На две кола пред крајот на сезоната во ВМФЛ и натаму се води неизвесна борба за влез во елитното фудбалско друштво во Македонија.

Дербито на 28. рунда се играше во Штип каде пред преполни трибини лидерот Брегалница и Шкендија Арачиново играа без победник 1-1.

Гостите поведоа со голот на Николче Шаркоски во 16. минута, а во 68-та, Костадин Капсаров го израмни резултатот откако успешно реализираше удар од 11 метри.

Скопје со погодокот на Мердиан Рамадани во 21. минута го совлада Тетекс и по оваа гостинска победа се израмни по бројот на бодови со Брегалница и двете екипи на две кола пред крајот имаат по 65 бода.

Охрид без поголеми проблеми славеше во соочувањето со Големо Коњари. Димитриј Димитриевски во 26. минута му донесе предност на домаќинот од 1-0.

Во последната минута од првиот дел Виктор Наумовски зголеми на 2-0, а конечните 3-0 ги постави Стојан Попоски со голот во 73. минута.

Доминацијата на гостинските екипи во ова коло ја потврдија Кожув со триумфот од 8-0 над Победа Прилеп како и победата од 4:0 на Осогово во мечот против Вардар Неготино.

Детонит Плачковица исто така како гостин славеше со 3-0 над Преспа, а честа на домаќините ја спасуваа Каменица Саса и Новаци со победите од по 1-0 во дуелите со Слога Виница и Беласица.

Во пресрет на последните две кола Брегалница Штип и Скопје имаат по 65 бода, два повеќе од Шкендија Арачиново додека четврти е Охрид со 62.

Следното 29. коло кое е на програмата на 16 мај, Брегалница му гостува на Осогово, Големо Коњари го пречекува Скопје додека Охрид патува во Радовиш на дуел против Детонит Плачковица, а Шкендија Арачиново е домаќин на Новаци.

Почетокот на натпреварите е закажан за 16:30 часот.

Реал Мадрид донесе голема одлука. Францускиот репрезентативец Орелиен Чуамени не е во плановите на клубот за следната сезона.

Откако се степа во соблекувалната со клупскиот колега Федерико Валверде, кој завршил во болница, францускиот играч од средниот ред Орелиен Чуамени е прецртан од кралскиот клуб.

Извори од Шпанија тврдат дека раководителите на Реал веќе одлучиле да го стават 26-годишникот на трансфер листата.

„Реал Мадрид е спремен да се раздели со Орелиен Чуамени по тепачката со Федерико Валверде“, се наведува и додава:

„Планот е парите од неговата продажба да се искористат за доведување на играчот од средниот ред на Манчестер Сити – Родри.“

Напаѓачот на Марсеј, Пјер-Емерик Обамејанг, е повлечен од составот на тимот за 33. коло од Лига 1 против Ле Авр на гостински терен по инцидент на тренинг-центарот, објавува „Л’Екип“.

За да изгради тимско единство пред последните два натпревари од француското првенство, раководството на клубот организираше четиридневен тренинг-камп на тренинг-центарот на клубот. На последниот ден од кампот, неколку играчи, предводени од напаѓачот од Габон, организираа импровизирана забава, поместувајќи кревети, правејќи неред во собите и користејќи противпожарен апарат врз еден од членовите на раководството.

Следниот ден, раководството на Марсеј го собра тимот за да ги разјасни околностите. Обамејанг им се извини на жртвата и на раководството.

Оваа сезона, 36-годишниот Обамејанг одигра 40 натпревари во сите натпреварувања, постигнувајќи 13 гола и давајќи 10 асистенции.

По 32 кола од француското првенство, Марсеј е на седмото место на табелата со 53 бода.

Нант претрпе пораз од Ленс со 1-0 синоќа во натпревар од 33. коло од Лига 1, со што ги загуби и теоретските шанси да остане во Француската прва лига.

Тимот е на 17. место со уште два преостанати натпревара во лигата.

„Канаринците“ се вратија во Лига 2 по 14 години, откако последен пат играа во второто по квалитет фудбалско натпреварување во Франција во сезоната 2012/13.

Последниот пат кога Нант испадна од лигата, му требаше четири години за да се врати во Првата лига.

Претходно, Мец ги загуби шансите да остане во Лига 1 и следната сезона ќе игра во Лига 2 на крајот од сезоната 2025/26.

Раководството на Реал Мадрид останува заинтересирано за селекторот на француската репрезентација, Дидие Дешам.

Според „Ел Мундо“, поканувањето на 57-годишниот Французин на тренерската позиција на мадридскиот клуб е план Б доколку не може да се постигне договор со Жозе Мурињо, кој моментално е тренер на Бенфика. Преговорите со португалскиот менаџер веќе се започнати.

Реал Мадрид, под водство на Алваро Арбелоа, е втор во Ла Лига со четири преостанати натпревари, 11 бода зад лидерот Барселона. Тимот има преостанати натпревари оваа сезона против Барселона, Овиедо, Севиља и Атлетик Билбао.

Дешам е селектор на француската репрезентација од 2012 година. Оваа зима беше објавено дека ќе ги напушти „триколорите“ по Светското првенство 2026.

Тренерот претходно работеше со Марсеј, Јувентус и Монако

Тренерот на Бенфика, Жозе Мурињо, го сподели своето мислење за тоа колку далеку може да стигне репрезентацијата на Португалија на Светското првенство 2026.

