Ханси Флик се соочува со остри критики по тешкиот пораз на Барселона од 4-1 против Севиља во Ла Лига. Поранешниот фудбалер на Барселона, Жерар Лопез, ја критикуваше тактиката на Флик за користење на висока дефанзивна линија, нарекувајќи ја „самоубиствена“ и обвинувајќи ја што ја оставаше екипата ранлива на контранапади. По повеќе од една сезона на чело, многумина веруваат дека противничките тимови ја пронајдоа слабоста во одбраната на Флик. 

Севиља максимално го искористи ризикот на Барселонската одбрана, при што фудбалери како Алексис Санчез и Исак Ромеро го користеа просторот зад високата линија. Раните голови ја ставија Барса во неповолна позиција, а и покрај голот на Маркус Рашфорд пред крајот на првиот дел, штетата беше направена. Дополнително, Роберт Левандовски промаши пенал, што им овозможи на домаќините да ја заверaт победата со два гола во финишот. 

Флик, сепак, ги одби критиките за тактиката и рече дека поразот бил повеќе последица на „сериозни грешки“ отколку на целокупниот план за игра. Тој повика на учење од грешките и инсистира дека самодовербата останува висока додека Барселона се бори за титулите во Ла Лига и Лигата на Шампионите. 

Овој пораз ја остави Барселона зад лидерот во лигата, Реал Мадрид, и отвори прашања за дефанзивниот пристап на Флик. Со напорна сезона пред себе, тренерот мора брзо да ја зацврсти одбраната и да ги подобри резултатите. Флик ги повика играчите да го искористат овој удар како мотив за предизвиците што следуваат по репрезентативната пауза. 

Одредени се двојките за осминафиналето на Светското првенство за фудбалери до 20 години. Мундијалот се одржува во Чиле.

Во осминафиналето ќе се соочат:

Чиле – Мексико
Аргентина – Нигерија
Украина – Шпанија
Колумбија – Јужна Африка
САД – Италија
Мароко – Јужна Кореја
Парагвај – Норвешка
Јапонија – Франција.

Репрезентациите на Нов Зеланд, Египет, Панама, Бразил, Куба, Австралија, Нова Каледонија и Саудиска Арабија не успеаја да се пласираат во плејофот. Франција, Нигерија, Јужна Кореја и Шпанија се пласираа во осминафиналето како третопласирани во своите групи.

Бранител на трофејот од СП 2023 е репрезентацијата на Уругвај.

Францускиот фудбалски прволигаш Марсеј е заинтересиран да го добие на позајмица напаѓачот на Реал Мадрид, Ендрик.

Според „Le10Sport“, трансферот би можел да се случи во зимскиот преоден рок. 19-дишниот Бразилец бара поголема минутажа и не е задоволен од статусот во Реал Мадрид.

Ендрик не одигра ниту една минута во сезоната 2025/26. Договорот на фудбалерот со „Кралскиот клуб“ е до 30 јуни 2030 година.

„Transfermarkt“ ја проценува вредноста на Ендрик на 35 милиони евра.

Напаѓачот на Реал Мадрид, Килијан Мбапе, ќе се приклучи на репрезентацијата на Франција за претстојните квалификациски натпревари за Светското првенство и покрај повредата на зглобот што ја заработи на натпреварот против Виљареал.

Напаѓачот, кој е во одлична форма оваа сезона со девет гола и две асистенции во осум натпревари, постигна уште еден гол во победата од 3-1 над Виљареал во саботата. Сепак, Мбапе беше заменет во 83-тата минута откако доби лекарска помош на теренот, а тренерот Чаби Алонсо одлучи да не презема никакви ризици.

По натпреварот, Алонсо потврди дека Мбапе претрпел повреда и рече дека ќе го следат неговиот напредок со француската репрезентација. Алонсо не беше сигурен дали играчот воопшто ќе отпатува во Клерфонтен.

