Десниот бек на Динамо, Морис Валинчиќ, иако во моментов се опоравува од повреда, со настапите во првиот дел од сезоната го привлече вниманието на неколку италијански клубови. Според Џанлука Ди Марцио, за 23 годишниот фудбалер интерес покажуваат дури три екипи од Серија А.

Најконкретен е актуелниот шампион Наполи, кој веќе ги планира засилувањата за следната сезона и сака да ги забрза преговорите со Динамо со цел трансфер во јуни.

Освен клубот од Неапол, во трката се вклучени и Рома, предводена од Џанпјеро Гасперини, како и Интер, кој го следи Валинчиќ по повредата на Дензел Думфрис.

Валинчиќ оваа сезона има 14 настапи во сите натпреварувања и две асистенции, од кои една во Лига Европа. Динамо за него ѝ плати 1.35 милиони евра на Истра 1961, а моменталната вредност на фудбалерот се проценува на околу 2 милиони евра.

Англискиот фудбалер Конор Галагер и официјално се врати во Премиер лигата каде што сега ќе го носи дресот на Тотнем.

Галагер летото 2024 година го напушти Челси и се прсели во Атлетико Мадрид каде што сепак не се снајде нјдобро, па сега одново ќе игра на Островот.

Атлетико за Галагер беше единствениот клуб надвор од Англија, преетходно ја помина академијата на Челси и беше дел уште од Чарлтон, Свонси, Вест Бромвич и Кристал палас.

Тотнем за неговите услуги плати сума од 40 милиони евра.

Како што стојат работите според последнитее информации, Хартс ќе биде победникот во ситуацијтаа со Роџерс Мато и голгетерот на Вардар кариерата најверојатно ќе ја продолжи во Шкотска.

Имено, по вчерашната објава на Хартс дека Мато ќе се пресели во нивните редови, денеска Вардар објави дека тие прифатиле понуда од Канзас Сити од МЛС лигата. Сепак, во изјава за „Единбург њуз“ од американскиот клуб потврдиле дека се откажуваат од намерата да го доведат Мато.

„Спортинг Канзас Сити ја разгледуваше можноста за трансфер на Роџерс Мато, но тој одлучи да потпише преддоговор со Хартс и му посакуваме сѐ најдобро во иднина“, соопштија од американскиот клуб.

Дека Мато има договор потврди и портпаролот на Хартс.

„Имаме потпишан договор со играчот и сме целосно смирени околу ситуацијата“, изјави портпарол на Хартс.

Ако нешто не се промени и ситуацијата остане ваква, Мато дресот на Хартс ќе го облече по завршувањето на актуелната сезона.

Чаби Алонсо и понатаму е високо ценет на тренерскиот пазар пред летниот преоден рок. И покрај краткиот и турбулентен мандат во Реал Мадрид, шпанскиот стратег останува сериозна опција за европските гиганти кои внимателно ја следат неговата иднина. Фудбалските кругови посочуваат дека неговата докажана работа и смиреното лидерство продолжуваат да ја хранат довербата во неговиот квалитет.

Враќањето на Алонсо во Реал Мадрид носеше големи очекувања, но проектот се распадна за помалку од осум месеци. Поразот од 3-2 од Барселона во Суперкупот на Шпанија ја забрза разделбата, договорена спогодбено. Односите со дел од клучните фудбалери, меѓу кои и Винисиус Жуниор, како и притисокот од навивачите, дополнително ја поткопаа неговата позиција. Иако кратката серија победи среде сезоната му донесе привремен здив, исходот беше неизбежен.

Сепак, неговото заминување повеќе ја отсликува суровата реалност на елитниот фудбал отколку пад на неговата репутација. Успехот со Баер Леверкузен останува силен доказ за неговата тренерска класа.

Клубови ширум Европа и натаму го оценуваат Алонсо како еден од најперспективните тренери на новата генерација. Настапот во Мадрид се смета за скапа, но вредна лекција во средина со екстремен притисок, а не како кариерен чекор наназад. Можно е тој многу скоро да се врати на тренерската клупа, како атрактивна опција за тимови што бараат тактички прецизен и интелектуално силен лидер.

