѓаме на вистинскиот пат.

Имаме добра група во Лигата на нации. Косово и Летонија се сериозни репрезентации кои имаат голем напредок во нивната игра. Нема повеќе место за изговори. Имаме одлична и вистинска можност пред нас која треба да ја искористиме максимално. Сакаме да се покажеме во добро светло и до го освоиме конечно првото место во нашата група“, рече Андов.

Нашата најдобра женска репрезентација на 21 февруари против Косово на домашен терен го започнува настапот во новото, второ по ред издание на Лигата на нации 2025 година.