„Португалија може да направи сè. Тие имаат неверојатна генерација. Минатата година ја освоија Лигата на нации. Во 2016 година го освоија Европското првенство. Оваа генерација е технички супериорна во однос на онаа. Секако, тука е Бразил на Карло Анчелоти, тука е Аргентина, но Португалија може да го освои ова Светско првенство“, изјави Мурињо за „Ла Газета дело Спорт“.

Светското фудбалско првенство ќе се одржи од 11 јуни до 19 јули во три земји: САД, Канада и Мексико. За прв пат ќе учествуваат 48 национални селекции.

Португалија ќе се соочи со Конго, Узбекистан и Колумбија во групната фаза.

Фудбалерите на Галатасарај, по голема драма и пресврт, успеаја да го победат тимот на Анталијаспор на домашен терен и да обезбедат нова, рекордна 27-ма титула во турското првенство на коло пред крајот на сезоната.

Херој на натпреварот беше двојниот стрелец, Нигериецот Виктор Осимен.

Жолто-црвените го пречекаа тимот на Анталијаспор на стадионот „Рамс Парк“ во Истанбул, кој на овој натпревар се сретна на 15-то место, првото над зоната за испаѓање и се обиде сè за да остане непоразен.

Гостите водеа со 0-1 и 1-2, но домаќините успеаја да го свртат резултатот благодарение на Виктор Осимен и победија со 4-2.

Галатасарај ги постигна сите четири гола во второто полувреме.

Стрелци беа Марио Лемина во 56-та минута, Виктор Осимен во 66-та минута од пенал и во 88-та минута и Кан Ајхман во 95-та. Сонер Дикмен во 45-та минута и 62-та минута погоди за Анталијаспор.

Ова е вкупно 27-ма титула на Галатасарај и е апсолутен рекордер во Турција.

Вечерва, Фенербахче убедливо гпобеди на гости кај Коња, но тоа не беше доволно да остане во борбата за титулата.

Галатасарај е шампион на Турција четврти пат по ред, а Фенербахче исто толку пати е вицешампион.

Иницијативата јужната трибина на Арената Тодор Проески во Скопје да го носи името на легендарниот вардарови фудбалер Васил Рингов кој неодамна почина, зема се поголем замав.

Се повеќе засегнати институции се приклучуваат и даваат „зелено светло“ за истата. Фудбалската Федерација на Македонија, на чело со претседателот Масар Омерагиќ и официјално со допис се согласи надлежните да го променат името на трибината.

„Големо име, ќе стои и ќе одекнува. Засекогаш“.

Манчестер сити го победи Брентфорд со 3-0 дома во 36. коло од англиската Премиер лига.

Трите гола паднаа во второто полувреме. Ги постигнаа Жереми Доку, Омар Мармуш и Ерлинг Халанд негов 26-ти во Премиер лигата. Норвежанецот е лидер во трката за голови во лигата.

Манчестер сити има 74 бода и е втор на табелата во Премиер лигата. „Граѓаните“ се два бода зад Арсенал, а на двете екипи им остануваат уште три натпревари до крајот на првенството.

Брентфорд е на осмото место со 51 бод.

Пелистер ја искористи шансата за да стигне до три нови бода во борбата за опстанок совладувајќи го „фенерџијата“ Шкупи во натпревар кој беше најефикасен за битолскиот тим оваа сезона.

Почетокот на средбата не навестуваше расплет со многу голови, првенствено можеби дека битолскиот тим започна без чифт стандардни првотимци, како капитенот Мирко Ивановски и најефикасниот играч на екипата оваа година, Лука Булатовиќ. На стартот на мечот имаше обид по акцијата на Керим и Петковски во втората минута, како и на Филип Петровиќ во петтата минута. Петковски се обиде уште еднаш во 7 минута, а најзрелата шанса ја имаа гостите во 10 минута кога Зибери се обиде од половина терен да го казни излезениот Јовчевски, но не беше доволно прецизен.

Првиот гол се случи во 25 минута, по акцијата во која што Филип Петровиќ беше правовремено проигран и биеше прецизно за да го постигне својот прв гол во ПМФЛ. Уследија уште два гола во следните две акции: најпрво во 31 минута Спировски од средината на теренот го проигра Петковски кој реализираше без проблем, а потоа во 39 минута по продорот на Србијанац по левата страна, повторно Филип Петровиќ доби асистенција која успеа да ја претвори гол. На самиот истек од времето во првиот дел, Петковски со втор гол зголеми на 4:0 и победата на Пелистер делуваше дека е завршена работа.

Во вториот дел, малку фалеше да дојде нов гол во мрежата на Сефер Муслиу во 49 минута, но ударот на Филип Петровиќ со глава беше стопиран од голманот, а одбиената топка заврши во пречката.

Тренерот на битолскиот клуб, Марјан Секуловски им даде шанса и на некои помлади фудбалери, кои возвратија со уште погодоци. Во 70. минута Мрмачовски се запиша во листата на стрелците, а Михајо Петровиќ го направи истото десет минути подоцна. За обајцата тоа беше дебитантски гол во дресот на Пелистер и воопшто во македонското првенство. Конечните 7:0 дојдоа по нова акција во 86 минута, од која Филип Петровиќ повторно извади максимум за да комплетира хет-трик.

„Зелено-белите“ сега имаат 36 бода и го делат осмото место со АП Брера која има ист број бодови, но натпревар помалку (утре го пречекува Работнички во натпревар кој може да биде пресуден во борбата за опстанок).

Пелистер по оваа деветта победа сезонава до крајот на пр