Навивачите на Ливерпул со интерес ја следат ситуацијата околу Алонсо, особено поради сомнежите во менаџерските способности на Арне Слот, и покрај тоа што Холанѓанецот лани ја освои Премиер Лигата. „Невкусните“ перформанси повторно отворија дебата за иднината на клупата, а минатото на Алонсо како фудбалер на Енфилд носи дополнителна емотивна димензија. Неколку поранешни соиграчи веруваат дека тој би бил природен избор за клубот, иако Слот сè уште ја има поддршката од управата.

Фудбалерот на Реал Мадрид, Џуд Белингам, зазеде силен став против гласините што се појавија веднаш по отпуштањето на Чави Алонсо од тренерската позиција.

„Атлетик“ и „ESPN“ тврдеа дека тој, Винисиус Жуниор и Федерико Валверде не му верувале на својот претходен „учител“.

„Премногу ги споменувам овие работи, секогаш надевајќи се дека вистината ќе излезе на виделина со текот на времето. Но, искрено… Каков метеж. Навистина ми е жал за луѓето што се држат до секој збор што го кажуваат овие кловнови и нивните „извори“. „Не верувајте во сè што читате, од време на време овие луѓе треба да бидат одговорни за ширењето на такви штетни дезинформации за кликови и понатамошни контроверзии“,

напиша Белингам на својата лична мобилна апликација „JB5“.

Јувентус бара засилувања на бековските позиции и одлучи да се насочи кон фудбалер кој може да игра подеднакво добро како лев и десен бек.

„Газета дело Спорт“ пишува дека главна цел на „старата дама“ е Нусаир Мазрауи од Манчестер Јунајтед.

Станува збор за играч кој се пресели од Баерн во Јунајтед во 2024 година за 15.000.000 евра, а во Италија веќе го привлече вниманието благодарение на својата техника и способност значително да придонесе во напаѓачката фаза.

Останува да се види дали Манчестер Јунајтед ќе биде спремен да го пушти или Јувентус ќе мора да се сврти кон други решенија.

Мазрауи моментално е на Африканскиот куп на нации во неговата земја и вечерва ќе го започне полуфиналниот натпревар на Мароко со Нигерија.

Вчера како бомба одекна веста дека шкотскиот тим Хартс се договорил од јули во своите редови да го доведе Роџерс Мато, а денес следува реакција и од Вардар.

„Црвено-црните“ прифатија милионска понуда од МЛС лигата за трансфер на Мато во САД. Понудата е од Спортинг Канзас Сити, а Вардар реши да ја прифати откако стана јасно дека може да го загуби играчот бесплатно по крајот на сезоната.

Во договорот на Вардар со Спортинг Канзас стои и клаузула од 10% за потенцијален следен трансфер на крилниот фудбалер. Сепак, сега се е во рацете на самиот Мато, бидејќи одлуката дали би се преселил во МЛС лигата е негова. Репрезентативецот на Уганда добил финансиска понуда од 40.000 долари месечно, што на годишно ниво достигнува речиси половина милион евра. Нејасно е и дали Мато легално би можел да потпише со клубот од САД, ако веќе потпишал договор со Хартс. Доколку се исполни трансферот, освен Вардар пари ќе добие и Брера која според договорот има право на 20% од сумата на овој трансфер.

Доколку Мато ја прифати понудата од САД тогаш веднаш ќе го напушти Вардар, во спротивно ќе остане во пролетниот дел од сезоната и во јули ќе замине во Шкотска, но во тој случај Вардар нема да заработи ништо.

Јувентус се издвои како еден од главните фаворити во трката за потписот на дефанзивецот на Селта Виго, Оскар Мингеза. Италијанскиот гигант е меѓу петте европски клубови кои внимателно ја следат ситуацијата околу 26-годишниот Шпанец, кој би можел да стане слободен играч во наредниот период.

Бјанконерите активно бараат засилувања на бековските позиции и се обидуваат да го забрзаат трансферот уште во јануарскиот преоден рок, иако Селта засега одбива да се откаже од еден од своите најстабилни фудбалери. Мингеза, поранешен член на академијата на Барселона, се истакнува со својата версатилност — може да игра како десен бек, централен дефанзивец, па дури и во средниот ред, што дополнително ја зголемува неговата вредност на пазарот.

Раководството на Селта Виго нема намера да го продаде Мингеза во средината на сезоната, најмногу поради 50-процентната клаузула од следна продажба која ѝ припаѓа на Барселона од трансферот во 2022 година. Тоа значи дека клубот од Галиција би добил само половина од евентуалната отштета, па затоа повеќе сака да го задржи играчот до истекот на договорот, кој важи до 30 јуни 2026 година.

