Дивок Ориги најверојатно ќе го напушти клубот на крајот на сезоната, пренесуваат англиските медиуми.

26-годишниот напаѓач не добива голема минутажа кај Јирген Клоп, па тоа е причината поради која сака да ја промени средината.

Белгиецот во јануари ќе биде слободен да преговара со заинтересираните клубови, а се поизвесно е дека на лето како слободен играч ќе го напушти Ливерпул. Таквата ситуација сакаат да ја искористат Милан и Јувентус, кои веќе стапиле во контакт со неговиот агент.

Интерес за Ориги покажуваат и некои клубови од Бундеслигата, но тој преферира преселба во Серија А.

Според пишувањата во шпанските медиуми, претседателот на гигантот Реал Мадрид, Флорентино Перез донел одлука клубот и дефинитивно да се откаже од битката за потпис на голгетерот Ерлинг Халанд ова лето и сите сили ќе ги насочи кон доведување на ѕвездата на Париз Сен Жермен, Килијан Мбапе.

Како една од причините за откажувањето на Реал за доведување на Норвежанецот Халанд бил и менаџерот на играчот, Мино Рајола.

Рајола бил во лоши односи со претседателот на „Кралскиот клуб“ Перез, и тоа со сигурност би ги отежнале преговорите за евентуален трансфер на Халанд од Борусија Дортмунд.

Манчестер Јунајтед има двоцифрена бројка на играчи кои побарале да си заминат во јануарскиот преоден рок.

Дин Хендерсон, Ерик Баи, Дони ван де Бик…, се само дел од незадоволните, а прв кој „го крена гласот“ е Ентони Марсијал.

Французинот уште во декември најави дека планира да оди некаде каде што ќе има поголема минутажа, во еден момент беше блиску до преселба во Севилја, но го продолжи проблемот околу деталите за позајмицата. Затоа се уште е на „Олд Трафорд“, но е далеку од тимот.

„Тој одби да биде во тимот за мечот со Астон Вила. Нормално ќе се натпреваруваше за тимот, но не сакаше и тоа е причината што не отпатува со нас во Бирмингем“, изјави менаџерот на „црвените ѓаволи“, Ралф Рангниг.

Марсијал веднаш демантираше:

„Тоа не е точно, никогаш не одбив да играм за Манчестер Јунајтед. Тука сум седум години и никогаш не сум покажал непочитување кон никого во или околу клубот“, изјави Марсијал.

Марсијал не е стартер во Премиер лигата од 2 октомври, а од 2 декември и дуелот со Арсенал не бил во составот.

Челзи е фаворит за потписот на дефанзивецот на Баерн Минхен, Николас Зуле, пренесува „Билд“.

Лондонскиот клуб е заинтересиран за 26-годишниот Германец, чиј договор со Баерн истекува на крајот на сезоната.

Интерес за Зуле покажува и Барселона, но самиот фудбалер преферира преселба во Премиер лигата. Челзи е во предност пред другите клубови и поради Томас Тухел, кој го убедил сонародникот да се пресели на „Стенфорд Бриџ“.

Данскиот фудбалер Кристијан Ериксен по седум месеци планира спектакуларно враќање на терените.

Поранешниот играч на Интер, кому му се слоши на ЕП 2020, по што му ставија дефибрилатор, планира да се врати на терените во Премиер лигата. Островските медиуми пренесуваат дека тој има три понуди како слободен играч, и дека наскоро ќе одлучи каде ќе игра.

Ериксен изјави дека негова желба е повторно да заигра на големата сцена.

„Мојата цел е да играм на Светското првенство во Катар. Тоа е мојот менталитет. Тоа е целта, сонот. Сигурен сум дека можам да се вратам, не чувствувам дека е поинаку. Физички се чувствувам совршено“, изјави Данецот.

Раководството на Јувентус воопшто не е задоволно од односот кој го има агентот на Де Лихт и одлучи на крајот на сезоната да го продаде дефанзивецот.

Мино Раиола веќе крои планови да му најде нов клуб што поскоро и на лето Холанѓанецот да направи голем трансфер. Менаџерот неодамна и јавно потврди дека дефанзивецот сака да го напушти Јувентус на крајот на сезоната.

На „старата дама“ воопшто не и се допаѓа таквата ситуација и донесе одлука да го продаде дефанзивецот на крајот на сезоната.

Италијанскиот клуб е спремен да слушне понуди од заинтересираните клубови, но нема да го продаде за сума помала од 65 милиони евра.

Фудбалерот од средниот ред на Лидс Јунајтед, Калвин Филипс е на врвот на листата за потенцијални засилувања на Ливерпул во летниот период.

Тренерот Јирген Клоп е „голем фан“ на фудбалерот и поради тоа клубот е подготвен да плати 40 милиони евра за негово ангажирање.

Интерес за англискиот репрезентативец има од повеќе европски клубови. Неодамна тој беше поврзуван со преоѓање во Реал Мадрид, Баерн Минхен и ПСЖ. Неговиот договор со Лидс е до 30 јуни 2024 година. Калвин Филипс во моментот е надвор од фудбалските терени поради повреда со која се здоби на почетокот од декември и мораше да оди на операција.

Претседателот на турскиот клуб Адана Демирспор објави дека екипата на Њукасл е заинтересирана за напаѓачот Марио Балотели.

„Њукасл размислува да потпише со Балотели, но засега нема официјална понуда. Во неговиот договор има откупна клаузула. Но, не можам да ја откријам нејзината големина“, изјави претседателот Санчак.

Поранешниот фудбалер на Интер, Манчестер Сити, Милан и Ливерпул ја продолжи кариерата во Турција и како слободен играч заигра за Адана Демиспор. 31-годишниот Балотели игра во одлична форма за својот нов клуб за кој оваа сезона постгна 8 гола.

Овој месец Њукасл ги донесе Трипие од Атлетико Мадрид и Крис Вуд од Барнли, но не се исклучуваат и нови засилувања во клубот кој сака да се избори за опстанок во Премиер лигата.