И покрај загриженоста за неговиот зглоб, Мбапе ќе им се придружи на „Петлите“. Во оваа фаза, неговиот зглоб ќе биде прегледан од францускиот медицински персонал, по што ќе се донесе одлука за понатамошните чекори и како да се продолжи со него.

По ремито 1-1 со Селта Виго во 8. коло од шпанската Примера, Атлетико Мадрид го имаше најлошиот почеток во шпанското првенство од сезоната 2011/2012.

Диего Симеоне пристигна во клубот кон средината на таа сезона . По осум натпревари, екипата на Атлетико Мадрид имаа 12 бода.

Тимот на аргентинскиот тренер оваа сезона моментално е на петтото место со 13 бода. Реал Мадрид е лидер на табелата во шпанското првенство со 21 бод.

Во следното коло од Ла Лига, Атлетико Мадрид ќе биде домаќин на Осасуна. Натпреварот ќе се одигра на 18 октомври, со почеток во 21:00 часот.

Македонската репрезентација до 19 години на 9 и 12 октомври против Црна Гора ќе одигра два контролни натпревари. Селекторот на нашите надежи до 19 години, Ерхан Селими за пријателските натпревари во Даниловград и Подгорица ќе смета на следните фудбалери:

Голмани: Давид Илиоски (Брера), Павел Трајковски (Партизан, Србија);

Одбрана: Златко Радески (Тетекс), Абдулах Аслани (Лунгби, Данска), Горазд Ристовски (Црвена Звезда, Србија), Давид Стојаноски (Браво, Словенија), Лука Атанасовски (Тетекс), Андреј Мурџески (Вардар), Назиф Цека (Шкендија), Емир Шаботиќ (Вардар), Агон Бајрами (Фортуна Дизелдорф, Германија), Мичо Поповски (Вардар);

Среден ред: Каменчо Андоновски (АП Брера), Кренар Хоти (Работнички), Марко Киш (Сесвете, Хрватска), Ариф Локи (Коге, Данска), Адмир Љатифи (Осијек, Хрватска), Аритон Мехмед (Шкупи), Ненад Дамјаноски (Домжале, Словенија);

Напад: Хисар Али (Фероникели, Косово), Стефан Бранковски (Марибор, Словенија), Давид Ивановски (Винтертур, Швајцарија);

Репрезентацијата до 19 години се подготвува за квалификацискиот турнир за пласман во Елитна фаза квалификации за Европско првенство. Од 12 до 18 номеври, Португалија е домаќин на турнирот на кои ќе се соочиме со домашната селекција, Белгија и Естонија.

Јувентус и Милан одиграа нерешено 0-0 на стадионот „Алијанц“ во саботата навечер, а тимот на Игор Тудор повторно се мачеше пред голот. Јувентус се обидуваше да дојде до погодок, но не успеаја да го најдат вистинскиот пат до голот на противникот, продолжувајќи ја својата серија натпревари со малку голови под водство на хрватскиот тренер.

„Тоа беше натпреварот што го очекувавме – тежок, против силен тим. Сакавме да победиме, двата тима создадоа шанси и на крајот нерешениот рерзилтат е реален “, рече Тудор.

Тренерот ги објасни своите промени во нападот посочувајќи на заморот во неговата напаѓачка линија.

„Јилдиз, Консеисао и Давид беа уморни – играа толку многу. Се обидовме да завршиме со поголема конзистентност и енергија“, додаде Тудор.

Централниот дефанзивец Бремер сè уште се опоравува од повредата што го оддалечи од теренот поголемиот дел од минатата сезона. Дефанзивецот настапи во натпревари за „Бјанконерите“ оваа сезона, но Тудор одлучи да не презема никакви ризици со него.

Хари Мегваер би можел да го напушти Манчестер Јунајтед и да се пресели во Саудиска Арабија, откако станува сè поизвесно дека нема да добие нов договор. Со само уште една година преостаната од актуелниот договор, 32-годишниот дефанзивец веќе го привлекува вниманието на клубови од Саудиската Про Лига, особено Ал-Наср и Ал-Етифак. 