Единствено активирање на откупната клаузула од 20 милиони евра би можело да ја промени нивната позиција. Во меѓувреме, интересот од Торино е јасен. Спортскиот директор на Јувентус, Марко Отолини, лично присуствувал на неколку натпревари на Селта за да го следи Мингеза одблизу.

Во Торино го гледаат Шпанецот како потенцијално решение за нестабилноста на десната страна, особено по разочарувачките настапи на Жоао Марио. Под водство на Лучано Спалети, неговата тактичка флексибилност би била од голема корист, без разлика дали како класичен бек, офанзивен винґ-бек или дури и крилен играч.

Според информации од трансфер-инсајдери, Јувентус е решен да реагира навреме доколку се создадат поволни услови, со цел да ја добие трката пред останатите заинтересирани клубови. Преговорите за продолжување на договорот меѓу Мингеза и Селта во моментов се во застој, што дополнително ги храни надежите на Бјанконерите. Било за летен „бесплатен“ трансфер, било за неочекуван јануарски пробив.

Интер е на чекор до ангажман на еден од најперспективните млади дефанзивци во регионот, Бранимир Млациќ од Хајдук Сплит. Италијанскиот шампион постигнал договор на клупско ниво со хрватскиот клуб за трансфер вреден над 5 милиони евра, вклучувајќи бонуси, и сега остануваат само финалните детали со играчот.

По неколку одбиени понуди, упорните преговори вродија со плод, а Хајдук ја прифати понудата што одговара на нивните финансиски очекувања. Како дел од договорот, Млациќ ќе остане на позајмица во Сплит до крајот на сезоната, што ќе му овозможи континуиран развој во позната средина.

На играчката страна, Интер е оптимистичен дека наскоро ќе ги договори личните услови со 18-годишниот стопер и неговите агенти. Медицинските прегледи би можеле да бидат закажани во наредните денови, по што Млациќ се очекува да потпише долгорочен договор, најверојатно до 2030 година. И покрај интересот од клубови како Барселона, Нераѕурите успеале да реагираат најбрзо, благодарение на нивната скаутска структура.

Од спортски аспект, трансферот се вклопува во стратегијата на Интер за градење силна база од млади таленти. Млациќ се истакнува со физичка стабилност, добра игра со топка и зрелост несвојствена за неговите години — карактеристики што го прават идеален модерен централен дефанзивец.

Реал Мадрид се соочува со сериозен тест во осминафиналето од Купот на Кралот против Албасете, натпревар кој ќе го одбележи дебито на Алваро Арбелоа како привремен тренер на „Кралевите“. Шпанскиот гигант ќе настапи без неколку клучни имиња, меѓу кои Килијан Мбапе, Џуд Белингам и Родриго, додека Винисиус Жуниор останува единствената голема офанзивна ѕвезда во составот.

Мбапе се уште чувствува последици од повредата на коленото добиена, а неговото кратко појавување како замена загубата во финалето против Барса само ја потврди недоволната подготвеност. Белингам доби одмор, заедно со Орелиен Чуамени, додека Родриго е надвор поради повреда. Отсуството на целата напаѓачка тројка го принудува Арбелоа да се потпре на помлади фудбалери.

Ситуацијата не е ништо подобра ниту во дефанзивната линија. Антонио Ридигер и голманот Тибо Куртоа не се во комбинација, а подолго време надвор од терените се и Едер Милитао, Трент Александер-Арнолд и Ферлан Менди. За да ја пополни празнината, Арбелоа повика пет фудбалери од Кастиља, меѓу кои Мануел Анхел, Хорхе Сестеро и Сесар Паласиос, сигнализирајќи јасна ориентација кон младинскиот погон.

Во својот прв список, Арбелоа се одлучи за ротации и преземање ризик, со фокус и на претстојниот првенствен дуел против Леванте. Албасете, една од двете преостанати екипи од Сегунда дивизијата во Купот, ќе се обиде да ја искористи ситуацијата и да приреди изненадување на Естадио Карлос Белмонте.

Иако Реал Мадрид и понатаму има квалитет на своја страна, овој натпревар претставува вистински испит за новиот тренер, кој на промоцијата најави храбар и бескомпромисен пристап со цел да се надмине периодот на нестабилни резултати.