Напаѓачот на Бенфика и репрезентативец на Португалија, Гонзало Рамос, многу веројатно на крајот од сезоната ќе си замине од клубот.

За 21-годишниот играч кој на 38 натпревари сезонава за Бенфика постигна 25 гола, голем интерес покажуваат европските фудбалски гиганти, меѓу кои предничат Манчестер Јунајтед и Баерн Минхен.

Договорот на фудбалерот со Бенфика има важност до 2026 година, па така цената која клубовите ќе треба да ја платат за негов ангажман би била околу 90 милиони фунти.

Напаѓачот на Манчестер Сити, Ерлинг Халанд, стана нов рекордер меѓу играчите од англиската Премиер лига, по бројот на постигнати голови во една сезона.

Норвежанецот во победата на Манчестер Сити над Баерн Минхен со 3:0 во четвртфиналето од Лигата на шампиони, го постигна својот 45.гол во сезоната во сите напреварувања. Халанд така ги престигна Руд ван Нистелрој кој во дресот на Манчестер Јунајтед во сезоната 2002/03 постигна 44 гола, и Мохамед Салах кој за Ливерпул во 2007/18  постигна 44 погодоци.

Халанд до крајот на оваа сезона со Манчестер Сити го очекуваат уште најмалку 11 натпревари, па така најверојатно тој дополнително ќе ја зголеми својата бројка на постигнати голови.

Марко Асенсио се предомислил во последните недели и сега е отворен кон идејата да потпише нов договор со Реал Мадрид.

Договорот на Асенсио истекува на крајот на сезоната, па иако се очекуваше дека сигурно ќе ја промени средината, сепак дојде до пресврт.

Асенсио не е задоволен од лимитираната минутажа која ја добива кај Анчелоти и главно е на клупата за резерви, па поради тоа сакаше да ја промени средината.

Меѓутоа, Реал му понуди нов договор и сака да го задржи, а Асенсио сега сериозно размислува да ја прифати понудата и да остане на „Сантиаго Бернабеу“.

Џереми Фримпонг е на радарот на многу европски гиганти.

Според новинарот Фабрицио Романо, агентот на 22-годишниот Холанѓанец веќе имал средби со претставници на Манчестер Јунајтед, Баерн Минхен и Барселона.

Како фаворит за неговиот потпис важи Манчестер Јунајтед, а и самиот фудбалер преферира да се пресели во Премиер лигата.

Оваа сезона Фримпонг има 26 меча за Леверкузен во Бундеслигата на кои постигна 8 гола.

Роберт Левандовски би сакал Лионел Меси да се врати на „Камп Ноу“.

Се погласни се шпекулациите дека Меси на лето може да се врати во Барселона, а Левандовски се надева дека може да игра во тандем со Аргентинецот.

„Лео Меси и припаѓа на Барселона и сите го знаат тоа. Не знам што ќе се случи, но се надевам дека ќе играме заедно во тимот следната сезона. Би било неверојатно ако тој повторно заигра во Барселона и сите знаеме дека ова е единственото место за него“, изјави Левандовски.

Сепак, враќањето на Меси ќе биде тешка мисија за Барселона, бидејќи клубот има финансиски проблеми.

Англискиот премиерлигаш Астон Вила e веројатно новата дестинација за англискиот репрезентативец и член на Манчестер Сити, Калвин Филипс.

Играчот од средината на теренот, минатото лето за 45 милиони фунти пристигна во шампионот на Англија меѓутоа големиот проблем со повредите го оддалечија од настапите за првиот тим во екипата предводена од тренерот Гвардиола.

Астон Вила која после назначувањето за тренер на клубот на Унаи Емери игра во извонредна форма, планира дополнително засилување на екипата, па така ангажманот на 27-годишниот Филипс е реална опција за наредната сезона.

Според информациите на медиумите, сумата за евентуален трансфер на Филипс во Астон Вила би изнесувала 33 милиони фунти.

Марко Ројс не сака ни да размислува за друг клуб на истекот на актуелниот договор со Борусија Дортмунд, па според „Билд“ има алтернатива со која ќе обезбеди продолжување на соработката со „милионерите“.

Капитенот на Борусија прифатил сериозно намалување на платата за да го продолжи договорот, па се чини дека потврдата на информацијата е само формалност.

Актуелната плата на Ројс е дури 12 милиони евра, па јасно е дека Борусија не би можела да го задржи ветеранот под тие услови, а фудбалерот прифатил да заработува пет милиони помалку по сезона.

Ројс сезонава има 7 гола и 8 асистенции во 24 настапи за Борусија, па се уште е важен дел од мозаикот на тренерот Един Терзиќ, а Борусија останува главен ривал на Баерн во битката за титулата во Бундеслигата.

Барселона е силно заинтересирана да го врати Дани Олмо на „Камп Ноу“, но сега во трката за неговиот потпис се приклучи и Реал Мадрид.

Олмо е дете на „Ла Масија“ од каде замина во Динамо Загреб, а веќе неколку сезони игра одлично во Лајпциг. Олмо има договор со Лајпциг до 2024 година, па Каталонците го советувале да не ја продолжува соработката и да пристигне во Барселона како слободен агент.

Меѓутоа, Лајпциг сака да избегне такво сценарио и ќе го стави Олмо на трансфер пазарот, а таквата ситуација сака да ја искористи Реал Мадрид.

„Кралевите“ сметаат дека Олмо ќе биде идеална замена за Асенсио и немаат проблем да платат 40 милиони евра, колку што бара Лајпциг за неговата слобода.

Финалето на Купот на Македонија меѓу Македонија Ѓорче Петров и Струга Трим Љум ќе се игра во Струмица.

Ова е одлуката на Управниот одбор на Фудбалската федерација на Македонија кој реши битката за трофејот да ја пресели надвор од Скопје, односно Струмица стадионот “Младост” одново ќе бидат домаќин за завршница на Купот по пауза од пет години.

Само за потсетување „лавовите“ од Ѓорче Петров го бранат трофејот во ова натпреварување, додека пак за лидерот во ПМФЛ ова е прво историско финале во Купот.

Воедно Управниот одбор го утврди датумот и местото на одржување на редовно генерално собрание на Фудбалската федерација на Македонија-тоа е 27 мај во Скопје со почеток во 11:00 часот.

Ромелу Лукаку требаше да биде големо засилување за Интер во оваа сезона, но Белгиецот дефинитивно не ги оправда високите очекувања, имаше проблеми со повредите, а пак кога е фит и подготвен го нема тој посакуван учинок пред противничкиот гол.

Напаѓачот даде 6 гола на 22 натпревари за „нероаѕурите“ и трпи доста критики, односно прашање е дали Интер ќе се потруди да преговара со Челси за откупување на договорот, поточно да го врати назад на „Џузепе Меаца“ за кампањата 2023/2024.

Во одбрана на Ромелу застана легендарниот Кристијан Виери кој смета дека позитивно е тоа што играчот влегува во шанси.

„Факт е дека Лукаку не е спокоен пред голот. Како фудбалер, пропуштив повеќе голови од оние што ги постигнав, но важно е да се има шанси. Ќе беше драматично да немаше прилики пред голот. Ако тој немаше шанса на десет натпревари“, вели Бобо кој смета дека Симоне Инѕаги мора да го остава Лукаку да игра по цели натпревари.