Мегваер пристигна на Олд Трафорд во 2019 година од Лестер, за тогаш рекордна сума за дефанзивец. Иако беше честа мета на критики, неговата форма се подобри во последните сезони и тој останува значаен дел од тимот. Има над 250 настапи и 16 голови за клубот, а во еден период беше и капитен. 

Доколку се пресели во Ал-Наср, ќе се врати во тим со својот поранешен соиграч Кристиано Роналдо, со кого настапуваше во сезоните 2021–22 и 2022-23. Според извори, Ал-Наср е заинтересиран да го донесе Мегваер без обештетување по истекот на неговиот договор, гледајќи во него искусна опција за зајакнување на одбраната. 

Јануари 2026 ќе биде клучен период, тогаш Мегваер ќе може официјално да преговара со странски клубови. Тој веќе изјави дека наредните месеци ќе бидат пресудни за неговата иднина, но останува посветен на Манчестер Јунајтед додека не се донесе конечна одлука. Клубот очекувано ќе отвори разговори наскоро за да одлучи дали ќе се обиде да го задржи или ќе му дозволи да замине. 

Пеп Гардиола ги отфрли се погласните шпекулации дека Ерлинг Халанд би можел да премине во Барселона, нагласувајќи дека напаѓачот е целосно посветен на Манчестер Сити. 

Шпанскиот стратег потсети на неодамнешното продолжување на договорот на Халанд до 2034 година, што според него е доказ за довербата што норвешкиот голгетер ја има во проектот на клубот. Гардиола изјави дека Халанд „не е толку наивен“ да направи чекор што би ја загрозил неговата кариера во овој момент. 

Барселона отворено покажува интерес за Халанд, а претседателот Хоан Лапорта наводно го гледа како идеално засилување. Но, Гардиола беше дециден дека, иако секој врвен клуб би посакал таков играч, Манчестер Сити е вистинското место за него сега. 

„Халанд точно знае каде се наоѓа и што градиме тука“, рече Гардиола, истакнувајќи ја неверојатната голгетерска форма на норвешанецот, кој има постигнато повеќе голови од некои клубови низ целата историја на групната фаза во Лигата на Шампионите. 

Иако Гардиола призна дека фудбалот е непредвидлив, тој даде до знаење дека Халанд е целосно во согласност со амбициите на клубот и дека нема причина да замине. 

„Сè може да се случи во фудбалот,“ додаде тој, „но со начинот на кој играме, поддршката што ја добива и неговата улога во тимот, не гледам причина да замине во скоро време.“ 

Манчестер Јунајтед се соочува со клучна одлука во јануарскиот преоден рок околу иднината на капитенот Бруно Фернандеш. Иако останува еден од најконзистентните фудбалери во тимот, резултатите и формата на клубот отворија прашања за неговата иднина на Олд Трафорд. 

Сериозен интерес доаѓа од клубови од Саудиска Арабија и Европа. Саудиската лига, која летоска веќе понуди над 100 милиони фунти, понуда што беше одбиена, подготвува уште побогата понуда во јануари, со плата која би била повеќе од двојно повисока од онаа што моментално ја заработува со Црвените Ѓаволи. 

Португалецот има договор со Јунајтед до 2027. Но, клубот може да биде подготвен да го продаде ако пристигне соодветна понуда со значителна добивка во однос на 68-те милиони фунти платени на Спортинг Лисабон во 2020. 

Фернандеш досега има одиграно 298 натпревари во црвениот дрес, со над 100 голови и 80 асистенции. Но, неговите поединечни успеси не беа доволни да го вратат клубот на врвот на Премиер Лигата или во борба за европски трофеи. 

Со клубот во процес на реструктуирање и нестабилни резултати, иднината на Фернандеш може да стане клучна точка во пошироката реконструкција на тимот. Јануарскиот преоден рок би можел да донесе и други промени во составот, додека Јунајтед се обидува да изгради тим што ќе биде конкурентен на сите фронтови.